JESAYA 57:16 - BIBEL JAMITA NA DENGGAN

¹⁶ Angke nada salolotna Au giot mamorso, jana nada giot salolotna Au muruk, anso ulang gabe gale halahi di jolongKu, hape Au do na mambaen hosa hangoluan.

JESAYA 57:16 ပူးပေါင်းရင်းမြစ်များ

PAMUNGKAAN 6:3

Gabe didok Tuhan ma, “Nada Hupatola jolma i mangolu salolot-lolotna; angkon laing mate do halahi. Mamungka sian on, nada salpuan ni halahi be 120 taon.”

2 SAMUEL 24:16

Ma lalu surusuruan na pasarsar hamatean i di lambung ni pardegean ni gandum nampuna ni si Arauna halak Jebus i. Jadi dung diida Tuhan na dung hobas surusuruan i laho mangabisi Jerusalem, dipauba Tuhan ma haputusannia i laho manguhum bangso i. Didok Tuhan ma tu surusuruan i, “Tuk ma i! Antak ma!”

JOB 12:10

Ia do na mangatak mangatur sasudena na nitompa. Jana na kuaso di hosa ni ganop jolma manusia.

MASMUR 85:5

Matua muruhanMu noma hami lakna? Na so mantak be he rimasMu rupana?

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

JESAYA 27:8

Hona taban do uhuman ni bangsoNia. Dipaorot Ia halahi marhite halingsungsung na ro sian Habincaran.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 42:5

Songon on ma didok Debata, Tuhan, na manompa langit jana na paherbangkonsa na manompa tano on dohot sude na tubu di ginjangna na mangalehen hosa tu angka jolma na manginganisa.

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

JEREMIA 10:24

Ajar ma hami ale Tuhan, dohot na sapatutna. Ulang ma dohot hamumurukMu, anso ulang gabe mago hami.

JEREMIA 3:5

Salolot ni lolotna dehe Ia giot muruk sanga mambaen hosom satorusna? Songon i ma didokkon ho tapi dipupu ho mangkarejohon na jat.”

JEREMIA 38:16

Marjanji ma Raja Zedekia tu au sip-sip, ning ia ma, “Mangasahon Debata Na Mangolu i, Debata na mangalehen ngolu di hita, husumpahon ma na so dabuhononku uhuman mamatehon ho sanga pasahatkon ho tu angka jolma na giot mamunu ho.”

JEHESKIEL 18:4

Satutuna, Au do nampuna tondi ni sude! Tondi ni ama bope tondi ni anak Au do nampunasa! Jana halak na mardosa, i do na angkon mate.

AMOS 1:11

Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i. Manigor muruk do halahi jana tongtong marhosom.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

ZAKARIA 12:1

On ma tona ni Tuhan taringot tu Israel, i ma Tuhan na pahembang langit, na manompa portibi jana na mangalehen ngolu tu jolma, didok Ia ma,

BILANGAN 16:22

Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”

IBRANI 12:9

Di tano on, adong do amanta. Diajari amanta be do hita, jana tapasangap do amanta. Antong mur ma hape maradopkon Amanta na di banua ginjang i, tontu angkon mur umoloan ma hita tuSia anso mangolu hita.