JESAYA 57:13 - BIBEL JAMITA NA DENGGAN

¹³ Muda marsurak ho, padiar ma gana-ganaanmi paluahon ho! Ombuson ni alogo ma halahi sude, angkon dihabangkon pangombus ni hosa. Tapi halak na marondingan tu Au angkon dapotan pusako di luat i jana punania ma dolokKu na badia i.

JESAYA 57:13 ပူးပေါင်းရင်းမြစ်များ

2 RAJA-RAJA 3:13

“Aha urusanku tu ho?” ning si Elisa tu raja ni halak Israel i. “Tu angka panurirang ni amangmi ma ho kehe.” “Nada!” ning si Joram mangalusi. “Angke na nisangkap ni Tuhan do laho pasahatkon hami na tolu tu raja Moab.”

JOB 21:18

Unjung ma he halahi songon durame dohot abuan na niombus ni halingsungsung dohot haba-haba?

MASMUR 1:4

Tapi suhar-suhar ni i do anggo halak parjahat; songon guapak na niombuskon ni haba-haba do.

MASMUR 118:8

Gumonan do iba marpos ni roha tu Tuhan, umpado mangasahon jolma.

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

MASMUR 37:11

Halak na serep marroha, i do nampuna tano, na mangarasoi dame dohot hasonangan na tarlobi.

MASMUR 37:22

Sanga ise na nipasupasu ni Tuhan, i do na dapotan tano, hape anggo halak na niburaanNia, usiron do i kehe.

MASMUR 37:29

Halak na daulat do nampuna tano teanan, jana manginganisa sapanjangna.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

MASMUR 37:34

Tu Tuhan ma mararop roha jana oloi ma parentaNa, gabe angkatonNia ma ho, jana baenonNia gabe nampuna di tano teanan; idaonmu ma parjahat dibaen marmorotan.

MASMUR 37:9

Angke agohonon do sanga ise na mambaen jahat, tapi anggo na mararop roha tu Tuhan, i do nampuna tano teanan.

MASMUR 58:9

Painte so hona dope angka hudonmu tu api madung dipangabis Ia angka na mangolu bope na dung mosok.

MASMUR 84:12

Ale Tuhan Na Markuaso, sai martua ma tutu sanga ise na porsaya tu Ho.

PODA 28:25

Patubu partongkaran do na ahut tu diri, maruntungan do iba muda Tuhan dihaporsayai.

JESAYA 11:9

Di sude dolokKu na badia, nada adong na jahat sanga pe mara, gok parbinotoan taringot tu Tuhan ma angka luat, songon aek na manggohi dano mangalantap.

JESAYA 14:32

Aha ma ulaning alusta tu angka suruan na ro i sian Pilistin? Tadok ma tu halahi bahaso na dung dipauli Tuhan, Sion jana disi ma dapotan pangondian bangsoNia na marhancit.

JESAYA 25:4

Ho do parlojongan ni halak na pogos dohot na gale, di Ho do halahi sonang di hamamasa ni susa pe. Sian alogo na jorbut diondingi Ho do halahi. Sian pandoit ni na milas dilinggomi Ho do halahi. Ompot mambaen serangan halak na jungkat songon haroro ni bade di ari nonat,

JESAYA 40:24

Tudos tu suan-suanan simarata do halahi, na baru tubu dope uratna i. Muda jabat diparo Ia haba-haba, dihabangkon do halahi songon durame na mahiang.

JESAYA 41:16

Piaranmu ma halahi, lalu kehe habang diombus alogo i; baenon ni bade pe abis ma marserak halahi, hape ho sandiri marsurahi di bagasan Tuhan. Marjop ni roha ma ho, patunda ni Au Debata, di Au, Na Badia ni Israel ho marmoga-moga.

JESAYA 45:20

“Ro ma hamu jana marlagut, hamu sude na malua sian tonga-tonga ni angka bangso. Angka halak na mangudur-udurkon patung hayu-hayu, na so marbinoto boti na oto; na martangiang tu angka debata na so bisa mambaen malua.

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 56:7

“BoanonKu ma hamu tu dolokKu na badia i, lehenonKu jop ni roha di hamu di bagas paribadatanKu. JagitonKu angka haul na nihaulkonmunu di langgatanKu. Goaran ma bagasKu bagas partangiangan ni sandok bangso.”

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JESAYA 65:11

Tapi nada songon i anggo bagian ni angka halak na manadingkon Au, na so parduli di Sion, dolokKu na badia i, boti na marsomba tu Gad dohot Meni, i ma angka debata pardoharan dohot nasib.

JESAYA 65:25

Rap manjampal ma sorigala dohot anak ni biri-biri, singa pe mangan durame songon lombu, jana ulok pe mangolu sian abu. Di sude dolokKu Na Badia i nada adong be na mangarugi i, sanga mambaen na jahat,” ninna Tuhan.

JESAYA 65:9

PasupasuonKu do halak Israel na sian Marga Juda. Pomparan ni halahi ma gabe nampuna tano pardolohanKu. Bangso na Hupili na mangoloi Au maringanan ma disi

JESAYA 66:20

Sian angka luat i obanon ni halahi ma mulak angka kahanggimu sabangso songon silua di Au. Obanon ni halahi ma angka jolma i tu dolokKu na Badia di Jerusalem mangalombut kudo, halode dohot unto, dohot na markareta maradu dohot na marpadati; songon na somal halak Israel maroban tu Bagas Ni Tuhan haul gandum di bagasan inganananna na ias.

JEREMIA 2:28

Di dia ma he angka debatamunu na nipaturemunu i? Muda masa hasusaan suruhon ma halahi paluahon hamu, anggo tarbaensa do! O ale Juda, bahat ni angka debatamu sabahat ni angka kotamu!

JEREMIA 22:20

“Manangkok ma hamu tu Dolok Libanon dohot tu Basan jana marsurak ma hamu disi. Surakkon hamu ma sian partoran Abarim na dung ditaluhon sude donganmunu.

JEREMIA 22:22

Hara ni i, gabe mago boti noma angka pamimpinmunu songon na niombus ni alogo. Angkaton ma angka donganmunu i songon taban, jana kotamunu dipabile hara ni sandok hajahatanmunu i.

JEREMIA 30:14

Sude haholonganmu, madung lupa tu ho; nada ra be halahi mamikirkon ho. Songon musu, Au giot mangaroro jana manguhumi hamu maradu gogo hara ni bahat ni dosamu jana godang hasalaanmu.

JEHESKIEL 20:40

Angke di tano Israel, di puncu ni dolokKu na badia i, hamu sude bangso Israel, disi ma sombaonmunu Au. Disi ma sonang rohangKu mida hamu jana Hupangido hamu maroban tu Au angka haulmunu na dumenggan dohot angka silehen-lehenmunu na gabe hapunjunganKu.

HOSEA 13:3

Jadi hara ni i angkon mago ma angka jolma i songon nambur jana songon ombun manyogot. Songon durame di pardegean ma halahi na niombus ni alogo jana songon timus na ruar sian tataring.

JOEL 3:17

“Ale Israel, saonnari botoonmunu, Au do Tuhan Debatamunu. Di Sion do Au maringanan i ma dolokKu Na Badia i. Gabe kota na badia noma Jerusalem, nada be taluhonon ni halak na asing kota i.

ZAKARIA 7:13

Nada Hualusi tangiang ni halahi, harana halahi pe antong nada ditangihon halahi taran mangkuling Au ninna Tuhan Na Markuaso.

HAKIM-HAKIM 10:14

Tu angka debata na nipilimunu i ma hamu antong kehe. Pio-pio ma hamu tu halahi! Padiar ma halahi na paluahon hamu di bagasan hasusaan i.”