JESAYA 57:11 - BIBEL JAMITA NA DENGGAN

¹¹ Tu ise ulaning ho humitir jana mabiar, gabe margabus ho, jana nada mangingot Au, sanga inda ditangihon ho Au. Nada he hara ni na sip jana Hupapitpit matangKu, gabe nada mabiar be ho tu Au?

JESAYA 57:11 ပူးပေါင်းရင်းမြစ်များ

MASMUR 50:21

Dibaen ho ma i sudena, tapi laing Hupahohom do, diambang ho do lakna sarupa bakonta. Tapi anggo saonnari uhumonKu ma ho jana parkarohononKu ma i.

MASMUR 78:36

Hape hum gabus sajo do dipandok halahi, nada adong na tutu hata na nidokna i.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

PARJAMITA 8:11

Biasi songon i momona halak mambaen hajahatan? Hara ni na so manigor do dilehen uhuman.

JESAYA 26:10

Haru pe denggan Ho tu halak na jungkat, nada tarbaen halahi marsiajar na so jahat. Di negara uhum pe laing na so ture do i nada ra mangoku tu kuaso ni Tuhan i.

JESAYA 30:9

Hara ni na sai mangalo halahi tu Debata, sai margabus, jana nada jungada ra manangihon pangajaran ni Tuhan.

JESAYA 42:14

“Honok ma tutu sai mangkohom Au, lolot ma na so Hualusi bangsongKu. Tapi saonnari dapot hatihana baenon tindakan, mangarar ma Au songon dadaboru na giot tubu-tubuan.

JESAYA 44:20

Tudos tu na mangan abu do pangalaho i. Songon i ma liluna dibaen pikiran na oto i, gabe nada haurupan be ia. Nada ra ia mangoku tu dirinia sandiri, anggo patung na di tangannia i sanga na bia pe nada Debata i.

JESAYA 47:7

Di mulana diambang ho salolot-lolotna gabe ratu ho. Hape rohamu nada mangastui sanga bia ujungna di pudi.

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

JEREMIA 3:21

Tarbege do sora ni na gaor di puncu ni angka dolok; i ma sora ni halak Israel na martangisan jana mangido-ido hara ni na dung mardosa halahi jana lupa tu Tuhan Debata ni halahi.

JEREMIA 38:19

Dialusi raja i ma, “Mabiar do au mida halak hita na dung lari i mamihak tu halak Babel. Ulang so dipasahat pe au muse tu halahi jana disiksa.”

JEREMIA 42:20

na dung mambaen hasalaan na godang do hamu. Dipangido hamu anso martangiang au tu Tuhan Debatanta i salaho tu hamu, jana marjanji do hamu laho patuluskon sude na nidok ni Tuhan i.

JEHESKIEL 13:22

Angka halak na burju na so adong Huhahua, dipahancit hamu ma roha ni halahi marhite pargabusonmunu i. Angka halak na jahat dipagodang hamu rohana anso tongtong mardosa boti anso ulang dipalua.

MATEUS 25:25

Mabiar do au, gabe hubunihon hepeng ni tuan i di bagasan tano. On pe, indon ma hepeng ni tuan i.’

BAENON NI ANGKA RASUL 5:3

Tapi didok si Petrus ma tusia, “Ale Ananias, biasi dehe dipadiar ho Sibolis mangarajai rohamu, jabat margabus ho tu Tondi Parbadia, jana sip-sip ho manabunihon di ho sandiri deba sian hepeng tuhor ni tano i?

2 TESSALONIKA 2:9

Sian parkarejoan ni Sibolis, tarida ma Jolma Na Jahat i di bagasan kuasonia na godang. Baenonnia ma angka tanda hahomangan marragam rupa dohot angka pangalaho na luar biasa mardongan sipaoto-oto.

1 TIMOTEUS 4:2

markite-hite lancap-lancap ni angka na manghobarkon gabus, angka na martihas di taroktokna.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.