JESAYA 57:1 - BIBEL JAMITA NA DENGGAN

¹ Mate halak partigor, jana nada adong sahalak pe na mampardulihonsa; angka halak na alim hona sintak hosana, jana nada adong na mangantureskonsa; tutu, hara ni na dung rarat hajahaton, hona sintak ma hosa ni halak partigor.

JESAYA 57:1 ပူးပေါင်းရင်းမြစ်များ

1 RAJA-RAJA 14:13

Marsiluluton ma sude rayat ni Israel jana kuburkonon ni halahi ma ia. Hum sasada ia sajo ma sian pomparan ni si Jerobeam na marsangap dikuburkon, angke hum sasada ia ma i na tumbuk di roha ni Tuhan, Debata ni halak Israel i.

2 RAJA-RAJA 22:20

Hara ni i, nada patuluson be uhuman i tu Jerusalem salolot mangolu ho. Di bagasan dame do ho laho marujung ngolumu.” Jadi mulak ma angka na nisuru i mandapotkon raja i jana dipalalu halahi ma tona i.

2 JUJUR TAON 32:33

Marujung ma ngolu ni si Hiskia, lalu dikuburkon ma ia di panangkohan na di tano kuburan ni raja-raja. Sude do rayat ni Juda dohot Jerusalem mangalehen hasangapan na godang tusia di parmatenia i. Gabe raja ma anaknia si Manase manggontihon ia.

2 JUJUR TAON 34:28

jana uhuman na Huoban tu Jerusalem nada paroonKu be i salolot di ngolumu. PadiaronKu do ho mate di bagasan dame.” Jadi mulak ma angka na disuru i mandapotkon Raja Josia jana dipalalu halahi ma barita i.

2 JUJUR TAON 35:24

Diangkat halahi ma ia sian karetania i jana dipaimbar tu kareta na asing na adong disi, dung i dioban ma ia tu Jerusalem. Disi ma marujung ngolunia jana dikuburkon di kuburan ni raja-raja. Marsiluluton ma sude rayat ni Juda dohot Jerusalem hara ni hamamatenia i.

MASMUR 12:1

Tolong ma, ale Tuhan, angke nada adong be halak na marhabiaran, halak na burju mangoloi Ho maol niluluan.

MASMUR 37:37

Parrohahon ma halak na burju roha jana partigor, halak na dame, sai adong do siarapkononna.

JESAYA 42:25

Jadi gabe disombabkon Ia ma rimas ni rohaNia tu hita, jana dipamasa Ia porang na mambaen hita susa. Marsigorgor do murukNia pangabiskon halahi, hape nada i taboto jana nada marsiajar hita sian na tarjadi.

JESAYA 47:11

Tondongon ni parmaraan ma ho, nada margogo ajimetmi pasidingkonsa. Ro ma parmaraan tu ho, nada bisa so simbilkononmu i marhite manyombahon haul. Ompot ma ro hamamate tu ho, songon na so diambang rohamu.

JESAYA 47:7

Di mulana diambang ho salolot-lolotna gabe ratu ho. Hape rohamu nada mangastui sanga bia ujungna di pudi.

JESAYA 57:11

Tu ise ulaning ho humitir jana mabiar, gabe margabus ho, jana nada mangingot Au, sanga inda ditangihon ho Au. Nada he hara ni na sip jana Hupapitpit matangKu, gabe nada mabiar be ho tu Au?

JEREMIA 18:11

Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 22:10

Hamu halak Juda, ulang ma hamu marsak hara ni parmonding ni Raja Josia. Si Joahas anakna i ma tangisi hamu angke madung hona oban ia jana nada mulak be. Nada idaonna be tano hatubuanna.

JEHESKIEL 21:3

Au Tuhan mandok songon on, ‘Musumu do Au. SintahonKu ma podangKu jana bunuonKu hamu sude, na jahat dohot na burju.

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

MALEAKI 2:2

Ninna Tuhan Na Markuaso: “Muda nada ditangihon, jana nada diparate-atehon hamu laho pasangapkon goarKu, baenonKu ma bura tu tonga-tongamunu jana angka pasupasumu gabe bura, jana madung Hubaen i gabe bura, harana nada diparate-atehon hamu.

BILANGAN 23:10

Pomparan ni Israel songon abuan, nada taretong, songon i bahatna. O Tuhan, sugari hupaujung ngolungku songon sada halak sian halakMu. Tunduk tu Debata di sude pangalaho; di bagasan hasonangan au mate.”