JESAYA 56:2 - BIBEL JAMITA NA DENGGAN

² Martua ma halak na mandalankon i, dohot Anak Ni Jolma na marojahan tusi: Na marningot Ari Sabat jana nada dilaosi ari i, dohot na mangorom dirina tu hajahatan.”

JESAYA 56:2 ပူးပေါင်းရင်းမြစ်များ

NEHEMIA 13:17

Hugorahon ma angka pamimpin ni Juda i jana hudok, “Na so sadar dehe hamu bahaso na dung mambaen hajahatan hamu hara ni na pahodar Ari Sabat?

MASMUR 106:3

Martua ma sanga ise na mandalankon angka parentaNia, jana na sai tigor di angka tindakanna.

MASMUR 112:1

Martua ma na burju na marjop ni roha patuluskon parenta ni Tuhan.

MASMUR 119:101

Hupasiding do sude parange na so ture anso huoloi pangajaranMu.

MASMUR 128:1

Martua ma halak na mabiar mida Tuhan, jana na mangolu mangihutkon parentaNa.

MASMUR 34:14

Padao ma ho sian na jahat, patulus ma na denggan, gogoi ma parayakkon hadamean.

MASMUR 37:27

Tadingkon ma hajahatan, patulus ma na denggan, gabe maringanan di tano i ma pomparanmu sapanjangna.

HARURUAR 20:10

tapi ari papituhon, i ma Ari Sabat ni Tuhan, Debatamu. Nada jadi mangkarejohon nasa karejo di na sadari i, bope ho, bope anakmu, bope borumu, bope naposomu halaklahi, bope naposomu dadaboru, bope pahan-pahananmu, bope halak na mardagang di hutamu.

HARURUAR 20:8

Ingot ma Ari Sabat, anso diparbadiai ho ari i.

PODA 14:16

Jamot do halak na bisuk jana dipasimbil do hajahatan, tapi muda halak na oto dipapuas do hagiotna jana jop rohana.

PODA 16:17

Pasimbil hajahatan i do dalan na tutu, sanga ise na manjago dalanna, i do manjagohon hosana.

PODA 16:6

Setia jana porsaya ma ho, gabe sesaon ma dosamu, jana oloi ma Tuhan anso dao ma hajahaton sian ho.

PODA 4:13

Ingot ma sanga aha na dung niparsiajaranmu, i do hangoluanmu, hara ni i jagohon ma i.

PODA 4:27

Padao ma na jahat, jana tigor ma ho mangolu. Ulang jabat ho manyirpang sian dalan na tigor.

PARJAMITA 7:18

Pasiding ma parkotian godang ni na dua i. Muda nihabiaran Debata, angkon malua do hita.

JESAYA 56:4

Tu halak sisongon i didok Tuhan do, “Muda dipasangap ho do Au marhite na marningot Ari Sabat, muda setia do ho tu parjanjianKu jana dipatulus ho na pasonangkon rohangKu.

JESAYA 56:6

Tu angka halak na asing na dung masuk etonganna tu bangso ni Tuhan, na manghaholongi jana na mangoloi Tuhan, na pasangapkon Ari Sabat jana setia tu parjanjianNia, didok Tuhan do,

JESAYA 58:13

“Muda nada didege-dege hamu aturan ni Sabat jana nada dikarejohon hamu siurusonmunu di aringKu na badia i, muda didok hamu Ari Sabat i ari na marhasonangan, jana ari na badia ni Tuhan i ari na marmulia; muda dipasangap hamu ari i marhite na so mangkarejohon karejomunu dohot na so mambaen urusanmu sanga na marhata na rumar,

JEHESKIEL 20:12

Husuru do halahi pasangapkon Ari Sabat songon tanda ni parjanjianKu dohot halahi, laho paingotkon halahi paboa na dung Huhapunjungkon halahi di Au, Au Tuhan mangkapunjungkonsa.

JEHESKIEL 20:20

Parbadia i ma Ari Sabat i na gabe tanda ni parjanjianKu dohot hamu, laho pasunggulkon tu rohamu paboa Au do Tuhan Debatamunu.’

HAMALIMON 19:30

Ingot ma Ari Sabat jana pasangap ma sanga di dia inganan manyomba Au. Au do Tuhan.

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

LUKAS 12:43

Martua ma antong naposo na patulus karejona didapot tuanna na baru ro i.

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

SURAT NI SI PAULUS TU PARLAGUTAN ROM 12:9

Ulang mangalancap-lancap holong ni roha i! Magigi ma hamu mida na jahat, parayak hamu ma na denggan.

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.