JESAYA 54:8 - BIBEL JAMITA NA DENGGAN

⁸ Hara ni parpiar ni murukKu, Hutabunihon bohingKu, santongkin maradopkon ho. Tapi patuduhononKu ma tu ho holong ni rohangKu salolot ni lolotna.” Songon i ma na Hudok, Au Debata Sipalua ho.

JESAYA 54:8 ပူးပေါင်းရင်းမြစ်များ

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

MASMUR 103:4

Dipalua Ia do ngolumu sian kuburan, dipasupasu Ia ho marhite holong dohot asi ni rohana.

MASMUR 13:1

Lopus andigan ale Tuhan? Ro di salolotna do halupahononMu au, jana monjap sian au?

MASMUR 27:9

Ulang ma martabuni Ho sian au. Ulang muruk Ho tu au; ulang suru kehe, naposoMu do au on. Angke sai Ho do pangurupi di au on, ulang tadingkon au, ale Debatangku, na paluahon au.

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

JESAYA 26:20

Masuk ma hamu tu bagasmunu i ale bangsongKu, lalu tutupkon ma pintuna i. Martabuni ma hamu sangombas lopus mombun rimas ni Tuhan.

JESAYA 40:27

Antong ale Israel, biasi sai humolos, sai songon na so diboto Tuhan ho na susa? Sai songon na so parduli Ia, muda manaon na so tigor ho?

JESAYA 45:15

Debata na paluahon Israel bangsoNia i, i ma Debata na pasimohon diri.

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JESAYA 48:17

Songon on ma pandokkon ni Tuhan, Partobusmu, Na Sun Badia, Debata ni Israel: “Au do Tuhan, Debatamu, na mangajari ho salaho tu na mangkorhon na denggan, na mangaramoti ho di dalan na angkon bolusonmu.

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

JESAYA 49:13

Marende ma ho, o langit, marsurak ma ho ale portibi, marsurak angka dolok marendei. Ro Tuhan mangapoi bangsoNia i, dihaholongi Ia bangsoNia angka na susa.

JESAYA 49:26

PaksaonKu ma angka jolma na manindas ho, mangankon sibukna sandiri, jana mabuk manginum mudarna sandiri, songon halak na mabuk minum anggur na imbaru. Gabe botoon ni jolma manusia ma, Au do Tuhan na paluahon ho, Na Gumogo, Debata ni si Jakob manobus ho.”

JESAYA 54:10

Muncat pe angka dolok jana humutur dohot tor, tapi holong ni rohangKu nada muncat sian ho, jana janji hadameonKu nada morot sian ho,” ninna Tuhan, na manghaholongi ho.

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JESAYA 60:10

“Bangunon ni halak sileban ma tembokmu mangulahi, jana angka raja noma mangoloi ho disi. Najolo Huuhumi ho hara ni murukKu, tapi saonnari tumbuk do ho siiboan ni rohangKu.

JESAYA 63:7

Giot paboaonKu do, holong ni roha ni Tuhan na so marhaujungan. Hupuji Ia hara ni sude pambaenanNia, pasupasuNia marlobian di hita bangsoNia. Angke gok ibo ni roha do Ia jana holong ni rohaNia nada marhasidungan.

JESAYA 64:7

Nada adong na martangiang tu Ho, sanga pe pangurupionMu dipangido. Dibaen dibunihon Ho bohiMu sian hami, dipadiar Ho hami diago dosanami sandiri.

JESAYA 8:17

Madung ditabunihon Tuhan diriNa maradopkon bangsoNia, tapi anggo au porsaya jana mararop roha do tuSia.

JEREMIA 31:3

Hupatidahon do diringKu sian na dao tu halahi. O ale bangso Israel, sian najolo do sai holong rohangKu mida hamu, jana laing torus do tu joloan on giot patuduhononKu na holong rohangKu mida hamu.

JEREMIA 33:26

laing songon i ma tongtong tioponKu parjanjianKu dohot pomparan ni si Jakob dohot naposongKu si Daud. TodoonKu ma sahalak sian pomparan ni si Daud laho mangarajai pomparan ni si Abraham, si Ishak dohot si Jakob. Maribo ni roha ma Au tu bangsongKu jana sonang halahi baenonKu.”

JEREMIA 51:5

Au Debata, Tuhan Na Markuaso, Debata Na Badia ni Israel, nada tadingkononKu Israel dohot Juda haru pe na dung mardosa halahi tu Au.

JEHESKIEL 39:29

UsehononKu ma tondingKu tu bangso Israel jana nada be tadingkononKu halahi. Au Tuhan Debata madung mandok songon i.”

HABAKUK 3:2

Tarbege do tu au, ale Tuhan, taringot tu Ho, gabe digohi roha bisuk ma ate-atengku. Sugari diulahi Ho ma nian sanoli nari pambaenanMu na godang i di hatihanami saonnari. Holong ma nian rohaMu mida hami haru pe muruk Ho.

ZAKARIA 1:15

Tapi muruk situtu do Au maradopkon angka bangso na mandokkon dirina sonang. Angke taran muruk Au maradopkon bangsongKi ditambai halahi do parkancitanna.”

ZAKARIA 1:16

Hara ni i songon on do hata ni Tuhan, “Madung marpangulahi rohangKu tu Jerusalem; angkon paulion muse BagasKu di tonga ni kota i, ninna Tuhan Na Markuaso, jana tarikon ma hotang pangukur humaliang Jerusalem.”

ZAKARIA 10:6

“PargogoanKu halak Juda, halak Israel Hupalua. ObanonKu halahi mulak tu tano ni halahi, angke holong do rohangKu mida halahi. BaenonKu ma halahi, songon bangso na so unjung Hugagai. Au ma da Tuhan Debata ni halahi, sandok tangiang ni halahi Huparrohahon mangulahi.

2 TESSALONIKA 2:16

Sai diapoi jana dipatogu Tuhanta Jesus Kristus sandiri bope Debata Amanta i ma rohamunu, anso tarpatulus jana tarjamitahon hamu sanga aha na denggan. Angke dihaholongi Debata Amanta i do hita, jadi hara ni denggan ni rohaNia, diapoi Ia do rohanta dohot apo-apo na manongtong jana dilehen Ia do tu hita arop ni roha na denggan.

1 TIMOTEUS 1:16

Tapi laing hara ni i muse ma dihaholongi Debata au, anso laing tarpatuduhon Jesus Kristus hasobaronNia maradopkon au halak pardosa on. Jana gabe tiruan ma on di angka na giot porsaya muse tuSia jana na manjagit hangoluan na so mantak.