JESAYA 54:5 - BIBEL JAMITA NA DENGGAN

⁵ Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JESAYA 54:5 ပူးပေါင်းရင်းမြစ်များ

JOB 19:25

Huboto do anggo di banua ginjang, adong disi pangondianku; di ujungna ro Ia manolong au.

JESAYA 11:9

Di sude dolokKu na badia, nada adong na jahat sanga pe mara, gok parbinotoan taringot tu Tuhan ma angka luat, songon aek na manggohi dano mangalantap.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 43:14

On ma na nidok ni Tuhan napalua hamu, Debata Na Badia ni Israel, “Hara ni hamu, Hualo Babel marhite na manongos tentara, Huonjarkon angka palang ni pintu ni hurunganna, jana sora siriaonna Hupauba gabe partangisonna.

JESAYA 45:11

Songon on do hata ni Tuhan, Debata Na Badia, jana na manjadihon Israel: “Hamu ma he na patut marsapa tu Au salaho tu angka dakdanakKu, sanga na mangalehen parenta tu Au salaho tu karejongKu?

JESAYA 48:17

Songon on ma pandokkon ni Tuhan, Partobusmu, Na Sun Badia, Debata ni Israel: “Au do Tuhan, Debatamu, na mangajari ho salaho tu na mangkorhon na denggan, na mangaramoti ho di dalan na angkon bolusonmu.

JESAYA 48:2

Nada hum i sajo, didok hamu dope pangisi ni kota na badia i hamu, na pasahat ngoluna tu Debata ni Israel, i ma Tuhan Na Markuaso i.

JESAYA 51:15

Harana Au do Tuhan Debatamu, Au do namangatur laut jana mambaen marsasak galumbangna. Tuhan Na Markuaso do goarNa.

JESAYA 54:8

Hara ni parpiar ni murukKu, Hutabunihon bohingKu, santongkin maradopkon ho. Tapi patuduhononKu ma tu ho holong ni rohangKu salolot ni lolotna.” Songon i ma na Hudok, Au Debata Sipalua ho.

JESAYA 6:3

Marsipioan ma halahi: “Na badia, na badia, na badia ma da Tuhan Na Markuaso i. Digohi hamuliaonNia do portibi on.”

JESAYA 65:16

Sanga ise di luat i na mangido pasupasu pangidoonna ma anso Au Debata na setia mamasumasu ia. Sanga ise na marsumpa, marsumpa ma mangasahon goarKu, Debata na setia. Marujung noma sitaonon di hatiha na salpu jana halupahonon.

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

JEREMIA 3:14

“O hamu bangso na so setia, mulak ma hamu tu Au! Au do nampuna hamu. BuatonKu noma hamu, sahalak sian ganop kota, dua halak sian ganop partubu, jana obanonKu hamu mangulahi tu Dolok Sion.

JEREMIA 51:19

Anggo Debata ni si Jakob nada songon gana-ganaan i; Ia do na manompa sasudena. Tuhan Na Markuaso i do goarNia; ditodo Ia do Israel gabe bangsoNa.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

HOSEA 2:16

Jana nada be Baalnia Au goaronnia, tapi dokkononnia ma Au halaklahinia.

HOSEA 2:18

BaenonKu noma di hatiha i parjanjian dohot ho, dohot sude angka binatang di padang, dohot angka unggas di awang-awang dohot angka binatang na adong di tano on.

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

LUKAS 1:32

Gabe magodang ma Ia jana digoari ma Ia Anak Ni Debata Na Gumincat. Gabe raja ma Ia baenon ni Debata songon si Daud ompuNa i.

JOHANNES 3:29

Bayo pangoli do nampuna boru na niolina. Anggo dongan ni bayo pangoli i hum jongjong sajo do ia mandongani jana manangihon pangoli i jana jop ma rohania umbege sora ni pangoli i. Songon i ma au, saonnari marjop ni roha situtu do au.

EPESUS 5:32

Bagas do na nidok ni hata i. Tapi domu tu parsambungan ni Kristus dohot parlagutan i do na hudok disi.

JOSUA 3:11

di na taripar Poti Parjanjian ni Tuhan ni sandok portibi on manjoloi hamu.

JOSUA 3:13

Disi naron didegehon angka malim na mamorsan Poti Parjanjian ni Tuhan i patna tu bagasan aek di Batang aek Jordan i, magotap ma pardalan ni aek i, jana tartembok ma aek na ro sian julu di sada inganan.”

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”