JESAYA 54:4 - BIBEL JAMITA NA DENGGAN

⁴ Ulang ho mabiar, nada pola pailaon be ho; nada layasan jabat mangirput ho. Halupahononmu ma na so turemu dompak poso ho; dohot na lungunmu dompak mabalu ho.

JESAYA 54:4 ပူးပေါင်းရင်းမြစ်များ

JOB 11:16

Salangkan dangolmu nada be sai ingotonmu. Songon parsurut ni aek magodang, sian parningotan salpu.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 29:22

Hara ni i, Debata ni Israel na paluahon si Abraham sian hasusaan, mandok saonnari, “Hamu bangsongKu, nada pabileon be hamu, jana bohimu pe nada langan-langan be hara ni na maila.

JESAYA 4:1

Muda dung dapot hatiha i, tiopon ni pitu halak dadaboru ma sada halaklahi jana dokkonon ni halahi ma, “Isinkon ma da hami mandok ho na mambuat hami anso ulang jabat maila hami hara ni na so jungada marbagas. Anggo panganon dohot pakean, hami sandiri pe da mananggungsa.”

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

JESAYA 50:7

Hape nada mampan incak ni halahi, dibaen dilehen Tuhan Debata pangurupi. Hupatogu rohangku songon togu ni dolok batu, angke huboto nada au dibaen maila.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

JESAYA 54:14

Di gincat ni hatigoran ma pajongjongon ho. Dao ma sian ho angka na manindas ho, angke nada pola mabiar ho jana nada tarsonggot ho, angke nada ro be i tu ho.

JESAYA 61:7

Nada be maila sanga dipabile hamu mangulahi; tanomunu i hamu sandiri noma mangingani. Hamoraonmunu marlompit ganda, jop ni rohamunu hot ma salolotna.

JESAYA 65:16

Sanga ise di luat i na mangido pasupasu pangidoonna ma anso Au Debata na setia mamasumasu ia. Sanga ise na marsumpa, marsumpa ma mangasahon goarKu, Debata na setia. Marujung noma sitaonon di hatiha na salpu jana halupahonon.

JEREMIA 31:19

Madung hami hudukkon Ho tapi parbuatannami i hami solsoli do. Dung diuhumi Ho hami, mangunduk do ulunami hara ni arsaknami. Maila hami jana marbile dibaen mardosa taran poso dope.’

ANDUNG 1:1

Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

JEHESKIEL 16:22

Di sude parkarejoanmu si hagigian i, songon anak boru na so hasaya, saotik pe nada di ingot ho be hatiha hamenehanmu, taran mansaemara ho jana marngeati di tonga-tonga ni mudarmu sandiri.”

JEHESKIEL 16:43

Hara ni na so diingot ho be hatiha haposoonmu, gabe muruk Au, tutu, dabuonKu ma uhum tu ho hara ni hajahatonmu, songon i ma didok Tuhan Debata. Nada he na markarosuan do ho muse di balik ni nasa pambaenanmu na nihagigihon i?”

JEHESKIEL 36:15

Nada padiaronKu be hata-hatahonon ni halak hajorbuton na nibaen ni angka bangso maradopkon ho, jana nada tanggungonmu be incak-incak ni angka bangso jana nada agohononna be bangsomu, ninna Tuhan Debata.’ ”

JOEL 2:21

Ulang mabiar, ale ladang, pasonang ma rohamu; ingot ma denggan ni roha ni Tuhan tu hamu!

ZEPANYA 3:11

Anggo di hatiha i, ale bangsongKu nada pola porlu be ila rohamunu hara ni na dung mangalo tu Au. UsironKu ma sanga ise halak siginjang roha dohot na gakgak, jana nada be sai mangalo hamu tu Au di dolokKu na badia i.

ZAKARIA 10:6

“PargogoanKu halak Juda, halak Israel Hupalua. ObanonKu halahi mulak tu tano ni halahi, angke holong do rohangKu mida halahi. BaenonKu ma halahi, songon bangso na so unjung Hugagai. Au ma da Tuhan Debata ni halahi, sandok tangiang ni halahi Huparrohahon mangulahi.

1 PETRUS 2:6

Harana tarsurat do di Buku Na Badia i songon on, “Madung Hupili sada batu na arga, na Hupayakkon di Sion gabe batu parsuhi; jana sanga ise na porsaya tuSia nada pailaon.”