JESAYA 53:7 - BIBEL JAMITA NA DENGGAN

⁷ Kejam do dibaen tusia, tapi sip sajo do ia manaonsa, songon anak ni biri-biri na nioban tu panyambolan, jana songon induk ni biri-biri na maoto hohom maradopkon halak na manggusting imbuluna.

JESAYA 53:7 ပူးပေါင်းရင်းမြစ်များ

MASMUR 38:14

Tutu do, songon halak na so marbinege au, jana i ma dalanna nada tarbaen mungkap manjua.

MASMUR 38:15

Haru pe songon i, mararop roha tu Ho do au, ale Tuhan, jana dialusi Ho au, Ho ale Tuhan, Debatangku.

MASMUR 44:22

Hara ni Ho sai torus do hami tarancam mate, jana dibaen songon biri-biri sisambolon.

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

JEREMIA 11:19

Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

MARKUS 14:61

Sip sajo Jesus. Sandok inda dialusi Ia. Dung i disapai Malim Godang i ma tuSia sanoli nari, “Tutu dehe Ho Kristus Anak Ni Na Tarpuji i?”

MARKUS 15:5

Tapi sanga na bia pe inda ra be Jesus mangalusi. Gabe homang ma roha ni si Latus.

LUKAS 23:9

Jadi gabe bahat do sapa-sapania tu Jesus, hape umpe ra Jesus mangalusi ia.

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

JOHANNES 19:9

Masuk ma ia mangulahi tu bagasan inganan i, disapai ia ma tu Jesus, “Sian dia dehe asalMu?” Tapi nada dialusi Jesus bagi aha.

1 PETRUS 2:23

Di na hona incak Ia, nada mangincahi Ia mambaloskon. Dompak na niparkancitan i Ia, nada mangondam Ia; tapi dipasahat Ia do parkaroNia i tu Debata, Panguhum na tigor i.

HALUMBAAN 5:6

Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.