JESAYA 53:5 - BIBEL JAMITA NA DENGGAN

⁵ Hara ni angka dosanta, do ia mabugangi, jana hara ni hajahatanta ia dibalbali. Hona uhum ia anso malua hita, hara ni angka gasania gabe malum hita.

JESAYA 53:5 ပူးပေါင်းရင်းမြစ်များ

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

JOB 33:24

Dokkonon ni surusuruan i ma sian ibo ni rohana, ‘Palua ma da ia, nada tola ia manuat dope tu tanoman. On ma hepeng panobusna, anso tola ia maruli haluaan.’

MASMUR 30:2

Tu Ho do au pio-pio, ale Tuhan Debatangku, jadi gabe dipamalum Ho au.

PODA 20:30

Huhul marguna do parsorion na paet i, anso dipauba halak parngoluonna na sala i.

JESAYA 40:2

Angkon apoanmunu do roha ni halak Jerusalem, dok tu halahi, na dung tuk pardangolan ni halahi. Madung Husesa angka dosa ni halahi, madung tuk uhuman na Hulehen i.”

JESAYA 57:18

Madung Huida pangalaho ni halahi, tapi laing pamalumonKu jana toguonKu do ia jana paulahonKu markite pangapoion; dohot bibir ni halak na marsak roha.

JESAYA 6:7

Didaiskon Ia ma banggar i tu bibirku jana didok Ia ma, “Madung dais tu banggar on bibirmu. Saonnari madung nisesa sude hasalaanmu dohot dosamu pe madung diampuni Tuhan.”

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

SURAT NI SI PAULUS TU PARLAGUTAN ROM 4:25

i ma Jesus na dung dipasahat hara ni angka pangalaosionta, jana na nipangolu salaho tu hatigoranta.

1 KORINTUS 15:3

Harana madung hupasahat tu hamu na umporlu, i ma sian na dung hujagit, na dung mate do Kristus hara ni angka dosanta mangihutkon na tarsurat di Buku Na Badia i.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

PANGARATAION 11:2

Saonnari ingot hamu ma sanga aha na binotomunu taringot tu Tuhan sian pangalamanmunu. Anggo angka dakdanakmunu nada dialami halahi dope i. Hamu do na dung marnida hagodangan ni Tuhan, hagogoonNia, kuasoNia,

IBRANI 10:10

Madung dipatulus Jesus Kristus sanga aha na nidok ni Debata baenonNia. Hara ni i ma umbaen na nipaias hita sudena sian dosa markite-hite haul i, i ma Jesus sandiri – na nihaulkon sanoli sajo ro di salolot-lolotna.

IBRANI 10:14

Jadi sian haul na sada i, gabe sanggam ma dibaen Kristus sudena halak na nipaias sian dosana salolot-lolotna.

IBRANI 5:8

Haru pe Anak Ia, laing na nipabangkit ni Debata do Ia.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.