JESAYA 53:3 - BIBEL JAMITA NA DENGGAN

³ Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

JESAYA 53:3 ပူးပေါင်းရင်းမြစ်များ

MASMUR 69:29

Hona sosak do au on jana hancitan, angkat ma au ale Debata, jana palua ma au.

MASMUR 88:4

Sai songon halak na giot mate noma au na so adong be gogona.

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

JESAYA 52:14

Tarsonggot ma jolma na bahat marnidasa, jatjat rupana, songon na so Anak Ni Jolma do ia ligion.

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

JESAYA 53:4

Hape satutuna, nyaenta do na nitaonnia, jana pardangolanta diporsan ia. Hape didok rohanta bura ni Debata do tusia na niaena.

MIKA 5:1

Tapi anggo ho, ale Betlehem Efrata, ho ma sada kota na ummenek di Juda! Hape sian ho ma giot pabangkitonKu sada halak na markuaso di Israel na marasal mula sian narobi.

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

MATEUS 26:67

Dung i ditijuri halahi ma bohi ni Jesus, dibalbali ma Ia. Adong muse ma na manampeleng Ia,

MATEUS 27:63

Didok halahi ma, “On dope anso hami ingot tuan, taran mangolu pargabus i unjung do didok Ia songon on, ‘Dung tolu ari, mulak mangolu ma Au mangulahi.’

MARKUS 10:33

“Tangihon hamu ma, saonnari manangkok ma hita tu Jerusalem. Pasahaton ma disi Anak Ni Jolma tu angka sintua ni malim dohot angka Siboto Surat. Dabuhonon ni halahi ma uhuman mate tuSia. Dung i pasahaton ni halahi ma Ia tu tangan ni angka halak na so Jahudi.

MARKUS 10:34

Incahan ni halahi ma Ia, tijuranna, loncinganna baru ma dibunu. Tapi dung tolu ari, mulak mangolu ma Ia mangulahi.”

MARKUS 14:34

Dung i didok Ia ma, “Marsak sajo do rohangKu, songon na giot mate pangkilalaanKu. Dison ma hamu jolo, jonggor ma hamu!”

MARKUS 15:19

Dilibaskon halahi ma bulu tu ulu ni Jesus, ditijuri halahi ma Ia. Dung i marsomba ma halahi di joloNia.

MARKUS 9:12

Dialusi Jesus ma, “Tutu do i nian, angkon jolo ro do si Elia laho paradehon nasa na porlu. Tapi tarbia ma pangalahona taringot tu Anak Ni Jolma i? Biasi tarsurat di Buku Na Badia i angkon bahat taononNia parkancitan jana dipalayas halak Ia?

LUKAS 16:14

Dibege angka halak Parise do sude na nidok ni Jesus. Tapi dipartatai halahi ma ia hara ni por ni roha ni halahi di hepeng.

LUKAS 19:41

Dung mur donok Jesus tu Jerusalem, diligi Ia ma kota i, tangis ma Ia marnidasa.

LUKAS 8:53

Gabe dipartatai halahi ma Jesus, angke tangkas do diboto halahi na dung mate dakdanak i.

LUKAS 9:22

Anggo Anak Ni Jolma i, tutu do Ia angkon markancit jana dialo angka pamimpin dohot angka sintua ni malim, songon i angka Siboto Surat Jahudi. Dibunu ma Ia, tapi mulak mangolu do Ia di ari patoluhon.”

JOHANNES 11:35

Dung i tangis ma Jesus.

JOHANNES 8:48

Dialusi halak Jahudi i ma, “Nada he tutu do muda hami dokkon halak Samaria do Ho, jana na nisonggopan ni setan?”

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.