JESAYA 52:8 - BIBEL JAMITA NA DENGGAN

⁸ Tangihon ma sora na ribur sian panjago ni kota, bege ma surak-surak jop ni roha! Diida halahi sandiri Tuhan i ro tu Sion mangulahi.

JESAYA 52:8 ပူးပေါင်းရင်းမြစ်များ

MASMUR 102:22

di na marlagut angka bangso dohot angka harajaan laho marsomba tu jolo ni Tuhan.

ENDE NA GODANG 3:3

Tarpaida au ma panjago ni kota, ningku ma, “Adong dehe tarpaida ho haholongan ni rohangku?”

ENDE NA GODANG 5:7

Didapotkon angka na manjago kota i ma au, lalu dibalbali jana margasai au, dirampas halahi ma salendangku.

JESAYA 24:14

Marende jop ni roha ma sanga ise angka na malua. Baritahonon ni halak na di Hasundutan ma hagodangan ni Tuhan,

JESAYA 26:1

Di hatiha i, endehonon ni halak ma ende on di tano Juda: “Na tohong ma da kotanta on; madung dipajongjong Tuhan, tembok dohot benteng.

JESAYA 27:2

Dokkonon ma di hatiha i, “Marende ma hamu taringot tu kobun anggur na jeges i.

JESAYA 30:26

Marsinondang ma bulan i songon torang ni mataniari, jana mataniari i tumorang pitu noli sian na somal, songon torang ni pitu ari dipasada. Tarjadi ma sudena i di na ro Tuhan mambalut dohot pamalumkon angka bugang ni bangsoNia na nisambokNia i.

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

JESAYA 40:9

O Jerusalem, tangkohi ma dolok na gincat, jana baritahon ma jamita na denggan on. O Sion baritahon ma marsora na gogo, marsurak ma, jana ulang marganggu roha. Dokkon ma tu angka kota ni Juda. Giot ro ma Debata ni halahi.

JESAYA 48:20

Kehe ma ho sian Babel, lojongi ma tu Kasdim baritahon ma mardongan jop ni roha. Baritahon ma sun tu dia: “Madung dipalua Tuhan Israel, naposoNia!”

JESAYA 56:10

angke angka na mapitung do anggo pamimpin ni bangsongKu! Nada diboto halahi bagi aha. Songon anjing panjago na so martunggu do halahi, tapi na modom sajo do halahi.

JESAYA 58:1

Marsurak ma sagogomu, ulang ma tahan-tahan. Marsurak ma sagogomu songon sarune. Paboa ma tu bangsongKu taringot tu hasalaan ni halahi dohot tu pomparan ni si Jakob taringot tu dosa ni halahi!

JESAYA 62:6

Madung hubaen halak di tembok ni Jerusalem; nada jabat maradian jagoan ni halahi do ho arian na borngin. Angkon sunggulan ni halahi do Debata di janji na dung dibaenNia di Sion.

JEREMIA 31:12

Marroan ma halahi tu Dolok Sion jana marende disi marjop ni roha, hara ni sude na Hulehen tu halahi: gandum, miak, anggur dohot biri-biri. Tudos ma halahi tu kobun na tuk aekna, jana na so hurangan di bagi aha.

JEREMIA 32:39

LehenonKu ma tu halahi sada sajo tujuan ni ngoluna: i ma, pasangapkon Au salolot-lolotna; na patongon na denggan do i tu halahi sandiri, dohot tu pomparan ni halahi.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

JEREMIA 33:7

Sonang baenonKu Juda dohot Israel jana pasuangonKu halahi songon di mulana.

JEREMIA 6:17

Dung i marpupu ma diangkat Tuhan angka panjago na paingotkon halahi anso ditangihon nian sora ni sarune sipaboa tanda. Hape didok bangso i do, “Nada ra hami manangihon i.”

JEHESKIEL 3:17

“Ale jolma parsantongkinan, Huangkat ma ho gabe panjago ni Israel. Palalu ma tu halahi sipaingot on.

JEHESKIEL 33:7

Ale jolma parsantongkinan, Huangkat do ho gabe panjago ni bangso Israel. Palalu ma tu halahi sipaingot on:

ZEPANYA 3:9

Tapi dung salpu i paubaonKu ma roha ni angka bangso-bangso i gabe martangiang tu Au sajo noma halahi, jana nada be tu angka debata na asing. Oloan ni angka bangso i noma Au.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

BAENON NI ANGKA RASUL 2:1

Dung dapot Ari Pentakosta marlagut ma di sada inganan sudena na porsaya i.

BAENON NI ANGKA RASUL 4:32

Sudena halahi na dung porsaya i, saroha jana satondi do ngolu ni halahi. Nada adong sian halahi na mangetong sinadonganna gabe nampunania sandiri. Sudena na adong di halahi, rap mamake do halahi.

1 KORINTUS 1:10

Hamu ale angka dongan! Mangasahon goar ni Tuhanta Jesus Kristus hupangido anso saroha hamu sudena di sude pangkataionmunu, anso ulang masa parbolat-bolatan di hamu. Angkon laing sada do hamu di pikiran dohot di angka haputusanmunu.

1 KORINTUS 13:12

Sanga aha na taida saonnari, tarsongon halinu na hurang torang do i di sormin. Tapi anggo saulahon idaonta ma tangkas pangalaho na satutuna. Saonnari hurang tangkas dope parbinotoan na adong di au, tapi anggo saulahon botoonniba ma tangkas, songon tangkas ni parbinoto ni Debata di au.

IBRANI 13:17

Ihutkon hamu ma angka parenta na sian pamimpinmunu jana oloi hamu ma na nidok ni halahi. Angke tongtong do diparrohahon halahi tondimunu jana angkon martanggung jawab do halahi tu Debata. Muda dioloi hamu do halahi, tarbaen halahi ma markarejo di bagasan sonang ni roha; muda inda songon i, humolos ma halahi na karejo i, jana nada adong ro labo sian na songon i di hamu.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 19:4

Jadi gabe manungkap ma pamimpin sidua pulu opat halak i dohot mahluk siopat-opat na humaliang habangsa i jana marsomba ma halahi tu Debata na juguk di habangsa i. Ninna halahi ma, “Amen! Haleluya!”