JESAYA 52:6 - BIBEL JAMITA NA DENGGAN

⁶ Dapot do i hatihana, okuanmunu bahaso Au do Debata, jana Au mandok hata tu hamu.”

JESAYA 52:6 ပူးပေါင်းရင်းမြစ်များ

MASMUR 48:10

Tarbonggal do goarMu jana tarpuji di sude tano on, marbungaran do Ho mamarenta.

HARURUAR 3:13

Dialusi si Musa ma, “Tapi muda kehe au manopot halak Israel jana hudok tu halahi, ‘Debata ni ompumunu i do marsuru au manopot hamu,’ sapaan ni halahi ma, ‘Ise ma he goarNa?’ Jadi aha ma alusku tu halahi?”

HARURUAR 33:19

Dialusi Ia ma, “Hupatidahon pe sude sinondang ni hasangapanKu sian jolomu jana Hupaboa pe goarKu na badia i. Hulehen pe asi ni roha sanga na tu ise silehenonKu asi ni roha jana Huhaholongi ma sanga ise sihaholonganKu.”

HARURUAR 6:3

Ro do Au mandapotkon si Abraham, si Ishak dohot si Jakob, i ma Debata na gok kuaso, tapi nada Hupataridahon diringKu tu halahi marhite goar ‘Tuhan’ i ma goarKu na badia i.

JESAYA 40:9

O Jerusalem, tangkohi ma dolok na gincat, jana baritahon ma jamita na denggan on. O Sion baritahon ma marsora na gogo, marsurak ma, jana ulang marganggu roha. Dokkon ma tu angka kota ni Juda. Giot ro ma Debata ni halahi.

JESAYA 42:9

Angka na disurirangkon humani madung tarjadi, saonnari na imbaru noma sipaboaonKu tu hamu haru pe nada tarjadi dope i.”

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

JESAYA 60:16

Pature-tureon ni angka raja dohot bangso i ma ho, songon ina na marmudu-mudu anakna. Jadi botoonmu ma, Au do tutu Tuhan, na palua hamu, jana Debata ni Israel na gogo i, paluahon hamu.

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

JEHESKIEL 20:44

Jadi muda dung Hubaen tu hamu hombar tu hasangapan ni goarKu, jana nada marguru tu pangalahomunu na jat dohot tu pambaenanmunu na jahat i, botoonmunu halak Israel ma Au do Tuhan. Au Tuhan Debata madung mandok songon i.”

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!