JESAYA 52:5 - BIBEL JAMITA NA DENGGAN

⁵ Tapi saonnari, aha dope urusanKu di son? BangsongKu madung dirampas songon i sajo. Halahi na markuaso tusia, madung manyombong, songon i ma didok Tuhan, jana goarKu torus dipabile halahi ganop ari.

JESAYA 52:5 ပူးပေါင်းရင်းမြစ်များ

2 SAMUEL 12:14

Tapi dibaen madung sanga layas Tuhan dibaen raja i hara ni pangalaho i, gabe mate do anak ni raja na sorang i.”

MASMUR 44:12

Digadis Ho ma bangsoMi, argana pe so sadia, songon na so adong astuan ni halahi bagi na aha.

MASMUR 44:16

pabege-begehon incak dohot habilean sian pamangan ni musu dohot sian na marhosoman.

MASMUR 74:10

Intap ni andigan do, ale Debata, musu on sai mangincaki Ho? Sapanjangna noma he layasan ni halahi goarMi?

MASMUR 74:18

Ingot ma ale Tuhan, pangincahi ni musu i di Ho, marlayas goarMu dibaen bangso na so mananda Ho.

HARURUAR 3:7

Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

JESAYA 22:16

“Ise ma he ho didok rohamu lakna? Aha hakmu manuhil kuburan di ho di dolok batu i?

JESAYA 37:28

Tapi Huboto do sude taringot tu ho sandiri. Huboto do sanga aha na nibaenmu jana sanga na tu dia ho kehe. Huboto do na marsitutu murukmu tu Au.

JESAYA 37:6

ditongos ia ma alus songon on, “Didok Tuhan, ulang pola mabiar raja i umbege boa-boa ni halak Asur na pabilehon Au.

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JESAYA 51:20

Di suhi-suhi ni ganop dalan, martinggangan angka anakmu abis be gogona. Songon ursa na hona jorat di bagasan tirangkap, taraso di halahi muruk ni Tuhan na santak.

JESAYA 51:23

Hulehen noma i tu na mamparkanciti ho, halak na mandokkon tu ho: Unduk ma, anso hami dege hamu! Gabe dipahortang ho ma lopus dosdos dohot tano, jadi mamolus ma jolma sian ginjangna.”

JESAYA 52:3

Didok Tuhan ma tu bangsoNia, “Nada margarar hamu digadis, jadi saonnari pe nada margarar hamu dipalua.”

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

ANDUNG 1:21

Tangihon ma holos ni rohangku, nada adong be na mangapoi iba. Marmoga-moga musuniba hara ni na nibaenMu marmara iba. Paro ma da ari na nijanjihonMi; baen ma songon au marhancit halahi.

ANDUNG 2:3

Di bagasan parpiar ni murukNa, gogo ni Israel diponggolkon Ia. Taran ro musu mangaroro, nada ringkot rohana mangalehen pangurupiNia. Songon api na manggasa-gasa mangabisi sasudena, songon i ma Tuhan muruk tu Israel.

JEHESKIEL 20:14

Tapi nada tulus Hupalalu hara ni na manjago sangap ni goarKu anso ulang marlayas goarKu dibaen angka bangso-bangso na marnida Au maroban Israel ruar sian Mesir.

JEHESKIEL 20:9

Tapi nada Hupalalu i anso ulang marlayas goarKu dibaen angka bangso di tano na niinganan ni halahi. Harana na dung Hupabotohon do tu bangso Israel di jolo ni angka bangso-bangso i, na giot obanonKu halahi ruar sian Mesir.

ZEPANYA 1:10

Anggo di ari i, ninna Tuhan, “Habegean ma sora ni na tangis di Horbangan Ihan, habegean ma sora ni andung sian parkotaan na imbaru, dohot sora ni na matolbak godang marsaringar ma sian angka dolok.”

SURAT NI SI PAULUS TU PARLAGUTAN ROM 2:24

Songon na tarsurat, “Hara ni hamu do umbaen na marlayas goar ni Debata di tonga-tonga ni angka bangso na asing.”

HAKIM-HAKIM 18:3

Dibege halahi ma mangecet disi doli-doli ni Levi i jana ditandai halahi do pangkataina. Jadi marsapa ma halahi tusia, “Biasi dison ho? Aha karejomu? Ise maroban ho?”