JESAYA 52:12 - BIBEL JAMITA NA DENGGAN

¹² Anggo sanoli on nada porlu kehe maradu tibu maporus palua diri pe nada porlu. Angke Tuhan Debatamu do manogu ho ondihononNia do ho sian sasude na ro.

JESAYA 52:12 ပူးပေါင်းရင်းမြစ်များ

1 JUJUR TAON 14:15

Muda adong dibege ho songon sora ni langka ni halak na marbaris di ujung ni hayu-hayu i, maju ma ho, harana mardalan di jolomu do Au laho manaluhon tentara ni Pilistin i.”

HARURUAR 12:11

Angkon mopop do hamu mangankon harana marpakean do hamu singkop songon na giot mardalanan, marsipatu patmunu jana tiop hamu tungkot di tanganmunu. On ma Ari Pesta Paskah laho pasangapkon Au Tuhan.

HARURUAR 12:33

Gabe disosak halak Mesir i ma anso diompoti halak Israel i manadingkon luat i. Ninna halahi ma, “Mate ma hami sude muda nada kehe hamu!”

HARURUAR 12:39

Ditutung halahi ma roti na so marragi sian adonan na nioban ni halahi sian Mesir. Hara ni tompuna halahi dipaorot sian i, gabe nada sanga halahi mangarade panganon sanga pauli adonan ni roti dohot ragi.

HARURUAR 14:8

Dipatangkang Tuhan do roha ni raja i, gabe diayak-ayak ia halak Israel na mardalan maninggalkon luat i di bagasan na niondihon ni Tuhan i.

JESAYA 26:7

Lidang do dalan ni halak partigor, angke Ho do na mangarintis dalan disia.

JESAYA 28:16

Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 45:2

“Hujoloi ho laho manotas dalan boluson, dolok dohot tor giot pahornopon. Giot partaporkononKu angka pintu tumbaga, dohot goruk-goruk bosi baenonKu marponggolan.

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

JESAYA 49:11

BaenonKu ma sian dolok-dolok dalan godang, pahornoponKu ma sude dalan na holbung.

JESAYA 51:14

Ia na tartaban angkon manigor dipalua; nada mijur be ia tu hamatean jana nada hurangan di sipanganon.

JESAYA 57:18

Madung Huida pangalaho ni halahi, tapi laing pamalumonKu jana toguonKu do ia jana paulahonKu markite pangapoion; dohot bibir ni halak na marsak roha.

JESAYA 58:8

Jadi marsinondang ma hatiuranmu songon mataniari bincar, jana angka gasamunu pe manigor malum ma. Hasintongan ma mardalan di jolomunu jana hasangapan ni Tuhan mangihut di pudimunu baen haluaanmunu.

MIKA 2:13

BukaonKu ma dalan jana obanonKu hamu haruar sian habuangan. Onjarkononmunu ma angka pintu ni horbangan jana kehe ma hamu so adong mangambat. Au Tuhan, Au sandiri Rajamunu, jana Au manguluhon hamu haruar.”

BILANGAN 10:25

Parpudi mardalan ma angka na di toru ni mandera parsadaan ni Marga Dan. Halahi ma pangawal na parpudi sian sude barisan i. Mardalan ma angka tentara ni halahi, na niuluhon ni si Ahieser anak ni si Amisiadai.

PANGARATAION 16:3

Ulang pangan rap dohot roti na marragi panganon Paskah i. Pitu ari lolotna hamu angkon mangankon roti na so marragi, laing songon di na morot hamu sian tano Mesir maradu mopop. Pangan hamu ma roti i – na margoar roti pardangolan – anso salolot mangolu diingot hamu ari i di na morot hamu sian Mesir, ingananmunu diparhatoban.

PANGARATAION 20:4

Kehe do Tuhan Debatamunu mandongani hamu jana lehenonNia do hamonangan di hamu.’

JOSUA 4:11

Dung lalu halahi sude tu bariba, mardalan ma muse angka malim na maroban Poti Parjanjian ni Tuhan i di jolo ni bangso i.

HAKIM-HAKIM 4:14

Dung i ninna si Debora ma tu si Barak, “Tole bo, maju ma! Tuhan ma mamimpin ho. Di ari on ma dilehen ia hamonangan di ho maralohon si Sisera.” Jadi manuat ma si Barak sian Dolok Tabor rap dohot dongannia sisampulu ribu halak i,