JESAYA 51:9 - BIBEL JAMITA NA DENGGAN

⁹ Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JESAYA 51:9 ပူးပေါင်းရင်းမြစ်များ

JOB 26:12

Talu do dibaen kuasoNia laut na bidang an dohot Rahab pe dibasbas Ia do marhite surung ni hamatean.

JOB 9:13

Nada diolani Debata rimasNa dohot gurgur ni ate-ateNa. Angka na mangurupi si Rahab pe tunduk do tuSia.

MASMUR 21:13

Hami puji do Ho Tuhan, hara godang ni kuasoMu, marende do hami mamuji hagogoanMu.

MASMUR 44:1

Hami bege sandiri do, ale Debata, holong ni roha na nibaritahon ni ompunami, taringot tu hagodangan ni karejo na nipatulusMu di hatiha na salpu di na robi.

MASMUR 44:2

Ho sandiri do paorotkon angka bangso anso hot bangsoMi di tano ni halahi. Diago Ho do angka bangso na asing i, hape anggo bangsoMi dipadiar Ho do mamopari.

MASMUR 44:23

Ngot ma Ho! Biasi sai modom Ho, ale Tuhan? Jongjong ma Ho! Ulang tulak hami sapanjang.

MASMUR 44:24

Biasi ma martabuni Ho, jana dihalupahon Ho sitaonon dohot hasusaannami on?

MASMUR 59:4

Haru pe nada marsala au, dilojongi halahi do jana marhobas.

MASMUR 7:6

O Tuhan jongjong ma Ho di bagasan rimasMu, alo ma panggosa ni musungku. Jongjong ma Ho jana urupi ma au, angke Ho do na manjalaki hatigoran.

MASMUR 77:5

Huingot ma angka ari na salpu tarsunggul ma tu roha angka taon na dung salpu.

MASMUR 78:65

Ngot ma Tuhan songon na tarsunggul modom, songon halak na gogo dung abis minum anggur.

MASMUR 87:4

Dokkononku ma Rahab dohot Babel di tonga-tonga ni angka jolma na mananda Au, jana dohot di Pilistea, Tirus dohot Etiopia, “On ma na disorangkon dison.”

MASMUR 89:10

Rahab naga laut i dibunu jana diropukkon Ho, ditaluhon Ho musumu marhite tangan na gogo.

MASMUR 89:11

Langit dohot portibi Ho do nampuna i, tano dohot isina sude na nitompaMu do i.

MASMUR 93:1

Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

JESAYA 27:1

Pakeon ni Tuhan ma podangNia na togu jana na tajom i laho manguhumi Lewiatan, ulok na margeldok-geldok jana na mangarpe i dohot mamunu naga laut i.

JESAYA 30:7

Parcuma do pangurupi ni Mesir. Hara ni i gabe Hubaen ma panggoar-goari ni Mesir, ‘Naga na so sihabiaran.’ ”

JESAYA 51:17

Jonggor ma, jonggor ma, ngot ma, ale Jerusalem, ale ho na dung minum sian tangan ni Tuhan. Isi ni piala i ma milas ni murukNia, ho do na dung manginum, mandorguk abis isi ni mangkuk na palenongkon i.

JESAYA 51:5

Di bagasan sangkidop mata mandonok ma haluaan na sian Au, ro ne ma haluaan na Hulehen, jana markite kuaso ni tanganKu, parentaonKu ma sude angka bangso; tu Au noma pulo-pulo paintehon. Pambaenan ni tanganKu do diarop roha ni halahi.

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

JESAYA 53:1

“Ise ma porsaya tu barita na hami bege? Tu ise ma na dung dipataridahon kuaso ni Tuhan na gok sahala?

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JEHESKIEL 29:3

Jana dohononmu ma: Songon on do hata ni Tuhan Debata, “Ligi ma, musumu do Au ale Raja Parao, raja ni Mesir, buaya na godang i na manggompang di tonga-tonga ni batang aek, na mandok: Au do nampuna Batang aek Nil jana au do mambaen i.

MIKA 7:15

Baen ma hahomangan di hami, ale Tuhan, songon na nibaenMu narobi di na niobanMu hami haruar sian Mesir.

HABAKUK 2:19

Hona bura ma halak na mangkuling tu hayu santuho, “Ngot ma ho!” Tu sada batu na ngungu, “Jongjong ma ho!” Tarbaen sada patung ma he mandok sangkababa hata tu ho? Nian marlampis sere do i dohot perak, tapi anggo tondi umpe adong di bagasanna.

HABAKUK 3:13

Mardalan ma Ho tu jolo laho paluahon bangsoMi dohot mambaen malua raja na nitodoMi. Dipukul Ho do dabu pamimpin ni halak na so hasaya, dihais Ho sude na mangihut tusia.

ZAKARIA 10:11

Muda mamolus lautan ni hasusaan halahi, Au Tuhan mamukul angka ombaknai, tandolan ni Batang aek Nil pe gabe mahiang. Diparenjep ma Asur na bulbul i, jana agoan kuasona ma Mesir na gogo i.

ZAKARIA 2:13

Maringanan ma hamu sudena di jolo ni Tuhan! Angke madung ro Ia antong sian inganan parmiananNia na badia i.

LUKAS 1:51

Dohot tanganNia na gogo i diparsuakkon Ia angka halak na sombong, jana dipasarsar Ia tahi ni halahi.

JOHANNES 12:38

Jadi di na songon i tarjadi ma na didok ni Panurirang Jesaya. Songon on ma pandoknia, “O ale Tuhan, ise ma he na porsaya tu jamitanami? Tu ise dope patidahonon kuaso ni Tuhan?”

BAENON NI ANGKA RASUL 7:7

Tapi ro ma Au manguhumi halak na mamparhatobankon halahi i, jana morot ma halahi sian luat i jana sombaon ni halahi ma Au di inganan on.’

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

HALUMBAAN 11:17

Ninna halahi ma, “Debata Na Markuaso do Tuhan, mandok tarimakasi do hami tu Ho, ale Tuhan Debata Parkuaso Na Sumurung, na adong dohot na dung adong, dibaen madung dipake Ho kuasoMu na godang i, jana madung dipungka Ho pamarentaanMu.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

HAKIM-HAKIM 6:13

“Tola dehe au marsapa Tuan? ning si Gideon mangalusi. Muda tutu Tuhan mandongani hami, antong biasi didondoni angka pangalaho on hami? Di dia do sandok hahomangan na jungada dibaen Tuhan najolo i jana na nicaritohon ni angka ompu na umpompar hami sanga songon dia pangharuarkon ni Tuhan di halahi sian Mesir? Saonnari madung ditadingkon Tuhan hami jana dipadiar Ia hami dirajai angka halak Midian.”