JESAYA 51:8 - BIBEL JAMITA NA DENGGAN

⁸ Mago do halahi jana gabe sisoada, songon pakean na dipangan ngitngit. Tapi anggo haluaan na Hulehen, hot do i salolotna, hamonanganKu hot do i sian pomparan tu pomparan.”

JESAYA 51:8 ပူးပေါင်းရင်းမြစ်များ

JOB 13:28

Gabe pora do au songon hayu na busuk; songon abit na nipangan ni ngitngit gabe lapuk.

JOB 4:19

Mur ma hape mahluk na sian tano liat na sian orbuk na songon tande-tande do tarpisat!

JESAYA 14:11

Najolo dipasangap do ho mardongan musik ni hasapi, hape saonnari di na lungun ni hamatean noma ho. Angka binga noma podomanmu jana goya ma ulosmu.’

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

JESAYA 46:13

Madung donok Hubaen hasintongan i, nada dao be i, nada tarambatan be haluaanKu, paluaonKu ma halak di Sion, jana pataridaon hamuliaonKu tu halak Israel.”

JESAYA 50:9

Tuhan Debata do na mangampini au, ise tarbaen mambuktihon salangku? Muli mago do sude angka na mangaduhon au, songon abit na nipangan ni ngitngit.

JESAYA 51:6

Tatap ma tu langit, tailihon ma tu tano, mago ma langit i songon timus. Buruk do tano on songon abit, mate sude na mangingani i songon rongit. Tapi anggo haluaan na Hulehen i, hot do salolotna, hamonanganKu nada adong ujungna.

JESAYA 54:9

“Di hatiha ni si Nuh marjanji do Au, na so bonomon ni aek na oto be tano on. Saonnari marjanji Au na so muruk be sanga mangondam hamu bagi hum sanoli pe.

JESAYA 66:24

Laho kehe, idaon ni halahi ma angka bangke marserak; i ma angka halak na mangalo tu Au. Binga na mamangani bangke ni halahi i, inda na ra mate, jana api na manutung halahi i nada ra mintop; pamandangan na jorbut ma i di sude jolma.”

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

HOSEA 5:12

I ma dalanna umbaen na giot roncohononKu bangso Israel jana abiskononKu halak Juda.

LUKAS 1:50

Sian sundut tu sundut do holong ni rohaNia maradopkon halak na mabiar tuSia.