JESAYA 51:5 - BIBEL JAMITA NA DENGGAN

⁵ Di bagasan sangkidop mata mandonok ma haluaan na sian Au, ro ne ma haluaan na Hulehen, jana markite kuaso ni tanganKu, parentaonKu ma sude angka bangso; tu Au noma pulo-pulo paintehon. Pambaenan ni tanganKu do diarop roha ni halahi.

JESAYA 51:5 ပူးပေါင်းရင်းမြစ်များ

MASMUR 110:6

UhumonNia noma angka bangso, jorbut marragean angka bangke di galanggang ni porang. AbisanNia noma angka parkuaso na di tano on sudena.

MASMUR 67:4

Angke marhite hatigoran do Ho manguhumi, jana ditogu Ho do sandok bangso di portibi on.

MASMUR 85:9

Tutu ma da, na maringanan Debata na godang di tanonta, jana madung hobas paluahon halak na burju marugamo.

MASMUR 96:13

Dibaen ro do Tuhan mangarajai tano on, marhite hatigoran diuhumi Ia angka bangso.

MASMUR 98:9

Angke na ro do Ia laho manguhumi tano on; marhite hatigoran diadili Ia angka bangso.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 24:15

jana halak na di Habincaran pe pujionna ma Ia. Sudena halak angka na maringanan di topi ni laut mamuji Tuhan, Debata ni Israel.

JESAYA 26:4

Sai haporsayai ma tongtong Tuhan, harana Tuhan Debata do dolok batu na manongtong.

JESAYA 33:2

Tuhan, ibo ma rohaMu di hami, marpos ni roha tu Ho do hami. Sai jagohon ma hami sian ari tu ari jana palua ma hami di hamamasa ni hasusaan.

JESAYA 33:22

Sandok perlengkapan na di parau ni halahi i, nada marguna sudena i; nada tarpahirbang angka layarna i! Rampasanta ma sude sinadongan ni musunta, jana hara ni bahatna salang halak na lumpuon pe dapot bagian. Tuhan i sandiri noma na gabe rajanta; mamarenta ma Ia tu hita jana paluaonNia ma hita sian musunta.

JESAYA 40:10

Ro do Tuhan Debata mardongan kuaso laho mamarenta mamake sahala. Ligi da, dohot do dioban Ia, angka halak na nipaluaNia.

JESAYA 42:4

Nada mose ia sanga malapat, lopus dipajongjong ia tona di tano on; sude pulo manghalungunkon pangajaranna.”

JESAYA 46:13

Madung donok Hubaen hasintongan i, nada dao be i, nada tarambatan be haluaanKu, paluaonKu ma halak di Sion, jana pataridaon hamuliaonKu tu halak Israel.”

JESAYA 49:1

Tangihon ma au, ale angka pulo, parrohahon ma, ale angka bangso na dao! Hatiha sian bortian dope madung dipio Tuhan madung didok goarku hatiha dibortian ni dainang.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

JESAYA 56:1

Didok Tuhan ma tu bangsoNia i, “Patulus hamu ma sanga aha na tigor jana na tumbuk tu hagiotKu, angke ro ne ma Au paluahon hamu.

JESAYA 59:16

Longang Ia marnida na so adong be halak mangurupi na niparkancitan. Gabe pakeonNia noma kuasoNia sandiri laho paluahon halahi jana lehenonNia hamonangan di halahi.

JESAYA 60:9

I ma da angka kapal na marlabu sian Tartis maroban bangso ni Debata mulak sian luat na dao. Sere dohot perak laing diobansa, laho mamuji Tuhan Debata; di Debata ni Israel na umbadia, na mambaen bangsoNia dapotan sangap.

JESAYA 62:11

Lopus tu sandok ujung ni portibi on dilehen Tuhan tona on, “Dok ma tu boru Sion, ‘Ligi da, ro ma disadu Tuhan sipalua. Dohot Ia laing dohot muse do da angka halak na nipaluaNia.’ ”

JESAYA 63:5

Hujalahi do, hape nada adong na mangurupi Au, longang rohangKu nada adong na mambantu. HamumurukKu parohon gogo di Au, sasada Au, dapot Au do hamonangan.

JOEL 3:12

Didok Tuhan dope, “Angkon markobas do angka bangso lalu kehe tu Rura Josafat. Disi ma uhumanKu angka bangso, Au Tuhan manguhumi hombar balok ni bangsongKi.

ZEPANYA 2:11

Mabiar ma halahi baenon ni Tuhan. PatoruhonNia ma sahala ni angka debata na di tano on lopus nada adong be arga ni i sude. Jadi gabe marsomba tu Tuhan noma sandok bangso, di tanona sandiri be.

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

MATEUS 3:2

“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”

MARKUS 16:15

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

SURAT NI SI PAULUS TU PARLAGUTAN ROM 2:16

Laing songon i ma na giot masa di ari na nitontuhon i. Anggo di ari i hombar tu Jamita Na Denggan na hujamitahon i – uhuman ni Debata ma markite-hite Jesus Kristus sude sibunian ni roha ni jolma.

2 KORINTUS 5:10

Harana angkon jongjong do hita sude di jolo ni panguhuman ni Kristus i, jana ganop be angkon manjagit balos satontang tu pambaenanna be taran mangolu, pangalaho na denggan sanga na jat.

PANGARATAION 30:14

Nada! Dison, di hamu sandiri do hata i. Diboto jana tarenet hamu do i, antong oloi hamu ma i saonnari.

1 SAMUEL 2:10

Maronco angka musu ni Tuhan, mabiar be; mangaronggur Ia sian langit an. Na giot manguhumi ma Tuhan tu sandok tano on. Jana lehenonNia ma kuaso na marmulia tu raja na nitodoNia.”