JESAYA 51:22 - BIBEL JAMITA NA DENGGAN

²² Songon i ma pandok ni Tuhanmu, Debata na mangondihon hamu, “Mangulahi Hubuat sian hamu, mangkuk dohot isi na palenongkon, jana isi ni mangkuk hamilason ni murukKu, indangkon inumon munu be i.

JESAYA 51:22 ပူးပေါင်းရင်းမြစ်များ

MASMUR 35:1

Tuhan, alo ma sanga ise na mangalo au, porangi ma sanga ise na mamorangi au.

MASMUR 60:3

Dipadiar Ho do hami bangsoMon marnyae na so tartaon, songon halak na mabuk hami marambalan.

PODA 22:23

Belaon ni Tuhan do parkaro ni halahi jana diparkanciti Ia halak na mamparkanciti halahi.

JESAYA 29:9

Longang-longang ma hamu, gok hahomangan, padiar ma parnidaanmu tartutup, mapitung sajo! Mabuk mada hamu, tapi nada hara ni na minum anggur, lenong mada hamu, tapi nada hara ni na minum tuak.

JESAYA 3:12

Rajaan ni angka dakdanak ma bangsongKi jana parentaon ni dadaboru. Ale bangsongKu, pamimpinmunu i ma angka pangjago, jana dalan na dibolusmunu disego-sego halahi!

JESAYA 3:13

Madung rade Tuhan laho mangaduhon jana mangadili angka bangso.

JESAYA 49:25

Dialusi Tuhan ma, “Songon i ma na giot tarjadi. Rampason ma mangulahi na nitaban ni angka ulubalang. Jana rampason mangulahi na nisamun ni jolma na togos. Musumu aloonKu; jana angka dakdanakmu paluaonKu.

JESAYA 51:17

Jonggor ma, jonggor ma, ngot ma, ale Jerusalem, ale ho na dung minum sian tangan ni Tuhan. Isi ni piala i ma milas ni murukNia, ho do na dung manginum, mandorguk abis isi ni mangkuk na palenongkon i.

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JEREMIA 25:15

Didok Tuhan, Debata ni Israel ma tu au, “Buat ma galas ni anggur on na dung Hugohi dohot hamumurukKu. Oban ma i tu sude bangso sanga na tu dia ho Husuru. Suru inum ma anggur on tu halahi;

JEREMIA 50:34

Tapi gogo do Au pambela ni halahi Tuhan Na Markuaso i do goarKu. Au sandiri do na manjuljulkon parkaro ni halahi dohot na maroban dame tu portibi on. Tapi anggo tu halak Babel paroonKu ma hasusaan.”

JEREMIA 51:36

Hara ni i didokkon Tuhan ma tu halak Jerusalem, “ParjuangkononKu do parkaromu jana uhumanKu angka musumu hara ni pambaenan ni halahi tu hamu. PahiangonKu ma angka mual ni aek dohot angka batang aek ni Babel.

ANDUNG 3:15

Hum hapaeton do dipadaihon Ia tu au baen panganon dohot inumonku.

ANDUNG 3:58

Ale Tuhan, ro do Ho jana dipalua Ho au. Madung dipalua Ho hosangku.

JEHESKIEL 39:29

UsehononKu ma tondingKu tu bangso Israel jana nada be tadingkononKu halahi. Au Tuhan Debata madung mandok songon i.”

JOEL 3:2

PalagutonKu ma sandok bangso jana obanonKu tu Rura Josafat. TimbangonKu ma parkaro ni halahi disi domu tu hajahatanna maradopkon bangsongKu angke dibagi-bagi halahi do tano Israel jana dibuang halahi bangsongKi tu luat na marragam.

OBAJA 1:16

Di ginjang ni dolokKu Na Badia i, madung diinum bangsongKu siinumon na manggambarkon uhumannia. Tapi umpaet dope siinumon ni angka bangso na di tano on. Nada tarpasiding halahi uhuman i. Angkon inumon ni halahi do i jana pangabisonna. Jadi gabe mago noma halahi ro di salolot-lolotna.”

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

ZAKARIA 12:2

“BaenonKu ma Jerusalem songon piala na marisi anggur; inumon ni angka luat na hombar balokna ma i jana lenong-lenong halahi songon na mabuk. Jana muda hona hobuk Jerusalem, angka kota na tading i pe di Juda laing hona hobuk muse ma.

MATEUS 20:22

“Na so diboto hamu do na nipangidomunu,” ning Jesus tu halahi. “Tarinum hamu ma lakna panginuman na giot inumonKi?” “Tarinum hami do i,” ninna halahi.

1 SAMUEL 25:39

Dung tarbege tu si Daud na dung jumolo si Nabal, didok ia ma, “Nipuji ma Tuhan! Madung dibaloskon Ia habilean na nibaen ni si Nabal tu au, jana diantahi Ia naposona on mambaen hajahatan. Madung diuhum Tuhan si Nabal hara ni hajahatannia i.” Dung i disuru si Daud ma suruannia tu si Abigail laho manyapaisa gabe dadaborunia.