JESAYA 51:20 - BIBEL JAMITA NA DENGGAN

²⁰ Di suhi-suhi ni ganop dalan, martinggangan angka anakmu abis be gogona. Songon ursa na hona jorat di bagasan tirangkap, taraso di halahi muruk ni Tuhan na santak.

JESAYA 51:20 ပူးပေါင်းရင်းမြစ်များ

HALUMBAAN 14:10

painumon ma tu halahi anggur na badia, i ma anggur haririmasNia na niusehonNia tu ingananna, na so niurahan saotik pe! Hona parkancitan ma halahi di bagasan api dohot barerang di jolo ni angka surusuruan ni Debata dohot di jolo ni Anak Ni Biri-biri i.

JEHESKIEL 39:19

Butongan ma hamu mangankon tabo-tabo jana minum mudar lopus mabuk di pesta haul na Huparade di hamu.

JEHESKIEL 17:20

SampakkononKu ma jala laho manangkup ia. ObanonKu ma ia tu Babel jana hona uhum disi baenonKu hara ni na so setia ia tu Au.

JEHESKIEL 12:13

Tapi sampakkononKu ma jalangKu laho manangkup ia. Dung i obanonKu ma ia tu kota Babel jana disi noma marujung ngolunia, so jungada diida matania kota i.

ANDUNG 5:13

Doli-dolinami dipaksa karejo di kilangan, angka dakdanak halaklahi didondoni hayu boban lopus tarhatos.

ANDUNG 4:2

Najolo songon sere na arga do angka na bajar di kota Sion, hape saonnari tudos tu hudon tano noma dibaen.

ANDUNG 1:19

Hupio do angka donganku hape nada ra halahi mangurupi au. Angka malim dohot pamimpin ni bangso manjalahi panganon laho paudut ngolu hape mate do halahi sudena di angka dalan ni kota.

ANDUNG 1:15

Layas do sude diida Tuhan ulu balangku na garang i. Ditongos Ia tentara anso mate sude sian au doli-doli. Dipisat Tuhan do bangsongku lopus maropuk, songon pambaen ni halak na mamoro anggur.

JEREMIA 14:18

Muda kehe au tu padang, huida ma angka bangke na nipangan ni porang. Di bagasan kota huida parkancitan; angka jolma na giot mate malean. Didalankon panurirang dohot malim langgamanna so diboto sanga aha na nipambaenanna.”

JEREMIA 14:16

Angka jolma na manjagit barita ni halahi i pe bunuonKu do songon na tu halahi i. Ambungkonon ma angka bangke ni halahi tu angka dalan na di Jerusalem jana nada adong na mananomsa. Songon i ma baenanKu tu halahi dohot dongan sabagasna maradu angka dakdanakna. Angkon baenonKu ma halahi manaonkon parbatu ni hajahatan ni halahi.”

JESAYA 51:21

Hara ni i, tangihon ma on, ale ho na diparhanciti, ale ho na mabuk tapi nada hara ni anggur!

JESAYA 51:17

Jonggor ma, jonggor ma, ngot ma, ale Jerusalem, ale ho na dung minum sian tangan ni Tuhan. Isi ni piala i ma milas ni murukNia, ho do na dung manginum, mandorguk abis isi ni mangkuk na palenongkon i.

JESAYA 49:26

PaksaonKu ma angka jolma na manindas ho, mangankon sibukna sandiri, jana mabuk manginum mudarna sandiri, songon halak na mabuk minum anggur na imbaru. Gabe botoon ni jolma manusia ma, Au do Tuhan na paluahon ho, Na Gumogo, Debata ni si Jakob manobus ho.”

JESAYA 29:9

Longang-longang ma hamu, gok hahomangan, padiar ma parnidaanmu tartutup, mapitung sajo! Mabuk mada hamu, tapi nada hara ni na minum anggur, lenong mada hamu, tapi nada hara ni na minum tuak.

JESAYA 8:21

Malat-alat ma angka halak na malang bagian dohot halak na haleon di luat i. Sun malena dohot murukna, jabat diburai halahi raja dohot Debata ni halahi. Sanga na tu dia pe manatap halahi, tu langit

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

PANGARATAION 14:5

ursa, biri-biri harangan, hambeng harangan sanga hije, dohot

JESAYA 40:30

Salang dakdanak na bajar gale-gale, jana halak na poso tinggang hara ni na loja.

PANGARATAION 28:20

Muda mambaen jahat ho jana manulak hamu di Tuhan, paroonNia ma parmaraan, hagaoron dohot hamaolon di sasude na nibaenmunu, jadi gabe abiskononna ma ho di hatiha na pendek sajo.

JESAYA 66:15

Giot ro ma Tuhan marhite api. Jana karetaNia songon halingsungsung, laho palaluhon rimasNa na marapi purun.

ANDUNG 2:19

Pupu hamu ma tarsunggul sasaborngin laho marsurak mangido ibo ni roha ni Tuhan i. Usehon na di rohamu taringot tu dakdanakmu na malean jana na marompasan di sude pangeldohan ni dalan.

ANDUNG 4:11

Palalu hosom ma Tuhan tu Sion, kotaNa i disurbu Ia lopus mangornop tu tano i.