JESAYA 51:2 - BIBEL JAMITA NA DENGGAN

² Ingot ma ompumu si Abraham dohot si Sara; nada mardakdanak dope si Abraham di na Hupio ia. Jadi Hupasupasu ia jana Hubasa-basahon anak, Hulehen disia pomparan na bahat.

JESAYA 51:2 ပူးပေါင်းရင်းမြစ်များ

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PAMUNGKAAN 24:1

Madung matobang situtu si Abraham, jana sai dipasupasu Tuhan do ia di sude na nibaennia.

PAMUNGKAAN 24:35

Marlobi-lobi do pasupasu ni Tuhan di si Abraham jana dibaen do ia gabe halak na santak kayo. Madung dilehen Tuhan disia biri-biri na marhulanan-hulanan, hambeng, lombu, unto, halode, perak, sere, hatoban halaklahi dohot dadaboru.

JESAYA 29:22

Hara ni i, Debata ni Israel na paluahon si Abraham sian hasusaan, mandok saonnari, “Hamu bangsongKu, nada pabileon be hamu, jana bohimu pe nada langan-langan be hara ni na maila.

JESAYA 41:8

Tapi anggo ho ale Israel, naposo todoan ni rohangKu, pomparan ni si Abraham do ho, ale-alengKu.

JESAYA 43:27

Ompumu na parjolo i pe madung mardosa, angka raja parhatamunu pe madung mangalaosi.

JESAYA 48:1

Tangihon ma hata on, ale pomparan ni si Jakob, na mandok dirina marhite goar ni Israel, jana na nidok pomparan ni Juda; na marsumpa mangasahon goar ni Tuhan jana na mangokui Debata ni Israel, tapi nada sasintongna jana nada sian ias ni rohana.

JESAYA 60:22

Salang ripe na menek jana na bile, gabe godang ma jana markuaso. Au ma da Tuhan; manigor baenonKu ma tindakan, muda dung dapot hatiha na tumbuk.”

JESAYA 63:16

Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.

JEHESKIEL 33:24

“Ale jolma parsantongkinan, didok angka jolma na maringanan di angka lobu ni parhutaan na di tano Israel i do, ‘Dapot si Abraham do sude tano on, hape sasada ia sajo do nian. Hita on songon i ma bahatta, jadi gabe hita noma nampuna on.’ ”

PANGARATAION 1:10

madung martamba bahatmunu dibaen Tuhan Debatamunu sabahat ni bintang na di langit.

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.

JOSUA 24:3

Dung i Hubuat ma si Abraham, ompumunu i sian luat na di ipar ni Batang aek Efrat i, lalu Huoban mangaliati sude tano Kanaan. Jana Hulehen disia pomparan na bahat. Mula-mulana Hulehen si Ishak disia,