JESAYA 51:11 - BIBEL JAMITA NA DENGGAN

¹¹ Angka na nipaluaMu ale Tuhan, mulak tu Sion marsonang-sonang. Marendei halahi jana marmoga-moga, malua sian parhancitan dohot arsak ni roha; salolot-lolotna ma halahi martua. Lungun dohot arsak ni roha madung mandao.

JESAYA 51:11 ပူးပေါင်းရင်းမြစ်များ

MASMUR 126:2

Sai torus do hita martata jana marende marjop ni roha gabe jabat dipardokkoni angka bangso na asing, “Godang ma tutu na nipatupa ni Tuhan tu halahi!”

MASMUR 126:5

Ise na manyabur mardongan arsak, manyabi ma ia marjop ni roha.

JESAYA 11:15

Pahiangon ni Tuhan ma dohot Solok Sues. BaenonNia ma mangombus alogo na milas lopus mahiang Batang aek Efrat jana gabe pitu batang aek na pejet-pejet ma disi jana sude halak tarbaen manariparisa.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

JESAYA 44:23

O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.

JESAYA 48:20

Kehe ma ho sian Babel, lojongi ma tu Kasdim baritahon ma mardongan jop ni roha. Baritahon ma sun tu dia: “Madung dipalua Tuhan Israel, naposoNia!”

JESAYA 49:13

Marende ma ho, o langit, marsurak ma ho ale portibi, marsurak angka dolok marendei. Ro Tuhan mangapoi bangsoNia i, dihaholongi Ia bangsoNia angka na susa.

JESAYA 55:12

Satutuna, na giot kehe noma hamu di bagasan jop ni roha, dipataru tu balian di bagasan sonang. Dolok dohot tor marendei marmoga-moga di jolomu, jana angka hayu pe martopapi.

JESAYA 61:7

Nada be maila sanga dipabile hamu mangulahi; tanomunu i hamu sandiri noma mangingani. Hamoraonmunu marlompit ganda, jop ni rohamunu hot ma salolotna.

JESAYA 65:14

Marende ma halahi marjop ni roha, hape anggo hamu ngotngot tangis.

JESAYA 65:19

Au sandiri pe marsurak-surak hara ni Jerusalem, jana marjop ni roha hara ni bangsongKu; di kota i nada adong be habegean sora ni na tangis dohot na mangangguk.

JEREMIA 31:13

Manortori ma disi angka bujing-bujing marjop ni roha bage. Na matobang dohot na poso, rap marmoga-moga do, dibaen giot lehenonKu tu halahi apo-apo. Hupauba arsak ni halahi gabe moga, hasusaan Hugonti gabe tua.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

2 TESSALONIKA 2:16

Sai diapoi jana dipatogu Tuhanta Jesus Kristus sandiri bope Debata Amanta i ma rohamunu, anso tarpatulus jana tarjamitahon hamu sanga aha na denggan. Angke dihaholongi Debata Amanta i do hita, jadi hara ni denggan ni rohaNia, diapoi Ia do rohanta dohot apo-apo na manongtong jana dilehen Ia do tu hita arop ni roha na denggan.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

HALUMBAAN 21:1

Jadi huida ma sada langit na imbaru dohot tano na imbaru. Mago ma langit na parjolo dohot tano na parjolo i jana laut pe, mago ma.

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”

HALUMBAAN 22:3

Jadi nada adong be disi na niburaan, angke habangsa ni Debata dohot Anak Ni Biri-biri i do di bagasan kota i, jana angka naposoNia mangoloi noma tuSia,

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”