JESAYA 50:4 - BIBEL JAMITA NA DENGGAN

⁴ Diajari Tuhan Debata do au mandok hata, anso hupargogoi halak na gale. Ganop manyogot disungguli Ia rohangku laho manangihon pangajaranNia tu au.

JESAYA 50:4 ပူးပေါင်းရင်းမြစ်များ

JOB 4:4

Angka hata na nidokmu papir roha, manogu halak na tinggang, na gale dohot na loja.

MASMUR 119:147

Pio-pio do au tu Ho manyogot-nyogot, pos do rohangku di janjiMu.

MASMUR 143:8

Pasunggulkon ma tu au ganop manyogot holong ni rohaMu na manongtong i, angke tu Ho do au mararop roha. Hupasahat do tu Ho tangiangku patuduhon ma tu au dalan sibolusonku.

MASMUR 40:7

Gabe hualusi ma, “Dison do au, tarsurat do di bagasan buku taringot tu au.

MASMUR 45:2

Sian sandok na margoar jolma, raja i do na jumogi, gok na denggan do angka hata ni raja i, angke antong sai na hot do Debata mamasumasu di raja i.

MASMUR 5:3

O Tuhan, pangidoanku tu Ho muda manyogot sai tangihon ma tangiangku, di na maroban haul au tarpainte do au Tuhan di alusMu.

MASMUR 88:13

Tolong ale Tuhan, tu Ho do au pio-pio, ganop manyogot sai martangiang au tu Ho.

PODA 12:25

Holsoan paago jop ni roha, tapi hata na tabo mambaen sonang roha.

PODA 15:23

Denggan ma da sude hata na dipajojor topet di hatihana!

PODA 25:11

Pandapot na dipajojor topet pandohanna tudos tu batu sere do i di pinggan perak.

JESAYA 28:19

Dondonan ni siluluton noma hamu mardapot-dapot ganop ari; angkon taononmunu noma i manyogot, arian dohot borngin. Mur jorbut ma pangkilalaanmu muda mur diingot ho hata i.

JESAYA 28:9

Humolos halahi taringot tu au, didok halahi, “Na mangajar ise dehe ia ning rohania? Ise dehe na manghaporluhon pangajarannia? Diambangkon ia do rupa hamion songon dakdanak na baru sirang manyusu.

JESAYA 35:5

Ungkapon ma mata ni na mapitung, sumuang ma parbinegean ni na maingol.

JESAYA 40:29

Dipargogoi Ia halak na gale, dilehen Ia kuaso di halak na dae-dae.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 54:13

Au sandiri mangajari angka anakmu, anso mangolu sonang nian boti makmur.

JESAYA 8:16

Hamu angka siseanku, angkon jagoonmunu jana momosanmunu do angka tona na nilehen ni Debata tu au.

JEREMIA 1:9

Dung i disurduhon Tuhan ma tanganNia jana dijama Ia ma pamanganku lalu didok Ia, “Satutuna, madung Hubaen hatangKu tu bagasan pamanganmu.

JEREMIA 31:25

Angka na loja sian halahi giot pargogoanKu, jana pabutongonKu angka na garse hara ni na tangkuraparon.

JEHESKIEL 46:13

Didok Tuhan ma, “Ganop ari taran manyogot, angkon haulkonon do sada anak ni biri-biri na marumur sataon jana na so martihas gabe haul situtungon di Tuhan.

MATEUS 11:28

“Ro ma hamu tu Au, sude hamu na loja jana na sorat bobanna, Hupasonang pe hamu!

MATEUS 13:54

Mulak ma Ia tu huta hagodanganNia. Jadi kehe ma Ia mangajari di bagas paribadatan na disi. Homang-homang ma sude halak na manangihon i, hara ni tabona. Didok halahi ma, “Sian dia do dapot Ia hamaloon na songon i? Dung i sian dia do dapot Ia hagogoonNia mambaen angka hahomangan i?

MATEUS 22:46

Umpe sahalak na bisa mangalusi Jesus. Mamungka sian na sadari i, nada adong be na puluk manyapai sanga aha tuSia.

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

LUKAS 4:22

Di parhatutu halahi do Ia jana homang do roha ni halahi hara ni dengganna sude hata na nidokNia i. Didok halahi ma, “Inda he anak ni si Josep on?”

JOHANNES 7:46

Dialusi angka panjago i ma tu halahi, “Nada adong dope pangkatai ni jolma songon i!”

PANGARATAION 18:17

Jadi gabe didok Tuhan tu au: Madung denggan dihatahon halahi aha na dung dihatahon halahi.

PANGARATAION 18:18

SuruonKu ma tu halahi sian bangso ni halahi sandiri sada halak panurirang, songon ho, Musa. DokkononKu ma tusia sanga aha dokkononnia, jana palaluonnia ma tu bangso i sandok na Huparentahon.