JESAYA 50:2 - BIBEL JAMITA NA DENGGAN

² Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

JESAYA 50:2 ပူးပေါင်းရင်းမြစ်များ

PAMUNGKAAN 18:14

Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

2 JUJUR TAON 32:15

Ulang padiar hamu rajamunu i manggabusi dohot paoto-otohon hamu! Ulang haporsayai hamu i! Harana nada unjung debata ni bangso na dia pe sanggup paluahon bangsona anggo sian kuaso ni raja ni Asur. Pasti dohot Debatamunu i pe indangkan na margogo i paluahon hamu!”

MASMUR 106:9

Hara ni parentaMu, mahiang ma Laut Rara, dibolus bangsoMu laut i, songon na mardalan di tonga padang.

MASMUR 107:33

Mahiang dibaen Ia angka batang aek lopus marigang, nada ro be aek sian baba ni mual.

HARURUAR 14:21

Dung i dipahortang si Musa ma tangannia tu ginjang ni laut i, jana diparo Tuhan ma haba-haba na gogo situtu na mangombus sian Habincaran pola sumurut aek i. Manyipat saborngin i sai mangombus haba-haba na gogo i mambaen laut i marbola dua jana maruba gabe tano na mahiang.

HARURUAR 14:29

Hape di na taripar halak Israel di laut i, mardalan di tano na mahiang do halahi, martembok aek di siamun siambirangna.

HARURUAR 7:18

Marmatean ma angka ihan jana sun ma bau ni batang aek on, jabat nada tarinum halak Mesir i aekna.’ ”

HARURUAR 7:21

Marmatean ma angka ihan na di bagasan batang aek i jana santak bauna, jabat nada tarinum halak Mesir be aek i. Sap mudar ma tano Mesir sude.

PODA 1:24

Madung hupiohon hamu jana huelek, hape dijua hamu do jana nada ra hamu manerge.

JESAYA 11:15

Pahiangon ni Tuhan ma dohot Solok Sues. BaenonNia ma mangombus alogo na milas lopus mahiang Batang aek Efrat jana gabe pitu batang aek na pejet-pejet ma disi jana sude halak tarbaen manariparisa.

JESAYA 19:5

Surut ma aek ni Batang aek Nil jana mur lolot mur mahiang.

JESAYA 23:11

Madung dipatoltol Tuhan tanganna di ginjang ni laut jana ditunggalingkon angka harajaan. Diparenta Ia do Kanaan anso dironcohon angka benteng ni Penisia.

JESAYA 36:20

Debata dia ma na jungada paluahon tanona sian kuasongku? Jadi, ulang diambang hamu tarpalua Tuhan Jerusalem on!’ ”

JESAYA 41:28

Di na Huparrohahon di tonga-tongamu, angka debata, sada pe nada adong na tarbaen mandok hata. Nada adong na tarbaen mangalusi sanga aha pe na Husapai.

JESAYA 42:15

HaromkononKu ma dolok dohot tor, Hupahiang duhut dohot angka hayu. Rura na paihut batang aek Hubaen gabe parhorsihan, jana Hupahiang angka ambar.

JESAYA 43:16

Songon on ma hata ni Tuhan, na mambaen dalan mamolus laut jana na mamolus aek na godang,

JESAYA 44:27

‘Hesut!’ ningKu tu tandolan ni laut, ‘Angka batang aekmu pe pahiangonKu.’

JESAYA 51:10

Ho muse do na pahiangkon laut bidang; na mambaen dalan sian aek i, gabe tarbaen bangso na nipaluaMi manariparisa.

JESAYA 54:6

Harana dipiohon Tuhan do ho, songon ina na ditinggalkon jana marsak, songon ina na poso di hatiha ditulak ia, ninna Debatamu:

JESAYA 59:1

Satutuna, nada na hurang ginjang tangan ni Tuhan laho paluahon, jana parbinegeanNia nada na hurang tajom mambege.

JESAYA 59:16

Longang Ia marnida na so adong be halak mangurupi na niparkancitan. Gabe pakeonNia noma kuasoNia sandiri laho paluahon halahi jana lehenonNia hamonangan di halahi.

JESAYA 63:13

Di dia do Tuhan na manogu halahi mardalan mamolus laut i songon kudo mamolus padang gurun damos patna i nada unjung tartuktuk?”

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

JESAYA 65:12

Mate hona bunu do hamu, angke di na Hupio, nada mangalusi hamu, jana dompak manghatai Au nada ditangihon hamu. Tumabo do dihilala hamu mangalo tu Au dohot mambaen na jahat.

JESAYA 66:4

Jadi hara ni i, angka parmaraan na nihabiaran ni halahi, apala i ma ro mandondoni halahi sandiri. Angke dompak pio-pio Au, nada adong na mangalusi, jana dompak na manghatai Au, nada adong na manangihon. Tumabo do dihilala halahi mangalo Au dohot mambaen na jahat.”

JEREMIA 14:9

Biasi Ho songon halak na dut roha; songon halak na gogo na so malo mangurupi? Tapi di tonga-tonganami do Ho, Tuhan! Ulang ma tadingkon hami bangsoMon!’ ”

JEREMIA 35:14

Diorai si Jonadab do pomparannia ulang minum anggur, jana dioloi halahi do larangan i. Lopus tu sadari on sahalak pe nada adong sian halahi na minum anggur. Hape Au marpupu torus mangkuling tu hamu, jana nada ra hamu manangihon.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

JEREMIA 5:1

O hamu halak Jerusalem, bolus hamu ma angka dalan di kotamu! Jalahi ma disi, jana ligi sandiri ma! Pareso hamu ma di angka tano lapang ni kota i sanga adong do sada halak na tigor na bonar maradopkon Debata. Muda adong do antong, ampunan ni Tuhan ma Jerusalem.

JEREMIA 7:13

Haru pe marpupu Au mandok hata tu hamu, na so ditangihon hamu do i. Sude do dosa i dipambaeni hamu, jana nada ra hamu mangalusi muda Hupiohon hamu.

JEREMIA 7:27

Dung i didok Tuhan ma tu si Jeremia, “Hara ni i ale Jeremia, haru pe dipaboa ho sudena i tu bangsongKu, nada na ra halahi mamparrohahon angka hata na nidokmi. Haru pe halahi dipiohon nada ra halahi mangalusi i.

JEREMIA 8:6

Madung marsitutu Au manangihon, hape nada tigor rohamunu mandok hata. Umpe adong sahalak sian hamu na manyolsoli pangalahona na jahat i; nada adong na mandok, ‘Aha do hasalaanku?’ Marsitondong dalanna sandiri be do hamu sude songon kudo na mangaroro tu parporangan.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

DANIEL 3:29

Hara ni i, huparentahon tu ganop halak sian bangso dohot marga ni bangso sanga hata na dia pe na mandokkon hata incak tu Debata na nisomba ni si Sadrakh, si Mesakh dohot si Abednego, angkon nilobong-lobong noma i jana bagasna i dirumpakkon. Angke nada adong debata na margogo mambaen songon na nibaen ni Debata i.”

DANIEL 6:20

Di andostorang i ngot ma raja i, jana mopop ma ia kehe tu liang ni singa i.

DANIEL 6:27

Huparentahon tu sude jolma na adong di luat na hurajai anso mabiar jana marsomba tu Debata na nisomba ni si Daniel! Debata na mangolu do Ia salolot-lolotna, lopus tu ujung ni sudena do Ia mamarenta. Nada ra mago harajaanNia. GogoNia nada marhaujungan.

HOSEA 11:2

Tapi mur Hupioi anakKi mur mandao do ia sian Au. Dioban ia haul jana ditutung ia dupa di Baal dohot di angka debata na asing.

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

NAHUM 1:4

Diondam Ia laut jana dipahiang Ia, sude batang aek di pahiang Ia. Gabe harsang Dolok Karmel dohot angka padang na di Basan jana di Libanon malos ma sude angka bunga.

HABAKUK 3:8

Maradopkon angka batang aek ma he? Maradopkon angka batang aek ma he hamumurukMu? Dipanaek Ho do ombun songon tompangan, di na nilehenmu di bangsoMu hamonangan.

BILANGAN 11:23

Dialusi Tuhan ma, “Marbatas dehe kuasongKu? Idaonmu ma tibu, sanga tulus do na Hudok i sanga nada!”

MARKUS 4:39

Ngot ma Jesus, digorahon ia ma alogo i. Didok Ia ma, “So ma ho, pasonang ma!” Jadi so ma alogo i, manigor sonang sajo ma sude.

JOHANNES 1:11

Ro ma Ia tu luatNia sandiri, hape nada dijagit bangsoNia i Ia.

JOHANNES 3:19

Tapi on do panguhuman i: Madung ro hatorangan i tu tano on, tapi humolongan do roha ni jolma i tu hagolapan ulang pado hatorangan i, harana jahat do pangalaho ni halahi.

JOSUA 3:16

magotap ma manigor pardalan ni aek i. Dao di juluan marlagut ma aekna i di Adam, i ma sada kota donok tu kota Sartan. Aek na di jae na mardalan tu Laut Mate magotap ma i sude, lopus tarbaen halak Israel taripar di tano na mahiang tu inganan na di tongtang ni Jeriko.