JESAYA 5:9 - BIBEL JAMITA NA DENGGAN

⁹ Hubege do didok Tuhan Na Markuaso i, “Anggo angka bagas na godang-godang jana na jeges-jeges on, marumar noma i sudena nada adong be manginganisa.

JESAYA 5:9 ပူးပေါင်းရင်းမြစ်များ

2 JUJUR TAON 36:21

Songon i ma tulus tarjadi na nidok ni Tuhan marhite si Jeremia na mandok angkon hiang luat i pitu pulu taon lolotna songon gonti ni angka taon Sabat na so dirohahon i.

JOB 15:28

Sai hot ma ia maringanan di angka kota na sursar, di angka bagas na so adong manginganisa. Na dung ditontuhon hian do angka kota i anso laing hot sego-segona i.

JOB 20:21

Muda mangan ia sude diabiskonsa, gabe nada manahan be hasonanganna.

PODA 15:27

Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.

JESAYA 22:14

Dipataridahon Tuhan, Tuhan Na Markuaso i do diriNa tu au jana didok, “Sanga na bia pe nada Huampuni be anggo hajahatan ni halahi i, lopus mate be halahi. Tuhan, Tuhan Na Markuaso do mandok i.”

JESAYA 27:10

Madung marumpak jana gabe buang kota na marbenteng i songon halongonan na mamolngit. Manjampal lalu maradian disi noma angka hulanan ni pahan-pahanan manjampali bulung-bulung sian dangka ni hayu na adong disi.

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

AMOS 6:11

Muda mangalehen parenta Tuhan, bagas na menek sanga na godang gabe marsegoan.

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

MATEUS 23:38

Anggo on angkon tinggalkonon ma angka bagasmu, gabe mamolngit.

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.