JESAYA 5:5 - BIBEL JAMITA NA DENGGAN

⁵ Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JESAYA 5:5 ပူးပေါင်းရင်းမြစ်များ

PAMUNGKAAN 11:4

Didok halahi ma, “Tabaen ma sada kota dohot sada tugu lopus tu langit puncutna, anso tarbonggal goarta sandiri jana anso ulang marserak hita di tano on.”

PAMUNGKAAN 11:7

Dumenggan ma mijur Hita jana Tapasarsar ma hata ni halahi anso ulang be marsiastuan hata ni halahi be.”

NEHEMIA 2:3

jana hualusi ma, “Sai horas ma da raja i sapanjanna! Bia ma he so marsak iba, anggo laing na tinggal maropuk do kota inganan ni kuburan ni angka daompung boti angka pintu horbanganna i pe madung abis dipangan api.”

MASMUR 89:40

Dirumpakkon Ho angka tembok ni kotana, magargar dibaen Ho angka bentengna.

MASMUR 89:41

Sude halak pamolus marsirampas di nampunania, gabe siincak-incakan ni hombarna noma ia.

PODA 24:31

Hum duri-duri do dohot ri huida na tubu disi. Handangna i pe ma pola unggal.

PARJAMITA 3:3

Adong do hatihana mamunu dohot hatihana pamalumkon, manyego-nyego, dohot hatihana paturehon.

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JESAYA 28:18

Soadahonon ma parjanjianmunu dohot hamatean, jadi muda ro parmaraan, hona noma hamu.

JESAYA 28:3

Dege-degeonna hatongamon ni angka pamimpinna na mabuk i.

JESAYA 32:10

Saonnari tola ma hamu puas, tapi tar sataon nari mandele noma hamu, angke nada adong batu ni anggur di hamu di hamamasa ni musimna.

JEREMIA 18:11

Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 21:4

Paboahon na nidok ni Tuhan, Debata ni Israel songon on, “Zedekia, pataluonKu ma paranganmi na topet marporang mangalo raja ni Babel dohot paranganna. PagukguhonKu ma angka sinjata ni tentaramu di tonga-tonga ni kota i.

JEREMIA 28:8

Na dung dilumbahon angka panurirang hian do taran so adong dope hita, na giot masa parporangan, tangkuraparon dohot nyae ro tu bahat bangso dohot harajaan na gogo-gogo.

JEREMIA 45:4

Ale Barukh! Au Tuhan na topet do Au mangarumpakkon na Hubangun i jana Huumpat na dung Husuan i. Tu sude portibi on do Hubaen songon i.

ANDUNG 1:15

Layas do sude diida Tuhan ulu balangku na garang i. Ditongos Ia tentara anso mate sude sian au doli-doli. Dipisat Tuhan do bangsongku lopus maropuk, songon pambaen ni halak na mamoro anggur.

ANDUNG 2:6

BagasNia sandiri pe na dung dironcohon Ia do; lupa dibaen Ia halak di Sion tu Ari Sabat dohot tu ari pesta. Hara ni santakna muruk ni Tuhan, malim pe dohot raja nada be niakuan.

ANDUNG 4:12

Nada adong na porsaya sian tonga-tonga ni angka raja dohot halak na saportibi bahaso na bolas masuhan ni musu do angka horbangan ni kota Jerusalem.

DANIEL 8:13

Dung i hubege ma sahalak surusuruan mandok tu donganna, “Sadia honok mardalan sude na tarida di bagasan parnidaan i? Intap ni andigan dosa godang i manggontihon haul si ganop ari? Olat ni sadia honok do marlaku parnidaan on, i ma haul si ganop ari, hajahatan na mangagohon, inganan na badia na dung dilehen tentara banua ginjang i didege-dege?”

HOSEA 2:12

MatehononKu ma angka bona ni anggurna dohot bona ni arana, taringot tusi didokkon: Silehen-lehen do sudena on di au, na dilehen ni angka haholongan ni rohangku tu au! BaenonKu ma i gabe harangan, jana panganon ni angka binatang na di padang ma i lopus abis.

HOSEA 2:14

Didok Tuhan ma, “Hara ni i obanonKu ma ia tu halongonan; elek-elehonKu ma ia disi marhite angka holong ni roha.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

HALUMBAAN 11:2

Tapi anggo alamanna i ulang pola suhat, angke anggo alaman ni Bagas Na Badia i madung dipasahat i tu angka jolma na so mananda Tuhan. Lonca-loncaon ni halahi ma Kota Na Badia i opat pulu dua bulan honokna.