JESAYA 5:30 - BIBEL JAMITA NA DENGGAN

³⁰ Anggo di ari i tarbege ma di sude Israel parngiar ni porang sagogo ni ombak ni laut bidang. Ligi da, manggolap ma sudena luat i jana gok hasusaan. Gabe hagolapan marimpot-impot noma na torang i.

JESAYA 5:30 ပူးပေါင်းရင်းမြစ်များ

PARJAMITA 12:2

Muda dapot ma hatiha i nada torang be matamu, gabe rambon ma sinondang ni mataniari, bulan dohot bintang. Ombun na robot na maroban udan, totop ma i paihut-ihut ho songon ancaman.

JESAYA 13:10

Ganop bintang dohot baris-baris ni bintang i mantak ma marsinondang, manggolap ma mataniari di habibincarna, jana bulan pe nada marsinondang be.

JESAYA 13:4

Tangihon ma sora na gaor-gaor di dolok i – sora ni halak na marlagut bahat sajo, hagaoron ni angka bangso dohot angka harajaan na marlagut. Hatiha mamareso barisan na giot marporang i ma Tuhan Na Markuaso i.

JESAYA 17:12

Angka bangso na gogo gabe tarsonggot, sorana songon husasak ni laut dohot sora ni ombak na gogo.

JESAYA 30:6

Songon on ma tona ni Debata salaho tu angka binatang na maringanan di padang halongonan na di Selatan: “Bobanan ni angka suruan i ma halode dohot unto ni halahi dohot angka silua, dung i boluson ni halahi ma luat na gok parmaraan, na niinganan ni singa, ulok na bisa dohot naga na marhabong. Dipasahat halahi ma angka silua i tu sada bangso na so lobassa mangurupi halahi.

JESAYA 59:9

Ninna bangso i ma tu Debata: “Saonnari hami boto ma biasi inda dipalua Ho hami sian na pasiak-siak hami. Hami painte do hatiuron tapi hagolapon do na ro.

JESAYA 8:22

sanga tu tano, umpe bagi aha idaon ni halahi asing sian hasusaan dohot hagolapan maradu haholomon na mandondoni, jana tu inganan na songon i ma halahi ditogu.

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JEREMIA 30:5

“Madung Hubege parngair ni halak na humitir, angka sora ni halak na mabiar jana nada adong dame taringot tu hadamean.

JEREMIA 50:42

Pana dohot podang do sinjata ni halahi; jingar jana na so umboto ampun do i. Songon sora ni laut na marombak songon i ma sora ni kudona na dipacu anso maju mamorangi Babel. Madung hobas halahi marporang mangalo luat i.

JEREMIA 6:23

I ma angka na marsinjatahon pana dohot podang; na jingar do halahi jana na so umboto ampun. Songon husasak ni laut na marombak, songon i ma sora ni parlojong ni kudo ni halahi na dipacu laho mamorangi Jerusalem.”

ANDUNG 3:2

Mur dao au dioban Ia tu bagasan inganan na golap bulita.

JEHESKIEL 26:3

Didok Tuhan Debata i ma, “Au ma musumu, ale Tirus! ObanonKu ma bahat bangso laho mamorangi ho, jana parro ni halahi songon ombak ni laut.

JOEL 2:10

Humutur do tano di na maju halahi, dohot langit pe humuntal do disi. Manggolap dohot bulan songon i mataniari, nada marsinondang dohot angka bintang i.

AMOS 5:18

Na marjaya situtu ma da hamu na painte-intehon ari ni Tuhan i! Aha ma he guna ni ari i di hamu? Hum ari na golap sajo do ari i, nada ari na torang.

AMOS 8:9

Dapot do i hatihana baenonKu bonom mataniari jana manggolap tano on taran arian. Au Tuhan Debata madung mandok songon i.

MATEUS 24:29

“Nada sadia honok dung ro hasusaan di hatiha i, gabe golap ma mataniari, bulan i pe nada marsinondang be. Mardabuan ma angka bintang sian langit, marsursaran ma sude angka hagogoon na di parlangitan i.

HALUMBAAN 6:12

Dung i huida ma dibuka Anak Ni Biri-biri i cap na paonomkon. Ro ma lalo na gogo situtu. Mangalomlom ma mataniari songon goni jana bulan pe gabe rara ma songon mudar.