JESAYA 5:25 - BIBEL JAMITA NA DENGGAN

²⁵ Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JESAYA 5:25 ပူးပေါင်းရင်းမြစ်များ

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 9:21

Marsiporangan ma halak Manase dohot halak Efraim, jana rap mamorangi ma i tu Juda. Tapi laing muruk dope Tuhan jana sai giot manguhumi.

JESAYA 9:17

Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.

2 RAJA-RAJA 9:37

Marserak ma angka teba-teba ni bangkena i songon kotoran ni pahan-pahanan, umpe sahalak be manandasa.”

DANIEL 9:16

Madung dianju Ho hami narobi, hara ni i ulang be muruk Ho maradopkon Jerusalem, kotaMi sandiri, dolokMu na badia i. Angke sude do halak na adong di angka kota na humaliang hami marlayas ni roha maradopkon Jerusalem dohot tu bangsoMu hara ni dosanami dohot hajahatan ni ompunami.

JEREMIA 4:24

Hutailihon angka dolok na gincat munggal-unggal maradu gogo.

1 TESSALONIKA 2:16

Dilarang halahi muse dope hami manjamitahon barita haluaan i tu angka bangso na asing. Jadi di na songon i, laing dipupu halak Jahudi do patamba-tamba dosana gabe mur martimbun lalu tu langit. Jana ujungna saonnari dondonan ni rimas ni Debata ma halahi!

NAHUM 1:5

Humutur do angka dolok muda ro Tuhan; gabe malala do angka tor di adopanNia. Muda masuk Tuhan, humutur ma portibi, humutur ma tano dohot sude pangisina.

JEREMIA 16:4

Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.

MASMUR 18:7

Dung i humutur ma tano bope bona ni dolok humutur, harana muruk ni Debata madung gurgur.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

ZEPANYA 1:17

Didok Tuhan ma, “ParoonKu ma bahat parmaraan tu jolma manusia lopus gapa-gapa halahi songon halak na so marnida. Mardosai do halahi tu Au, jana saonnari durus noma mudar ni halahi songon aek, jana marbusuhan ma angka bangke ni halahi di tano i.”

HABAKUK 3:10

Hum mangida Ho munggal-unggal ma angka dolok sian langit udan songon na durus dibaen por. Aek na di toru ni tano gumadobur sorana ombakna i marbalun-balun jana manggasa-gasa.

MIKA 1:4

Malala do angka dolok di toru ni patNia tudos tu lilin di bagasan api na gara; madencur angka dolok i lalu tu rura, songon aek di tor na marsasak tu lombang.

HOSEA 14:4

Anggo Asur nada margogo i paluahon hami, jana kudo porang pe nada tarbaensa mangurupi hami. Nada ra be hami manghobari dohot angka patung na hami baen i gabe debatanami. Ale Tuhan, holong do rohaMu di angka jolma na so adong sanga ise pe sipangasahononna.”

ANDUNG 5:22

Adong he na dung diambungkon Ho do hami songon i? Na so marbolat dehe murukMu tu hami?

JEREMIA 15:3

Au Tuhan, madung Hutontuhon opat pangalaho na jorbut giot masa tu halahi; marmatean ma halahi di parporangan, sarat-saraton ni anjing ma bangke ni halahi, papanganan ni unggas jana pangabison ni binatang panyoro.

JEREMIA 9:22

Marampar angka bangke niida songon rompak di tano parragena; songon bona ni gandum na tading jana na so dipalagut be. I ma tona ni Tuhan na angkon baritahononku.”

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.

JEREMIA 4:8

Antong hara ni i, tangis jana mangandungi ma hamu, pake hamu ma abit goni tanda ni arsakmunu. Angke nada sumurut dope sian Juda muruk ni Tuhan na marnyala-nyala.

MASMUR 114:7

Ale portibi, humutur ma di adopan ni Tuhan di adopan ni Debata ni si Jakob.

MASMUR 106:40

Muruk Ho dibaen bangsoMi, magigi Ho maradopkon halahi.

MASMUR 83:10

na niabiskon di Endor, jana bangkena i gabe napu ni tano.

MASMUR 78:38

Hape dihasiani jana diampuni Ia do bangsoNia i jana nada dipatimpas Ia halahi. Marpupu do diorom Ia murukNia, jana nada dipagurgur Ia rimasNia.

MASMUR 77:18

Hilap pe margurasai, ronggur pe mardotur tano pe mangalalo jana humutur.

MASMUR 68:8

humutur do tano on, diduruskon langit i do udan; di joloMu ale Debata; humutur do Sinai di jolo ni Debata, Debata ni Israel.

2 RAJA-RAJA 13:3

Jadi gabe muruk ma Tuhan tu Israel, jana dipadiar Tuhan ma sanga piga-piga noli ro si Hasael raja ni Siria dohot anakna si Benhadad manaluhon Israel.

1 RAJA-RAJA 21:24

Sanga ise sian hamu na sabagas na mate di kota, papanganan ni anjing ma i, jana na mate di balian ni kota, papanganan ni unggas sipangan bangke ma i.”

1 RAJA-RAJA 16:4

Sanga ise na mate di kota sian isi ni bagasmu, angkon panganon ni anjing jana na mate di balian ni kota panganon ni unggas sipangan bangke.’ ”

1 RAJA-RAJA 14:11

Panganon ni anjing ma pomparanmu na mate di kota jana na mate di balian ni kota angka unggas sipangan bangke ma mangankonsa. Ingot ma i, Au ma Tuhan na mandoksa!’ ”

PANGARATAION 31:17

Muda tarjadi songon i, hona muruk ma halahi baenonKu. TadingkononKu ma halahi, tabunihononKu ma bohingKu maradopkon halahi jana pangabison halahi. Marroan ma bahat parmaraan na ampe tu halahi, jana botoon ni halahi ma umbaen na masa pe songon i tu halahi, angke Au do antong Debata ni halahi, hape nada Hudongani be halahi.

HARURUAR 7:19

Didok Tuhan ma tu si Musa, “Suruhon ma si Harun mambuat tungkotnia jana dipagistang ia ma i tu ginjang ni sude batang aek, tu angka bondar-bondar dohot angka tobat na di Mesir. Gabe mudar ma aekna i, jana sap mudar ma sude luat i, lopus tu bagasan tong hayu dohot sambong batu pe sap ma mudar.”

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 14:19

hape anggo ho umpe adong kuburanmu; diambungkon do bangkemu jana dipadiar gabe busuk didondoni angka bangke ni parporang na marmatean di bagasan porang, disampakkon rap dohot halahi tu bagasan liang batu lalu dilonca-lonca.

JESAYA 23:11

Madung dipatoltol Tuhan tanganna di ginjang ni laut jana ditunggalingkon angka harajaan. Diparenta Ia do Kanaan anso dironcohon angka benteng ni Penisia.

JESAYA 25:11

Surduhonon ni pangisina ma tanganna songon halak na giot marlange. Hape na giot patutoruon ni Tuhan ma halahi lopus gale tanganna i nada margogo.

JESAYA 42:25

Jadi gabe disombabkon Ia ma rimas ni rohaNia tu hita, jana dipamasa Ia porang na mambaen hita susa. Marsigorgor do murukNia pangabiskon halahi, hape nada i taboto jana nada marsiajar hita sian na tarjadi.

JESAYA 51:20

Di suhi-suhi ni ganop dalan, martinggangan angka anakmu abis be gogona. Songon ursa na hona jorat di bagasan tirangkap, taraso di halahi muruk ni Tuhan na santak.

JESAYA 64:3

Di sada hatiha, baenonMu do karejo na luar biasa na so diambang roha. Mijur Ho, ale Tuhan, jana di adopanMu, manyikur angka dolok hara ni na heput.

JESAYA 66:15

Giot ro ma Tuhan marhite api. Jana karetaNia songon halingsungsung, laho palaluhon rimasNa na marapi purun.

JESAYA 66:24

Laho kehe, idaon ni halahi ma angka bangke marserak; i ma angka halak na mangalo tu Au. Binga na mamangani bangke ni halahi i, inda na ra mate, jana api na manutung halahi i nada ra mintop; pamandangan na jorbut ma i di sude jolma.”

JEREMIA 17:4

Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”

JEHESKIEL 6:14

Olo antong, pahortangonKu ma tanganKu jana ropuhonKu luat ni halahi i lopus gabe mamolngit mamungka sian halongonan na di Selatan lopus tu kota Ribla di Utara. Sian angka inganan ni halak Israel, sahalak pe nada adong na giot paluaonKu. Jadi gabe botoon ni halak ma, Au do Tuhan.”

JEHESKIEL 30:25

Satutuna do giot pagaleonKu raja ni Mesir, tapi anggo raja ni Babel giot pargogoanKu. Muda jabat Hulehen podangKu tusia, jana ditampulkon ia podang i adop Mesir, gabe botoon ni halahi ma Au do Tuhan.

AMOS 8:8

Nada he humutur ma tano on hara ni i, jana sude rayat marsiluluton? Nada he humuntal ma sude na i songon Batang aek Nil, dipartunggalbalikkon jana surut songon Batang aek Mesir?”

PANGARATAION 31:18

Nada ra Au mangurupi halahi anggo di hatiha i, dibaen madung mambaen na jahat halahi jana marsomba tu angka debata na asing.

JOB 9:13

Nada diolani Debata rimasNa dohot gurgur ni ate-ateNa. Angka na mangurupi si Rahab pe tunduk do tuSia.

JESAYA 9:11

Madung dipatubu Tuhan tu roha ni musu laho mangalo halahi.

JESAYA 9:16

Madung dipalilu jana digaor angka pamimpin ni bangso i rayat i.

JESAYA 9:20

Di sude luat i marsirampas ma halak jana dipangan be ma sanga aha sipanganon na dapot, hape nada marnabutong. Salang dakdanak ni halahi sandiri pe dipangan halahi!

JESAYA 29:2

Angka andung-andung dohot na tangis noma tarbege disi songon langgatan panutungan noma sude kota i.

JEREMIA 6:12

Lehenon tu halak na asing noma bagas ni halahi songon i muse angka ladang dohot angka dadaboru ni halahi. UhumanKu ma halak na mangingani luat on.

JEHESKIEL 15:6

Jadi hara ni i didok Tuhan Debata i ma, “Songon bona ni anggur na nibuat sian harangan jana ditutung, songon i muse ma giot baenonKu halak Jerusalem!