JESAYA 5:23 - BIBEL JAMITA NA DENGGAN

²³ Marjaya ma hakim na patigorhon parjahat hara ni hepeng suap, jana na so patuduhon hasintongan tu halak na tigor.

JESAYA 5:23 ပူးပေါင်းရင်းမြစ်များ

1 RAJA-RAJA 21:13

Juguk ma dua halak na jahat adop si Nabot, jana dituhas halahi na dua ma si Nabot di jolo ni halak na bahat i na dung mamurai Debata dohot raja. Jadi hara ni i ma dalanna dioban ia tu balian ni kota lalu didangguri dohot batu lopus mate.

2 JUJUR TAON 19:7

Angkon mabiar do hamu tu Tuhan jana jamot-jamot hamu mambaen tindakan, dibaen goyak do roha ni Tuhan mida halak na mambaen hageduhan, na martindak borat sabola sanga na manjagit sogok.”

MASMUR 94:21

Marsatahi halahi mangalo halak na jujur, jana mandabu uhuman mate tu halak na so marsala.

PODA 17:15

Dihagigihon Tuhan do na patigorkon halak na so hasaya, jana na pasalahon halak na so marsala.

PODA 17:23

Parkuaso na mangeldok, manjagit hepeng sogok di sihabunian; hara ni i gabe nada mardalan hatigoran.

PODA 24:24

Muda didok ia halak na sala nada marsala, gabe hona bura do panguhum i jana dihasogohon sude halak.

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

JESAYA 10:1

Marjaya ma hamu! Dipambaeni hamu do angka aturan na so tigor laho mamisat bangsongKi.

JESAYA 10:2

Songon i ma dalanna dibaen hamu laho paimbar hak dohot hatigoran jana mangarampas sinadongan ni angka na mabalu dohot na so marama so marina.

JESAYA 28:7

Angka panurirang dohot angka malim pe nada be tarhatahon parmabukna hara ni na mabahathu minum anggur dohot tuak. Lenong-lenong pardalan ni halahi jana manjomba-jombaan hara ni na golap pikiranna. Nada diastui angka panurirang be angka parnidaan na nilehen ni Debata tu halahi. Nada tarputuskon angka malim be angka parkaro na lalu tu halahi.

JESAYA 29:21

na mamuratu mandok halak pardosa, na mambaen jorat tu halak na paingotkon dohot na manyosak halak na tigor markite-hite saksi pargabus.

JESAYA 32:7

Na jahat do halak na bodo i jana sai matua mambaen na jahat do i. Diakalkon ia do i laho mangago halak na pogos marhite gabus dohot na mangambatisa manjagit aturan bagianna humani.

JESAYA 59:15

Marhite na songon i, hatigoran madung mago, jana sanga ise na mandao sian hajahatan, gabe panganon ni hajahatan.” Madung diida Tuhan sudena i, jana nada sonang rohaNia na so adong be jolma na mambaen haputusan na tigor.

AMOS 5:12

Huboto do sanga songon dia godang ni hajahatanmunu dohot bahat ni dosamunu. Disosak hamu do halak na burju; dijagit hamu do sogok jana dipadiar hamu do dibaen na so tigor tu halak na pogos di paruhuman.

MIKA 3:11

Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”

MIKA 7:3

Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat.

MATEUS 23:35

Ujungna madabu ma tu hamu uhuman hara ni na nibunumunu sude angka na so marsala i mamungka sian pamunuon na tu si Abel na so marsala i lalu tu pamunuon na tu si Zakaria anak ni si Berekia na giot bunuonmunu di holang-kolang ni bilik na badia dohot inganan ni haul na di Bagas Ni Debata i.

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

JAKOBUS 5:6

Diuhum jana dibunu hamu do angka halak na so marsala, hape nada mangalo halahi tu hamu.