JESAYA 5:22 - BIBEL JAMITA NA DENGGAN

²² Marjaya ma halahi angka na gogo minum, jana na malo mancampur minuman na koras.

JESAYA 5:22 ပူးပေါင်းရင်းမြစ်များ

1 RAJA-RAJA 20:16

Dipungka ma marporang arian, dompak minum-minum lopus mabuk si Benhadad dohot donganna sitolu pulu dua halak i lopus masuk di parbandaran ni halahi i.

HARURUAR 23:8

Ulang jagit hamu hepeng sisip, angke gabe mapitung do halak tu na tigor baenon ni hepeng sisip jana mangarugihon do i diparkaro ni angka halak na so marsala.

PODA 20:1

Inumon na koras mambaen jolma hurang ajar jana gaor oto do halak na minum lopus mabuk.

PODA 23:29

Diboto ho dehe na tarjadi tu halak na minum anggur lalu tonga borngin, dohot na manguji siinumon na koras? Mardangol do i jana marhancit. Sai martongkar ma ia jana humolos. Matana i marrarai jana pamatangna mabugangi, nada diboto sanga hara ni aha.

PODA 31:4

Ingot ma, Lemuel! Na minum anggur dohot na nirajaan ni siinumon na koras, nada patut gabe raja.

PODA 31:5

Angke muda lalap minum, lupa ma ia di uhum na tigor, gabe dipaegol ma uhum tu halak na dangol.

JESAYA 22:13

Hape suhar-suhar ni i, marmoga-moga jana marpestai hamu. Mangan juhut ni biri-biri hamu dohot lombu jana minum anggur lalu pio-pio, “Tole ma da mangan minum hita, angke laing na mate ma hita ancogot!”

JESAYA 24:9

Nada adong be halak na minum anggur marendei, nada adong be na mandai tabo ni siinumon na koras.

JESAYA 28:7

Angka panurirang dohot angka malim pe nada be tarhatahon parmabukna hara ni na mabahathu minum anggur dohot tuak. Lenong-lenong pardalan ni halahi jana manjomba-jombaan hara ni na golap pikiranna. Nada diastui angka panurirang be angka parnidaan na nilehen ni Debata tu halahi. Nada tarputuskon angka malim be angka parkaro na lalu tu halahi.

JESAYA 5:11

Marjaya ma hamu! Sian manyogot lalu tu borngin, hum na manginum siinumon na koras ma hamu jana marmabuk-mabuk.

JESAYA 56:12

“Tole, minum anggur ma hita, jana tagogoi be ma na minum on! Tumabo dope ancogot ulang pado sadari on!”

HABAKUK 2:15

Marjaya ma halak na mangalehen donganna jolma minum mardongan muruk, jana na mambaensa lopus mabuk, giot mangaligi hahailana.