JESAYA 5:20 - BIBEL JAMITA NA DENGGAN

²⁰ Marjaya ma halahi na mandokkon hajahatan i denggan jana na denggan i na jahat, na manggonti hagolapan gabe torang jana na torang gabe hagolapan, na manggonti na paet gabe tonggi, jana na tonggi gabe na paet.

JESAYA 5:20 ပူးပေါင်းရင်းမြစ်များ

JOB 17:12

Hape anggo ale-alengku mandok, ‘Arian do borngin i jana dapot ne ma na torang.’ Tapi huboto do di bagasan rohangku, matua sai manggolap noma na masa tu au.

HARURUAR 23:7

Ulang nibaen-baen hata na so tutu tu halak, jana ulang nidabu uhum mamatehon halak na so marsala, harana hona bura do baenonKu sanga ise na mambaen hajahatan na songon i.

PODA 17:15

Dihagigihon Tuhan do na patigorkon halak na so hasaya, jana na pasalahon halak na so marsala.

PODA 4:17

Hajahatan dohot hakejamon tarsongon sipanganon dohot inumon do di halahi.

JESAYA 24:9

Nada adong be halak na minum anggur marendei, nada adong be na mandai tabo ni siinumon na koras.

JESAYA 29:21

na mamuratu mandok halak pardosa, na mambaen jorat tu halak na paingotkon dohot na manyosak halak na tigor markite-hite saksi pargabus.

JESAYA 30:10

Didok halahi do tu angka panurirang, “Pasip! Ulang paboa tu hami na tutu. Na tabo begeonnami ma dok. Padiar ma hami marangan-angan.

JESAYA 32:5

Halak na bodo nada be etongon na marsangap, jana pargabus nada be didokkon i na jujur.

JEHESKIEL 13:19

Dipalayas hamu do Au di adopan ni bangsongKu hum anso dapotan hamu sanjomput bajaure dohot roti piga-piga ponggol. Angka halak na so marsala dibunui hamu, hape anggo halak na patut mate, dipadiar hamu mangolu. Anso tarbaen hamu na songon i, digabusi hamu ma bangsongKi jana porsaya ma halahi tu hamu.’ ”

AMOS 5:7

Marjaya ma hamu, angka na pabalik-balikkon hatigoran dohot na mamogo hak ni halak!

MIKA 3:2

o hamu na margoyak ni roha mida hatigoran jana mangkaholongi hajahatan! Dibobahi hamu do bangsongKi mangolu-olu, jana disingkili hamu juhutna i sian holi-holina.

HABAKUK 1:4

I do umbaen nada margogo be uhum jana hatigoran nada unjung dihajongjongkon. Sumurung ma halak na jahat maradopkon halak na burju, jadi gabe diputar-balikkon ma hatigoran.

MALEAKI 2:17

Susa do Tuhan dibaen angka hata-hatamunu. Tapi didok hamunu do, “Bia ma he hami baen pasusahon Ia?” I ma na niambangmunu: “Ganop halak na mambaen hajahatan denggan do i di mata ni Tuhan; tu halak si songon i ma jop ni rohaNia sanga muda nada, di dia ma he Debata na manguhumi i?”

MALEAKI 3:15

Hara ni i do hita dokkon bahaso marsonang-sonang do angka halak na jungkat, angka na jahat, salang Debata pe diuji halahi do, tapi laing malua do halahi sian jaya.”

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

PANGARATAION 25:1

Adong ma umpamana dua halak Israel na kehe tu pangadilan laho pauruskon sada parsalisian, gabe didok ma na so marsala na sada jana na sada nari i marsala.

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.