JESAYA 5:2 - BIBEL JAMITA NA DENGGAN

² Dipangkur ia tanona i, jana diambungkon ia angka batuna. Disuan ia anggur pilian, dipajongjong ia palas-palas inganan ni panjagona. Dihali ia sada lubang, pamoroan ni anggurna, lalu dipaintesa malamun parbatuna, hape na ancom do dapotsa.

JESAYA 5:2 ပူးပေါင်းရင်းမြစ်များ

2 SAMUEL 7:10

Boti muse, madung Huparade inganan di bangsongKu Israel jana Husuru halahi maringanan na hot disi, anso tarbaen halahi mangolu di bagasan sonang, nada adong na tarhapit.

NEHEMIA 13:15

Huida ma di hatiha i sanga na piga-piga halak di Juda na mamoro anggur di Ari Sabat. Adong muse deba nari na marmuat gandum, anggur, batu ni anggur, batu ni ara dohot barang-barang na asing di ginjang ni halode jana dioban tu Jerusalem. Hularang antong halahi marjagal di Jerusalem.

MASMUR 80:8

Songon bona ni anggur do bangsoMu, na nipaimbarMu sian Mesir. Dipaorot Ho angka bangso na asing gabe disuan Ho anggur i di tano ni halahi.

MASMUR 80:9

Dipasingkop Ho do tano, inganan hatubuan ni bonana i. Gabe bagas ma ia marurat jana manjarampak tu sude luat.

HARURUAR 33:16

Sian dia ma antong parbinotona bahaso na lomo rohaMu di bangsoMon dohot tu au anggo na so dongananMu hami? Nada he hara ni na rap do Ho dohot hami umbaen na markoti bangsoMi sian angka bangso na asing di tano on?”

JESAYA 1:8

Hum Jerusalem noma na tinggal, i pe laing na hona hobuk ma i na so margeldok, songon sopo di kobun anggur sanga songon undung-undung di kobun ancimun.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

JEREMIA 11:17

Au do na pajongjong Israel dohot Juda, Au Tuhan Na Markuaso tapi anggo saonnari madung Husangkapi laho parohon hamamago tu halahi. Halahi sandiri do mangalap-alapi sudena i, patunda ni hasalaan ni halahi; dihaulkon halahi haul tu Baal, hara ni i do umbaen na gabe muruk Au.”

JEREMIA 2:21

Husuan ho songon bona ni anggur na Hutodo sian tampang na sumurung. Hape saonnari ho gabe muba, songon hayu na muab busuk, hayu anggur na riar.

HOSEA 10:1

Tudos tu bona ni anggur na ramos marbatu do Israel. Mur martamba-tamba sinadonganna, mur bahat angka langgatan na nibaenna. Mur tamba denggan tano i, mur jeges muse dibaensa angka tugu ni gana-ganaan na nisombana i.

MIKA 4:8

Jana ho, ale Tugu Punguan ni Biribiri, ale Tor ni boru Sion, giot ro ma tu ho jana angkon mulak muse harajaanmu songon na jolo, harajaan ni boru Jerusalem.

BILANGAN 23:9

Sian angka dolok na gincat, tarida ma bangso i. Sian puncut ni angka tor, huida halahi. Diboto halahi do na nipasupasu halahi so adong bangso na asing mangalobi i.

MATEUS 21:19

Diida Ia ma di topi dalan i sada hayu gala-gala. Kehe ma Ia tu gala-gala i, hape umpe sangkamata batuna pe nada adong diida Ia, hum bulungna sajo do. Gabe didok Jesus ma tu hayu i, “Nada tola be ho marbatu salolotna!” Manigor malos ma bona ni gala-gala i.

MATEUS 21:33

“Tangihon hamu ma jolo umpama na sada nari on,” ninna Jesus. “Adong ma sahalak partano na bidang nampuna kobun anggur, dihandang ia ma sude humaliang kobun i, dihuar ia ma lubang inganan pamoroan ni anggur, dibaen ia muse ma tuhu-tuhu inganan ni na manjago. Dung i dipabolahon ia ma kobun anggurnia i tu angka pamola, kehe ma ia mardalanan tu luat na asing.

MATEUS 21:34

Dung dapot hatihana mamutik batu ni anggur i, disuruhon partano na bidang i ma angka naposonia mandapotkon angka na mamola kobun i laho manjagit bolaanna.

MARKUS 11:13

Sian na dao dope diida Ia ma sangkambona gala-gala, sarmak bulungna i. Jadi kehe ma Ia mangaligi gala-gala i betak na adong batuna. Hape dung lalu Ia tu bonana i, hum bulungna sajo do. Angke nada musim marbatu gala-gala hatiha i.

MARKUS 12:1

Dung i dipungka Jesus ma marumpama laho mandok hata tu angka sintua ni malim i dohot angka Siboto Surat bope tu angka hatobangon ni halak Jahudi i. Ning Ia ma, “Adong ma sada bayo na markobun anggur. Dihandang ia ma kobun anggurnia i humaliang. Dung i dihuar ia ma pamoroan ni anggur i, dipajongjong ia muse ma sada tuhu-tuhu inganan ni panjago. Dung i dipabolahon ia ma kobun anggurnia i, ia pe kehe ma tu luat na asing.

MARKUS 12:2

Jadi dung dapot hatihana mamutik batu ni anggur i, disuruhon nampuna i ma sahalak naposonia mandapotkon angka na markarejo i laho manjagit bagiannia sian suha ni kobun i.

SURAT NI SI PAULUS TU PARLAGUTAN ROM 9:4

Harana halak Israel do halahi, halahi madung dibaen gabe dakdanak, jana madung manjagit hasangapan, angka tona, ugamo dohot angka janji.

1 KORINTUS 9:7

Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!

PANGARATAION 32:6

Songon i ma he pamalosmu di hadengganan ni Tuhanmu, ale jolma na so marbisuk boti na sun otomu? Nada he Amangmu do Ia, na manjadihon ho, na manompa hamu gabe sada bangso?

HAKIM-HAKIM 16:4

Dung i disolom mata ni si Simson ma sada anak boru sian Rura Sorek. Si Delila goar ni anak boru i.