JESAYA 5:19 - BIBEL JAMITA NA DENGGAN

¹⁹ Didok hamu, “Haru diompoti Tuhan Debata Na Badia ni Israel i ma nian patuluskon sangkapNia i anso taboto sanga aha maksudNia.”

JESAYA 5:19 ပူးပေါင်းရင်းမြစ်များ

JESAYA 30:11

Kehe ma ho mandao, jana ulang be ambati hami. Nada ringkot rohanami umbege salaho tu Debata Na Badia ni Israel i.”

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

JEREMIA 17:15

Didok halak do tu au, “Di dia do sude na niondamkon ni Tuhan i? Saonnari ma da i dipadalan!”

JEREMIA 23:18

Au mandok, sahalak pe nada adong sian angka panurirang i na umboto sanga aha na adong di bagasan roha ni Tuhan. Nada adong sian halahi na unjung umbege dohot na umboto angka sangkap ni Tuhan; nada adong muse na mamparrohahon sanga manerge angka hata na nidokNia.

JEREMIA 23:36

Nada tola be pakeon ni halahi pandohan ‘boban ni Tuhan’. Muda adong dope na mamake hata i, angkon baenonKu tonangKi gabe boban na tutu tusia. Madung dipabalik-balik halak Israel hata na Hudok, Au Debata ni halahi, Debata na mangolu, Tuhan Na Markuaso.

JEREMIA 36:23

Disi abis disise si Jehudi tolu tu opat baris, disibakkon raja i ma i dohot piso na menek jana diambungkon ia ma i tu api. Songon i ma dibaen ia torus lopus abis sude surat balunan i mosok.

JEHESKIEL 12:22

“Ale anak ni jolma, biasi sai tagi dihilala halak Israel mandok umpama on: ‘Margonti ari, hape angka alatan nada unjung tarjadi?’

JEHESKIEL 12:27

“Ale anak ni jolma, pandok ni angka halak Israel, anggo parnidaan dohot alatanmi, honok sajo dope i baru anso tarjadi.

HOSEA 10:3

Nada sadia honok nari dokkonon ni halahi ma, “Nada adong be rajanta harana nada mabiar hita mida Tuhan. Aha muse be guna ni raja di hita?”

MALEAKI 2:17

Susa do Tuhan dibaen angka hata-hatamunu. Tapi didok hamunu do, “Bia ma he hami baen pasusahon Ia?” I ma na niambangmunu: “Ganop halak na mambaen hajahatan denggan do i di mata ni Tuhan; tu halak si songon i ma jop ni rohaNia sanga muda nada, di dia ma he Debata na manguhumi i?”