JESAYA 5:14 - BIBEL JAMITA NA DENGGAN

¹⁴ Maradu ngangang ma pamangan ni rura hamatean laho mambondut angka halak na godang di Jerusalem rap dohot rayat na somal marpesta i.

JESAYA 5:14 ပူးပေါင်းရင်းမြစ်များ

MASMUR 49:14

Ditontuhon hian do halahi mate songon biri-biri; hamatean i noma marmahan halahi. Manulus do halahi manuat tu kuburan jana maringanan di bagasan hamatean, manigor malangke ma pamatang ni halahi.

MASMUR 55:15

Padiar ma mate ompot musungki, mangolu-ngolu dibondut hamatean i, angke marroha-roha do hajahatan di bagas ni halahi, lopus tu bagasan roha ni halahi i.

PODA 1:12

Saonnari sonang jana sehat do halahi, tapi annon gabe songon na mate.

PODA 27:20

Anggo di inganan ni halak na mate, lumbang do inganan; laing songon i ma hagiot ni jolma nada tarsuhat bidangna.

PODA 30:16

Portibi ni halak na mate, dadaboru na so unjung mardakdanak, tano na hiang na mangido udan, dohot api na mandilat humaliang.

JESAYA 14:11

Najolo dipasangap do ho mardongan musik ni hasapi, hape saonnari di na lungun ni hamatean noma ho. Angka binga noma podomanmu jana goya ma ulosmu.’

JESAYA 14:9

Madung rade hamatean laho manyambut manjaluangi raja ni Babel i. Gabe tarsunggul ma sumangot ni angka halak na markuaso narobi di tano on, dohot sumangot ni angka raja marjongjongan ma sian habangsa ni halahi.

JESAYA 21:4

Hancit sajo simajujungku jana gok biar ma au. Dipangido rohangku ma anso humipas borngin, hapengani mur tamba dope biarku disi.

JESAYA 24:8

Nada adong be habegean sora ni hasapi na marriang-riang dohot pamalu ni rapano na marmoga-moga.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

JEHESKIEL 7:12

Ro ne ma hatihana, ari na pe madung donok! Nada manutung bagi aha sipanobusi dohot sipanggadis, angke lingkupon ni uhum ni Debata noma sude jolma.

DANIEL 5:30

Laing di borngin i, hona bunu ma si Belsasar raja ni Babel i.

NAHUM 1:10

Angke halahi pe angkon mago songon duri na marsijalin-jalinan, abis matutung songon durame na mahiang.

HABAKUK 2:5

Matua dipaoto-oto hakayoan i do jolma. Jolma na songkal, bulbul do i jana sai humasusa. Songon hamatean do i, na so habutongan; luat tu luat sai rampasonna.

MATEUS 7:13

“Sian pintu na sompit i ma hamu masuk! Harana anggo pintu na godang jana na bidang i, pintu tu narako do i! Na bahatan do halak mamolus sian i.

LUKAS 17:27

Na mangan minum do halahi, marbagas dohot na pabagaskon lopus di ari hamamasuk ni si Noak tu bagasan parau i; dung i ro ma aek na oto mangagohon halahi sudena.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.