JESAYA 5:12 - BIBEL JAMITA NA DENGGAN

¹² Di angka pestamunu habegean do sora ni hasapi, gambus, rapano dohot suling dohot na minum anggur. Hape nada diterge hamu anggo hagiot ni Tuhan dohot sanga aha na nibaenNa tu hamu.

JESAYA 5:12 ပူးပေါင်းရင်းမြစ်များ

PAMUNGKAAN 31:27

Biasi pola akalanmu au gabe sip-sip ho kehe, nada marpaboa? Sugari marpaboa ho tu au pasti do hupatola ho laho kehe di bagasan jop ni roha jana niendean dohot musik dohot hasapi!

2 SAMUEL 19:35

Ma marumur au salapan pulu taon jana nada adong be na pasonangkon di au. Nada huboto be daina sanga aha na hupangan sanga na huinum i, jana nada hubege be sora ni angka parende. Hum boban sajo noma au di raja i.

JOB 34:27

Harana nada dioloi halahi giot ni rohaNia jana nada diantureskon halahi parentaNia.

MASMUR 28:5

Nada diampirkon halahi pambaenanMu da Tuhan; karejoMu pe nada diparrohahonsa. Jadi gabe uhumanMu ma halahi jana agoonMu halahi salolot-lolotna.

JESAYA 22:13

Hape suhar-suhar ni i, marmoga-moga jana marpestai hamu. Mangan juhut ni biri-biri hamu dohot lombu jana minum anggur lalu pio-pio, “Tole ma da mangan minum hita, angke laing na mate ma hita ancogot!”

JESAYA 24:8

Nada adong be habegean sora ni hasapi na marriang-riang dohot pamalu ni rapano na marmoga-moga.

JESAYA 29:1

Marjaya ma kota Jerusalem na nigoaran langgatan ni Debata! Marjaya ma kota parundung-undungan ni si Daud! Padiar ma margonti-gonti taon tu taon songon i dohot angka pesta-pestana.

JESAYA 5:19

Didok hamu, “Haru diompoti Tuhan Debata Na Badia ni Israel i ma nian patuluskon sangkapNia i anso taboto sanga aha maksudNia.”

JESAYA 56:12

“Tole, minum anggur ma hita, jana tagogoi be ma na minum on! Tumabo dope ancogot ulang pado sadari on!”

JEHESKIEL 26:13

AntahonKu ma sude ende-endemu dohot musik hasapimu.

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

LUKAS 16:19

“Adong ma sada halak na kayo na mamake pakean surto, jana na marsonang-sonang ganop ari.

1 KORINTUS 14:7

Laing songon alat musik na so marhosa i, isara ni suling dohot hasapi, anggo so torang do mardomu sorana i dibaen na mamalu i, dia ma he diboto halak sanga na ende aha na nibaenna i?

JUDAS 1:12

Muda hatiha mambaen pesta parjamuan hamu, laing halahi ma tongtong na mambaen tilako di hamu. Angke nada adong ila ni roha ni halahi, na songkal jana na pamokmokkon dirina. Songon ombun na niombuskon ni alogo do halahi, hape nada parohon udan. Laing songon suan-suanan do halahi na so marbatu haru pe madung dapot musimna; songon suan-suanan na niumpat do halahi gabe rahar.

1 SAMUEL 12:24

Pasangap hamu ma Tuhan i jana mangoloi tuSia ma hamu di bagasan na tigor dohot sian sandok rohamunu. Ingot hamu ma angka pangalaho na godang na dung dibaen Ia di hamu.