JESAYA 5:10 - BIBEL JAMITA NA DENGGAN

¹⁰ Tapi kobun anggur na nibajak di bagasan sampulu ari, hum sagunci noma suhana. Jana same na sinabur tolu pulu onom kaleng bahatna, hum santuhuk gandum noma sabionna.”

JESAYA 5:10 ပူးပေါင်းရင်းမြစ်များ

HARURUAR 37:22

Sude parlampuan i dohot angka lampusung maradu angka dangka-dangkana i sian sangkimpal sere tompoan do i dibaen.

JESAYA 32:13

jana di tano ni bangsongku madung martubuan angka sihupi. Tangisi hamu ma angka bagasmunu inganan ni halak marsonang-sonang dohot kota na rumibur i.

JESAYA 7:23

Angka kobun anggur na denggan, na nisuanan dohot sasaribu be bona ni anggur na mararga saribu hoping perak, hatubuan ni ramba-ramba ma i dohot sihupi.

JEREMIA 48:33

Madung pola mago hamogaan dohot jop ni roha sian tano Moab na napu i. Au mambaen mantak aek ni anggur mardalan sian pangilangan ni anggur; nada adong be halak na pature anggur dohot na marsurahi marjop ni roha.

JOEL 1:17

Di tano na harsang, same marmatean. Nada adong be gandum na nisimpan. Rumar talobat gabe marlohaan.

HAMALIMON 26:26

Gabe sude ma balanjomunu, jabat sampulu dadaboru mangalompa di sada tataring pamasakkon roti na adong di halahi. Dibagi dos panganon i, dung i dilehen di hamu, hape sai tongtong male hamu.

HAMALIMON 27:16

Muda adong sahalak mangalehen sabagian sian tanonia tu Tuhan, arga ni tano i ditontuhon mangihutkon bahat ni same na masuk tu tano i. Ganop dua pulu kilogram gandum ditontuhon ma sampulu hepeng perak.

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

HAGAI 2:16

kehe hamu mangaligi talobat ni gandum jana diambang hamu dapot hamu ma 200 kilo gandum, hapengani hum 100 do na adong. Kehe ma hamu laho manahu 100 liter anggur sian tongna, hapengani hum opat pulu liter do na adong.

PANGARATAION 28:38

Saburkononmunu ma bahat same, hape saotik sajo do suhana dapot ho, angke papanganan ni siapor do na nisuanmunu i.

PANGARATAION 28:39

Suananmunu ma angka kobun anggur jana pature-tureonmunu ma i, hape nada adong putihonmunu parbatuna sanga inumonmunu aek ni anggurna, angke papanganan ni ulok-ulok do bona ni anggur i.