JESAYA 48:6 - BIBEL JAMITA NA DENGGAN

⁶ Madung dibege ho sudena i jana saonnari idaonmu noma i. Saonnari Hupataridahon angka pangalaho na imbaru, na so unjung dope Hubaritahon di hatiha na salpu.

JESAYA 48:6 ပူးပေါင်းရင်းမြစ်များ

MASMUR 107:43

Dipikiri halak na marroha ma sudena i jana dihaporsayai halahi ma holong ni roha na manongtong sian Tuhan i.

MASMUR 119:13

Marsora na gogo giot pabotohononku sandok uhum na nilehenMu.

JESAYA 21:10

Bangsongku Israel! Ma hona dege-dege ho songon burir ni gandum. Saonnari hupaboa ma tu ho jamita na denggan na hubege sian Tuhan Na Markuaso i, Debata ni Israel.

JESAYA 42:20

O Israel, bahat do nian na niidamu, hape so diparrohahon ho, marbuka do nian pinggolmu, hape na so marbinege do.”

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.

JESAYA 42:9

Angka na disurirangkon humani madung tarjadi, saonnari na imbaru noma sipaboaonKu tu hamu haru pe nada tarjadi dope i.”

JESAYA 43:19

Ligi ma, giot baenonKu ma sada pangalaho na imbaru, saonnari mamungka ma tarida, madung he diboto ho? Na giot baenonKu ma dalan di halongonan, mardalan ma angka aek godang di padang na bidang.

JESAYA 48:7

Saonnari Hupadiar i tarjadi; di hatiha na salpu nada adong dope na songon i. Sugari adong, pasti dokkononmu, ‘Madung sudena i huboto.’

JEREMIA 2:31

O hamu Israel, tangihon ma angka hatangKon. Unjung ma he Au songon padang halongonan maradopkon hamu, sanga songon tano na golap bulita jana na gok parmaraan? Hape biasi didok hamu sai na giot bebas hamu, jana nada ra be mulak mangulahi tu Au?

JEREMIA 33:3

“Pio-pio ma ho tu Au, jadi gabe alusanKu ma; giot paboaonKu tu ho angka pangalaho na jeges-jeges jana na pahomang roha na so diboto ho dope.

JEREMIA 50:2

“Paboa ma barita tu angka bangso! Pasar ma barita i. Baen ma tanda anso sar barita i. Ulang tabuni-tabunihon barita i. Madung hona taban Babel! Madung maila Debata Bel, madung tarsonggot Marduk! Madung maila angka gana-ganaan i.

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

MIKA 6:9

Habisuhon do muda mangkabiari Debata. Pio-pio do Ia tu halak na mangingani kota, didok Ia do, “Tangihon ma ale hamu na marlagut di bagasan kota!

MATEUS 10:27

Sanga aha na Hudok tu hamu di na golap, hobarkon hamu ma i di arian raya. Sanga aha na Huhusipkon tu pinggolmunu, jamitahon hamu ma i sian bungkulan ni bagas!

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

1 KORINTUS 2:9

Tapi songon na nidok ni surat di Buku Na Badia i do, “Anggo di angka halak na manghaholongi Debata, madung dipasingkop Debata hian angka na so unjung diida mata, sanga dibege jolma, jana na so jungada muse dope tubu di bagasan roha ni jolma.”

HALUMBAAN 1:19

Antong, suratkon ma sanga aha na niidamu, i ma angka na adong saonnari dohot angka na giot tarjadi tu pudi on.

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”