JESAYA 48:12 - BIBEL JAMITA NA DENGGAN

¹² “Ale Israel, ho ma bangso na Hupiohon, Au Debatamu, Au do na parjolo dohot na parpudi.

JESAYA 48:12 ပူးပေါင်းရင်းမြစ်များ

PODA 7:24

Hara ni i, ale dakdanak, tangihon ma au. Parrohahon ma angka sipaingotku.

PODA 8:32

Tangihon ma au, ale na poso-poso! Ihutkon ma panogu-noguonku anso martua ho.

JESAYA 34:1

Ro ma hamu angka bangso marlagut, jana tangihon hamu ma. Marroan ma na satano on dohot sandok na mangolu di bagasanna manangihon.

JESAYA 40:26

Tatap ma tu langit i, ise dehe na mambaen bintang? Diatur Ia do sudena i songon parangan, diboto Ia do sanga sadia sude bahat ni bilanganna, jana ganop be do i dipio Ia marguru tu goarna. Hara ni godangna kuasoNia, sada pe nada adong i na jabat mago so haidaan.

JESAYA 41:4

Ise do na mambaen dohot mangkarejohon i sudena? Au Tuhan, na parjolo, na sian parmulaan mamio bangkit angka pomparan, jana tu na giot ro Au tongtong rap dohot halahi.

JESAYA 43:10

Hamu do angka saksingKu, ninna Tuhan. Hutodo ho gabe naposongKu, anso ditanda ho Au jana porsaya tu Au, jana na mangastui, bahaso Au do Tuhan. Sasada Au do da Debata, anggo Debata na asing nada unjung i adong, jana indangkan na adong i.

JESAYA 43:11

Au sandiri ma da Tuhan, asing sian Au nada adong na gabe haluaan.

JESAYA 44:1

“Tangihon ma ale Israel, naposongKu, pomparan ni si Jakob bangso na nitodo ni rohangKu.”

JESAYA 44:6

On ma na nidok ni Tuhan, Raja dohot Partobus ni Israel, Tuhan Na Markuaso, “Au do na parjolo jana Au do na parpudi, asing sian Au nada adong be debata na asing.

JESAYA 46:3

Ale pomparan ni si Jakob, tangihon ma Au, hamu sude na malua sian tonga-tonga ni bangsongKu. Mamungka sian bortian, Hutuhuk hamu; mamungka sorang, Huhunti hamu.

JESAYA 46:4

Au Debatamunu, giot mangondihon hamu; lopus matobang jana ubanon obukmunu. Au na manompa hamu, sai na sarihononKu do hamu, sai na paluaonKu jana urupanKu hamu.

JESAYA 49:1

Tangihon ma au, ale angka pulo, parrohahon ma, ale angka bangso na dao! Hatiha sian bortian dope madung dipio Tuhan madung didok goarku hatiha dibortian ni dainang.

JESAYA 51:1

“Tangihon ma Au, ale hamu na manjalahi hasintongan, ale hamu na manjalahi Tuhan, tatap ma dolok batu na marhite sian ia hamu targorga, jana tu lubang pangkuaran ni batu, na sian i hamu tarhuar.

JESAYA 51:4

Parrohahon ma sorangKu, ale angka bangso, patinggil ma pinggolmu tu Au, ale angka marga ni bangso na marragam! Angke ruar ma pangajaran sian Au, jana tonangKu gabe sinondang tu sude bangso.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

MATEUS 20:16

Dung i didok Jesus ma mangulahi, “Songon i muse ma angka halak na parpudi, gabe parjolo. Halak na parjolo hian gabe parpudi.”

SURAT NI SI PAULUS TU PARLAGUTAN ROM 1:6

Hamu pe dohot do di tonga-tonga ni halahi, hamu na dung nipio ni Jesus Kristus.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

1 KORINTUS 1:24

Tapi anggo di halak na dung nipiohon ni Debata – halak Jahudi sanga na so Jahudi – anggo jamita i hum Kristus do jana Kristus i ma hagogoan ni Debata dohot hamaloan ni Debata.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 2:8

“Tu surusuruan ni parlagutan na di Smirna, songon on ma suratkon: On ma na nidok ni Na Parjolo dohot Na Parpudi – i ma na dung mate jana na mulak mangolu i.

HALUMBAAN 22:13

Au do Alpa dohot Omega, Na Parjolo dohot Na Parpudi, Bonana dohot Ujungna.”