JESAYA 48:10 - BIBEL JAMITA NA DENGGAN

¹⁰ Satutuna madung Hupaias ho, tapi nada songon perak, jana madung Huuji ho marhite hasusaan.

JESAYA 48:10 ပူးပေါင်းရင်းမြစ်များ

1 RAJA-RAJA 8:51

BangsoMu sandiri do halahi na dung niobanMu haruar sian Mesir na songon naroko i.”

JOB 23:10

Hape anggo Ia laing tangkas do diSia dalan sibolusonku, dohot sude na hulangkahon maradu pambaenanku. Sugari niuji au songon sere, angkon tanda ma tarida di iba ias ni ate-ate.

JOB 28:1

Adong do panombangan inganan ni perak nipambuatan, adong muse do inganan ni sere anso nipolinan.

MASMUR 66:10

Ale Debata, madung diuji Ho do hami, songon na papitahon perak di bagasan api.

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

JEREMIA 11:4

Na dung Hubaen do parjanjianKi dohot angka ompu ni halahi di na Huoban halahi ruar sian Mesir, i ma luat na tudos tu narako di halahi. Husuru halahi marpangoloion tu Au dohot patuluskon sandok na Huparentahon tu halahi. Laing Hudok muse do, muda marpangoloion halahi tu Au, halahi ma gabe bangsongKu jana Au Debata ni halahi.

JEREMIA 9:7

Jadi patunda ni i didok Tuhan Na Markuaso i ma, “UjionKu ma bangsongKi anso gabe pita halahi. Angke aha dope na bolas baenonKu maradopkon bangsongKu?

JEHESKIEL 20:38

PaorotonKu ma sian tonga-tongamunu angka halak pangalo dohot parjahat. ObanonKu halahi haruar sian inganan ni halahi saonnari jana nada paloasonKu mulak tu tano Israel. Jadi gabe botoonmunu ma bahaso Au do Tuhan.”

PANGARATAION 4:20

Tapi anggo hamu bangso na nipaluaNia do sian Mesir, inganan liang bosi di hamu. Dioban Ia do hamu haruar sian luat i, anso gabe bangsoNia sandiri, songon na masa di hamu saonnari.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

1 PETRUS 4:12

Angka dongan na hihaholongan! Hancit do ditaon hamu saonnari hara ni na hona uji. Tapi ulang pola homang rohamunu, muda adong masa tu hamu sada pangalaho na luar biasa.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.