JESAYA 47:6 - BIBEL JAMITA NA DENGGAN

⁶ Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JESAYA 47:6 ပူးပေါင်းရင်းမြစ်များ

2 SAMUEL 24:14

Dialusi si Daud ma, “Dut sajo do rohangku: Tapi nada giot au hona uhuman ni jolma. Padiar ma songon i hona uhuman ni Tuhan hita sudena, angke laing parholong ni roha godang do Ia.”

2 JUJUR TAON 10:11

Madung borat boban na nilehen ni damang i tu hamu, tapi umboratan dope na giot silehenonku. Disambok ia do hamu dohot hotang, tapi anggo au giot libasonku dope hamu dohot libas-libas na marduri bosi!’ ”

2 JUJUR TAON 28:9

Adong do sada panurirang ni Tuhan na maringanan di Samaria na margoar si Oded. Di parmulak ni tentara ni Israel i maroban tabanan na sian Juda i, ro ma si Oded mandapotkon halahi di na laho masuk halahi tu kota. Didok ia ma, “Ma talu dibaen hamu halak Juda hara ni na muruk Tuhan Debata ni ompumunu tu halahi. Tapi ditangihon Tuhan do sanga songon dia kejamna dibaen hamu mamunu tentara ni Juda i.

2 JUJUR TAON 36:17

Digorakkon Tuhan ma roha ni raja ni Babel anso mamorangi halahi. Dibunu raja i ma doli-doli ni halak Juda, dohot ma i na di bagasan Bagas Ni Debata. Sada halak pe nada adong na ibo rohania midasa, na matobang sanga na poso, halaklahi sanga dadaboru, na marnyae sanga na horas. Dipasahat Debata do halahi sudena tu raja ni Babel i.

2 JUJUR TAON 36:20

Rayat na malua, dioban ia tu Babel. Gabe hatobannia ma disi halahi jana hatoban ni pomparannia lopus tu hatiha ni harajaan Persia markuaso.

ESRA 5:12

Tapi madung dibaen angka ompu na umpompar hami haririmas ni Debata parkuaso na di banua ginjang i, gabe dipasahat Ia ma halahi tu kuaso ni si Nebukadnesar, raja ni Babel na sian pomparan ni si Kasdim. Dironcohon ia ma Bagas i jana diangkat ia ma bangsonami tu Babel.

MASMUR 69:26

Angke diparhanciti halahi do jolma na niuhumMu, dipahata-hata halahi do halak na nisiksaMu.

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 13:16

Idaon ni halahi sandiri ma angka dakdanak ni halahi na menek-menek i diropuk, bagas ni halahi hona harpus dohot angka daboru ni halahi dipaksa marmainan.”

JESAYA 14:17

Ia ma he ibana na manyegohon angka kota jana na manguba portibi gabe padang parhorsihan? On ma he ibana na so jungada paluahon angka halak na nitabanna i sanga na padiarkon halahi mulak?’

JESAYA 14:6

na manyosak marhite murukna jana sai torus mamparhanciti angka bangso na nitaluhonna.

JESAYA 43:28

Patunda ni i pahodaronKu noma angka malim di BagasKu, jana Israel pasahatonKu anso dipabile jana diabiskon.”

JEREMIA 50:42

Pana dohot podang do sinjata ni halahi; jingar jana na so umboto ampun do i. Songon sora ni laut na marombak songon i ma sora ni kudona na dipacu anso maju mamorangi Babel. Madung hobas halahi marporang mangalo luat i.

ANDUNG 1:14

Dibuat Ia sude dosangku jana dibobok Ia gabe sada, dipaborgokkon Ia muse i di rungkungku, dibaen dokdokna jabat gale au. Dipasahat Tuhan do au tu musu; laho mangalo halahi nada margogo au.

ANDUNG 1:21

Tangihon ma holos ni rohangku, nada adong be na mangapoi iba. Marmoga-moga musuniba hara ni na nibaenMu marmara iba. Paro ma da ari na nijanjihonMi; baen ma songon au marhancit halahi.

ANDUNG 2:2

Ganop kota na adong di Juda, dironcohon Ia nada adong ibo ni roha. Angka benteng na mangondingi luat i dionjarkon Ia lopus marumpahi. Didabuhon Ia lopus marbile noma harajaan i dohot angka pamimpinna.

ANDUNG 4:16

Nada be diparrohahon Tuhan bangsoNia, Ia sandiri do paserakkonsa, dohot mambaen angka malim nada be mararga; angka pamimpin nada adong mangkaholongisa.

ANDUNG 5:12

Ditangkupi angka pamimpinami jana digantungi, jana simatobangnami dipalayas halahi.

JEHESKIEL 24:21

Dokkon ma tu halak Israel; songon on do didok Tuhan Debata satutu-tutuna pahodaronKu ma inganan parbadiaanKu, kuaso na dipangasahonmu, hasonangon ni matamu dohot rohamu; dohot anakmu halaklahi dohot dadaboru na nitinggalkonmu angkon mate rumpak dibaen podang.

JEHESKIEL 28:16

Lalap do ho marboniaga, jana i ma da na maroban ho tu jogal ni roha dohot dosa. Jadi gabe Hupaorot ho sian dolokKu Na Badia i, jana diayak surusuruan panjagomi ho sian tonga-tonga ni simata na marlinang-linang i.

OBAJA 1:10

“Jahat do pambaenmu maradopkon angka kahanggimu pomparan ni si Jakob. Jadi hara ni i, roncohonon noma ho, jana ho pe abiskonon noma ro di salolot ni lolotna.

OBAJA 1:16

Di ginjang ni dolokKu Na Badia i, madung diinum bangsongKu siinumon na manggambarkon uhumannia. Tapi umpaet dope siinumon ni angka bangso na di tano on. Nada tarpasiding halahi uhuman i. Angkon inumon ni halahi do i jana pangabisonna. Jadi gabe mago noma halahi ro di salolot-lolotna.”

ZAKARIA 1:12

Dung i didok Surusuruan i ma, “O Tuhan Na Markuaso, pitu pulu taon honokna muruk Ho tu Jerusalem dohot tu angka kota na adong di Juda. Sadia honok nari sai tongtong Ho muruk jana nada ampunanMu halahi?”

ZAKARIA 1:15

Tapi muruk situtu do Au maradopkon angka bangso na mandokkon dirina sonang. Angke taran muruk Au maradopkon bangsongKi ditambai halahi do parkancitanna.”

MATEUS 7:2

Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

PANGARATAION 28:50

Kejam do baenon ni halahi jana nada mamake ibo ni roha sanga na tu ise pe, bope tu na matobang bope tu na poso.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!