JESAYA 47:2 - BIBEL JAMITA NA DENGGAN

² Duda ma topung dohot batu; tanggalkon ma basaenmu, buka ma bajumu na jeges i, singkat ma abitmu manaripari aek i.

JESAYA 47:2 ပူးပေါင်းရင်းမြစ်များ

PAMUNGKAAN 24:65

disapai ia ma tu hatoban ni si Abraham i, “Ise dehe bayo na di padang i na ro mandapotkon hita?” ning ia. “I ma da ibana tuanki,” ning hatoban i. Jadi dibuat si Ribka ma basaennia manutupi bohinia.

1 JUJUR TAON 19:4

Jadi ditangkup si Hanun ma suruan ni si Daud i, dicukur ma janggut ni halahi sasabariba, diponggol ma pakean ni halahi mamungka sian tonga-tonga lalu tu pangkal ni hae-haena, dung i disuru ma halahi kehe.

JOB 31:10

sai gabe pardahan ni halak na asing ma parsereanku; sai modom di podoman ni halaklahi na asing ma jolmangku.

HARURUAR 11:5

jana mate ma sude anak halaklahi siangkaan ni raja i, lalu tu anak siangkaan ni hatoban dadaboru siduda eme. Anak ni pahan-pahanan na parjolo sorang pe marmatean ma.

PARJAMITA 12:4

Alang-alang tarbege noma tu pinggolmu hariburon na di dalan i. Sora ni musik dohot panggilingan giot-giot so habegean. Nada sinok be parmodommu. Sora ni unggas pe, ma tarsunggul ho dibaensa.

JESAYA 20:4

Tabanon ni raja Asur ma angka jolma sian luat na dua i jana na giot iringon ma halahi marsae mara. Na tobang dohot na poso, mardalan ma sudena i so marpakean dohot na so marsolop, tarida pantatna i, laho palayaskon Mesir.

JESAYA 3:17

Hape uhumanKu noma halahi; sap ma uluna i rasa-rasaon lopus gabe palpalon.”

JESAYA 3:23

angka sormin, angka kameja na sian linen, angka bulang dohot angka pakean luar.

JESAYA 32:11

Mabiar ma hamu ale angka dadaboru na sonang, humitir ma hamu ale angka dadaboru na dame, buka ma abitmu jana pake ma abit goni.

JEREMIA 13:22

Betak sapa-sapa hamu biasi ro i tu hamu, biasi disibakkon pakeanmunu jana dibaen tu hamu roha-rohana. Patut angkon botoonmunu, patunda ni na magodangtu do dosamunu umbaen na tarjadi sudena i.

JEREMIA 13:26

Au sandiri manyibakkon pakean sian pamatangmu anso marsaemara ho jana maila.

JEREMIA 25:10

AntahonKu ma sian halahi sora na marriang-riang jana na marmoga-moga di pesta parbagason, sora ni batu panggilingan dohot torang ni lampu.

JEREMIA 27:7

Mangoloi tusia do sandok bangso, tu anaknia dohot tu pahompunia lopus dapot hatihana madabu bangsonia i. Anggo di hatiha i mangoloi ma bangso Babel tu angka bangso na gogo dohot tu angka raja na godang.

ANDUNG 5:13

Doli-dolinami dipaksa karejo di kilangan, angka dakdanak halaklahi didondoni hayu boban lopus tarhatos.

HOSEA 2:3

Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.”

MIKA 1:11

Hamu na maringanan di Safir, kehe ma hamu tu habuangan nada marpakean jana mardongan ila ni roha! Angka halak Zaanan nada puluk ruar sian kotana. Angguk ni halak Bet-Haesel, i ma patuduhon tu hamu na so adong be pangondian disi.

MATEUS 24:41

Adong muse dua dadaboru na manduda. Sahalak dioban, tapi na sada nari ditinggalkon.

LUKAS 17:35

Sian dua halak na rap manduda eme, sada ma halahi dioban, jana sahalak nari ditadingkon. [

1 KORINTUS 11:5

Jana muda adong dadaboru na martangiang, sanga manyurirangi ia, hape inda marbasaen ulunia, na pabilehon ulunia i do i. Gabe tarsongon na marcukur ma ia muda songon i.

HAKIM-HAKIM 16:21

Gabe ditangkup halak Pilistin ma ia jana diholuk anak ni matana i. Dioban halahi ma ia tu Gasa jana ditambat halahi ma ia dohot rante tumbaga lalu dipamasuk ma tu bagasan hurungan. Disuru ma ia disi markarejo manggiling.