JESAYA 47:1 - BIBEL JAMITA NA DENGGAN

¹ “Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.

JESAYA 47:1 ပူးပေါင်းရင်းမြစ်များ

JOB 2:13

Pitu ari pitu borngin halahi juguk di tano i, di lambung ni si Job, umpe mandok hata sangkababa, angke songon i noma boratna diida halahi sitaononnia i.

JOB 2:8

Dung i juguk ma si Job di ginjang ni rompak na nitimbun, jana dibuat ia ma topik-topik ni ngarngar panghayo ni pamatangnia i.

MASMUR 137:8

Segohonon noma ho, ale Babel hara ni na sai mangasa gogo do giotmu. Martua ma sanga ise na mamalos tu ho hajahatan na nibaenmu tu hami.

MASMUR 18:27

Dipalua Ho do angka na toruk roha, dipatunduk Ho do na ginjang roha.

MASMUR 89:44

Dibuat Ho kuasonia songon raja, disampakkon Ho tu tano tukunia.

JESAYA 13:1

On ma tona ni Debata na nijagit ni si Jesaya anak ni si Amos, taringot tu Babel:

JESAYA 13:13

Humutur ma baenonKu langit i jana tano on humuntal sian ingananna di ari i, Au Tuhan Na Markuaso patuduhon kuasongKu.

JESAYA 14:1

Giot asian ni Tuhan ma Israel bangsoNia i, jana manodo halahi mangulahi gabe nampunaNia. Giot baenonNia ma halahi mangulahi maringanan di tano ni halahi sandiri. Marroan ma halak na asing jana maringanan disi rap dohot halahi.

JESAYA 21:1

Songon on ma alatan taringot tu Babel: Songon halingsungsung na mardonging na mamolus di parhorsihan, songon i ma haroro ni parmaraan sian luat sihabiaran.

JESAYA 23:12

Didok Ia ma, “O kota Sidon! Madung marujung jop ni rohami. Madung tarsosak pangisimu. Haru pe mangungsi bage halahi tu Sidon, nada sonang halahi.” (

JESAYA 26:5

Patutoruon ni Tuhan do halak siginjang roha, jana pangabisonNia kota ni halahi bagi na bia pe toguna, angka tembokna i maropuk marsampahan tu abu.

JESAYA 3:26

Markutondo ma halak jana mangandungi di angka horbangan ni kota, jana kota i pe tudos ma tu anak boru na nipasalang na juguk di tano.

JESAYA 37:22

madung didok Tuhan tu si Sanherib, “Partataan jana pacia-ciaon ni kota Jerusalem do ho, ale Sanherib.

JESAYA 52:2

Paspaskon ma abu na lohot di pamatangmi, ngot ma ho, ale Jerusalem na nitaban! Talduskon ma ihot-ihot sian rungkungmu, ale boru Sion na tartaban!

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

JEREMIA 46:11

Hamu ale angka halak na maringanan di Mesir, nada margogo sude angka ubatmunu i laho pamalumkon hamu. Jadi hara ni i, kehe ma hamu manjalahi ubat tu Gilead!

JEREMIA 48:18

Hamu halak Dibon, mijur ma hamu sian inganmunu na sangap i, di tano i ma hamu juguk dohot di abuan i. Dibaen madung lalu na manyegohon tanomunu Moab, jana roncohononna noma bentengmu sudena.

JEREMIA 50:1

On ma tona ni Tuhan tu au taringot tu kota Babel dohot halak na maringanan disi,

JEREMIA 50:42

Pana dohot podang do sinjata ni halahi; jingar jana na so umboto ampun do i. Songon sora ni laut na marombak songon i ma sora ni kudona na dipacu anso maju mamorangi Babel. Madung hobas halahi marporang mangalo luat i.

JEREMIA 51:1

Didok Tuhan, “TongosonKu ma alogo panyego-nyego na mangombus adop Babel dohot adop halak na maringanan disi.

JEREMIA 51:33

Nada pola sadia honok nari taluhononna ma halahi jana didege-dege musuna songon gandum di inganan pardegean. Au Tuhan Na Markuaso, Debata ni Israel, madung mandok songon i.”

JEREMIA 51:51

Didok hamu do, ‘Dilayasi do hami jana dipaila, nada marbohi hara ni na nijuguhan ni angka halak sileban inganan na badia di bagasan Bagas Ni Tuhan.’

ANDUNG 2:10

Marjuguhan hatobangon ni kota Sion markutondo di tano; marsisampakkon abuan tu ginjang ni ulu, jana mamake abit goni tanda ni marsakna. Angka nauli bulung pe paunduk ulu lalu tu tano.

ANDUNG 2:21

Na poso dohot na matobang marragean di dalan, na poso-nauli bulung marmatean dibaen podang. Dibuat Ho do hosa ni halahi taran na muruk Ho, disamboli Ho do halahi nada adong ibo.

ANDUNG 4:5

Na somal hian halahi mangankon na tabo-tabo, gabe mate tangkuraparon di dalan-dalan i, jana na mangolu di bagasan na marlobi-lobi, hape anggo saonnari payak-payak di sarop-sarop.

JEHESKIEL 26:16

Paida-ida bagianmu, jongjong ma angka raja na sian bangso-bangso na di topi ni laut sian habangsana, bukaonna baju juba hasangapanna baju na marsulam na nipake ni halahi, lalu marjuguhan di tano humitir be. Sun ma biar ni halahi, gabe nada tarbaensa so.

JEHESKIEL 28:17

Rupamu na tongam i ma mambaen ho gakgak jana patunda ni habonggalanmi ma mambaen maoto ho di pangalahomu. Jadi hara ni i Hutombomkon ma ho tu tano jana Hubaen gabe sipatondit tu angka raja na asing.”

JUNUS 3:6

Di na tarbege tu raja ni Ninive barita i, manigor mijur ma ia sian habangsania. Dibuka ia ma baju harajaonnia i jana dipake ia ma abit goni, lalu juguk ma ia di abuan.

HAGAI 2:22

ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa.

ZAKARIA 2:7

Kehe ma hamu tu Sion palua ma dirimu, ale pangisi ni Babel.

HALUMBAAN 18:7

Lehen hamu ma tusia parkancitan dohot pardangolan sabahat ni hasangapan dohot sinadongan na dung dirasoinia. Harana didok ia do di bagasan rohania, ‘Au do ratu na mamarenta! Nada na mabalu au, nada daionku hamarsahan!’