JESAYA 45:9 - BIBEL JAMITA NA DENGGAN

⁹ Marjaya ma halak na mangalo tu na manompa ia; songon topik-topik ni hudon sambing do ia! Bisa dehe dohonon ni hudon tano i tu na manopana, “Aha do na nibaenmu?” Sanga humolos na so malo na manopa ia?

JESAYA 45:9 ပူးပေါင်းရင်းမြစ်များ

JOB 10:9

Ingot ma na sian tano liat do dijadihon Ho iba! Biasi angkon mulak gabe abu baenonMu iba?

JOB 33:13

Biasi tuhasonmu Debata na so diterge Ia holos ni jolma?

JOB 9:12

Muda mangarampasi Ia, ise ma he na puluk mangararang Ia? sanga na barani marsapa, ‘Na mambaen bia do Ho?’

JOB 9:4

Sun do daulat ni Debata dohot kuasoNa; ise ma he na tahan mangalosa?

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

PARJAMITA 6:10

Sasudena na adong, na dung adong do i sian najolo. Taboto do, na so tarjua jolma halak na gumogo sian ia.

JESAYA 10:15

Tapi didok Tuhan ma, “Tarbaen pato ma he manggodangkon dirina maradopkon na mamakesa? Umporlu ma he gargaji ulang pado halak na mamakesa? Nanggo da potuk-potuk mangangkat halak, tapi halak do na mangangkat potuk-potuk.”

JESAYA 29:16

Dipabalik-balik halahi do sasudena. Sarupa dehe tano liat dohot sitopa hudon? Tarbaen ma he na nitopa i mandok tu sitopa hudon i, “Nada ho na mambaen au”? Sanga tarbaen barang i ma he mandok tusia, “So diboto ho antong na nibaenmu”?

JESAYA 45:10

Marjaya ma dakdanak na mandok tu simatobangna: “Biasi songon on au tubuhononmu?”

JESAYA 64:7

Nada adong na martangiang tu Ho, sanga pe pangurupionMu dipangido. Dibaen dibunihon Ho bohiMu sian hami, dipadiar Ho hami diago dosanami sandiri.

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

JEREMIA 18:6

“O hamu bangsongKu, na so tarbaen Au ma he lakna tu hamu songon na nibaen ni sitopa hudon i tu tano liatnia i? Songon tano liat di tangan ni sitopa hudon i, songon i do hamu di tanganKu.

JEREMIA 36:29

Disuru Tuhan ma au mandok songon on tu raja i, “Madung ditutung ho surat balunan i, jana nada disapai ho tu si Jeremia sanga hara ni aha umbaen na disuratkon ia bahaso giot ro raja ni Babel mangaroncohon luat on lalu mamunu halakna dohot angka pahan-pahananna.

JEREMIA 50:24

Didok Tuhan, “Babel, dialo ho do Au, hara ni i gabe tarhapit ho di bagasan jorgong na Hutaon tu ho, hape nada diboto ho i.

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

1 KORINTUS 10:22

Anso mangiburu dehe lakna Tuhan baenonta? Gumogo dehe hita lakna sian Tuhan?