JESAYA 45:7 - BIBEL JAMITA NA DENGGAN

⁷ Au do manjadihon na torang dohot na golap, Au do parohon pasupasu dohot bura. Hum sasada Au sajo do Tuhan, sudena i madung Hupadalan.

JESAYA 45:7 ပူးပေါင်းရင်းမြစ်များ

2 RAJA-RAJA 19:25

“Na so unjung dope ulaning dibege ho, na Husangkaphon hian do sudena i sian narobi? Jana saonnari ma i Hupatulus. Au do da na mangalehen kuaso tu ho laho mangaroncohon angka kota na marbenteng gabe tinggal tapor-taporna.

JOB 10:13

Hape saonnari ma anso huboto di na sahonokna i, sip-sip madung ditahi rohaMu hamagoanki.

JOB 2:10

Dialusi si Job ma, “Songon halak na bodo do pangkulingmu! Bia do parjadi ni i hum na denggan sajo jagitonta sian Debata, hape muda na jat tulahonta?” Jadi, haru pe dibolus si Job sude sitaonon i, nada adong didok ia hata na mangalo Debata.

JOB 34:29

Muda diputuskon roha ni Debata manghohom Ia, nada adong sahalak pe manggagaisa. Muda ditabunihon Ia bohiNia, nada adong be sanga ise na marsuohonsa.

MASMUR 105:28

Dipamasa Tuhan di luat i golap marimpot-impot, hape dialo bangso Mesir do parentaNia.

MASMUR 29:11

Sai dipargogoi Tuhan ma bangsoNia, jana mangalehen hasonangan di halahi.

MASMUR 74:16

Ditompa Ho do arian dohot borngin, ditontuhon Ho do inganan ni bulan dohot mataniari.

MASMUR 75:7

Tapi Debata sandiri do na manguhumi, diuhumi Ia do na sada jana dipalua Ia na sada nari.

MASMUR 8:3

Muda hutatap langit na nipauliMi, hupareso bulan dohot bintang na nitompaMi,

HARURUAR 14:20

di antara ni halak Mesir dohot halak Israel. Gabe golapan ma sude halak Mesir i hara ni ombun i, hape anggo di halak Israel torang do, jabat nada tarbaen padonok-donok parangan na dua i.

JESAYA 31:2

Na pistar do Tuhan jana diboto Ia do sanga aha na nibaenNia. Diparo Ia do parmaraan jana didalankon Ia do ancamanNia laho manguhumi halak na jahat dohot halak na mangampini halahi.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 44:24

Songon on ma didok Tuhan, Sipalua ho; na manompa ho mamungka sian bortian. “Au ma da Tuhan, na manompa sasudena, sasada Au do pahembangkon langit, na pahembangkon tano on ise dehe na mandongani Au?

JESAYA 47:11

Tondongon ni parmaraan ma ho, nada margogo ajimetmi pasidingkonsa. Ro ma parmaraan tu ho, nada bisa so simbilkononmu i marhite manyombahon haul. Ompot ma ro hamamate tu ho, songon na so diambang rohamu.

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JEREMIA 31:35

Dipasingkop Tuhan do mataniari laho manorangi arian; bulan dohot angka bintang laho manorangi borngin. Digaor Ia laut i anso marombak galumbangna, Tuhan Na Markuaso i, i ma da goarNa.

JEREMIA 51:20

Didok Tuhan ma, “O Babel, na songon potuk-potuk do ho, sinjatangKu laho marporang. Hupake do ho laho manghantam angka bangso dohot angka harajaan.

ANDUNG 3:38

hara ni parentaNia sajo do mardalan na denggan sanga na jat.

JEHESKIEL 32:8

Sudena tehe na torang na di langit i intopanKu jana portibi on manggolap baenonKu. Au Tuhan Debata madung mandok songon i.

DANIEL 2:22

Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

JOEL 2:2

Manggolap do ari i jana mangalomlom, ari na gok ombun dohot hagolapan. Songon sinondang ni mataniari manyogot di ginjang ni angka tor, sada bangso na bahat jana na gogo. Na so unjung masa dope i; jana sapanjangna nada masa be i.

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

AMOS 4:13

Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.

AMOS 5:6

Mulak ma hamu tu Tuhan, gabe mangolu ma hamu. Muda nada mulak hamu tuSia, ro ma Ia songon api na manutung lopus abis halak Israel. Panganon ni api i ma sudena halak na maringanan di Betel, jana nada adong sanga ise pe na tarbaen mangintopisa.

NAHUM 1:8

jana patariparhon halahi dompak ro banjir. Abiskonon ma sude halak na ro mangalo Ia, jana ayakonNia ma musuNia tu bagasan hagolapan.

BAENON NI ANGKA RASUL 4:28

giot patuluskon sasude na dung ditontuhon Ho hian markite-hite kuaso dohot hagiotMu.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.

JUDAS 1:6

Laing ingot hamu ma angka surusuruan na so mangargahon jabatan ni halahi, na gabe kehe halahi manadingkon ingananna. Dipasung Debata do angka surusuruan i dohot hayu na so ra sego salolot-lolotna, di inganan na golap situtu. Torus ma halahi disi ditahan lopus nidabu uhum tu halahi di Ari na godang i.