JESAYA 45:3 - BIBEL JAMITA NA DENGGAN

³ Gabe lehenonKu ma di ho arta pusako, harta sinadongan na buni, anso diboto ho Au Tuhan Debata ni Israel, na dung marpio ho marhite goarmu.

JESAYA 45:3 ပူးပေါင်းရင်းမြစ်များ

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

HARURUAR 33:12

Jadi didok si Musa ma sanoli tu Tuhan, “Tutu do disuru Tuhan au maroban bangso on tu tano na nijanjihonMi, tapi nanggo adong dipaboa Ho tu au sanga ise sisuruonMu mandongani au. Tapi haru songon i pe laing didok Ho do, na nitandaMu goarku jana lomo rohaMu di au.

HARURUAR 33:17

Didok Tuhan ma tu si Musa, “Huoloi pe pangidoanmi hara ni na lomo rohangKu di ho jana Hutanda ho tangkas.”

JESAYA 41:23

Paboa ma sanga aha na giot masa, anso hami boto na tutu ho debata. Baen ma jolo sada na marguna sanga na mambaen susa, anso mabiar hami jana homang roha.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 48:15

Au do na mandok jana na mamiohon ia, Au do na parohon ia, jana sude parkarejoannia marsuha.

JESAYA 49:1

Tangihon ma au, ale angka pulo, parrohahon ma, ale angka bangso na dao! Hatiha sian bortian dope madung dipio Tuhan madung didok goarku hatiha dibortian ni dainang.

JEREMIA 50:26

Porangi hamu ma Babel sian sudena jana bungkar hamu ma angka gudang panyimpanan ni gandumna! Palagut hamu ma angka barang-barang na dirampas i songon na palagutkon gandum! Abiskon hamu ma luat i! Ulang jabat adong na teba!

JEREMIA 50:37

Kudo dohot karetana angkon diropuhi, angke tentara na niongkosan nada be margogo. Diabiskon ma sude hakayoan ni Babel, sinadonganna i dirampas.

JEREMIA 51:13

Na kayo do luat i jana bahat batang aekna, tapi madung abis hatiha ni ngoluna; madung dapot ujung ni ngoluna.

JEREMIA 51:53

Haru pe tarbaen Babel mandangkit tu langit jana mambaen partahanan na gogo disi, angkon laing suruonKu do halak laho manyegohon i. Au Tuhan, madung mandok songon i.”