JESAYA 45:2 - BIBEL JAMITA NA DENGGAN

² “Hujoloi ho laho manotas dalan boluson, dolok dohot tor giot pahornopon. Giot partaporkononKu angka pintu tumbaga, dohot goruk-goruk bosi baenonKu marponggolan.

JESAYA 45:2 ပူးပေါင်းရင်းမြစ်များ

MASMUR 107:16

Diparrumpakkon Ia angka pintu tumbaga, angka palang bosi diparropukkon Ia.

JESAYA 13:2

Pajongjong ma mandera porang di puncu ni dolok na gundul! Marsurak ma tu angka parajurit, jana patoltol ma tanganmu tanda ni na giot mangaroro halahi mamorangi kota na gakgak i jana mangonjar angka horbanganna.

JESAYA 14:31

Martangisan ma hamu, jana marsurahi mangido tolong, hamu ale angka kota ni Pilistin! Humitir ma hamu sugari nian mabiar! Marbual-bual do abuan sian Utara tanda ni haroro ni tentara na garang-garang; nada adong sahalak pe sian halahi parbiar.

JESAYA 24:12

Ma pola maronco kota jana horbanganna pe marumpak.

JESAYA 40:4

Ganop rura angkon timbunon, jana dolok dohot tor dipahornop. Tano na mardolok-dolok dipahornop, jana tano na marholbung-holbung angkon dipadosdos.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 45:13

Au do na manyosoi si Kores anso mambaen tindakan, laho mandalankon maksudKu, anso jongjong hatigoran. Hupahornop dalan sibolusonnia, Jerusalem hutangKu dibangun ia. BangsongKu na hona taban, dipalua ia, so hara ni sisip sanga nidangdangan.” Tuhan Na Markuaso i do na mandokkon i.

JESAYA 48:15

Au do na mandok jana na mamiohon ia, Au do na parohon ia, jana sude parkarejoannia marsuha.

JEREMIA 28:13

kehe tu si Hananya mandok songon on, “Pandok ni Tuhan, ‘Madung ditipulhon ho auga hayu, tapi baenonKu ma auga bosi songon gontina!’

JEREMIA 51:30

Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

JEREMIA 51:58

Giot pahornoponKu tu tano tembok ni Babel na togu i. Angka pintu ni horbanganna na timbo-timbo i surbuonKu noma i. Nada adong gunana usaho ni angka bangso, angke panganon ni api do karejo ni halahi i. Au Tuhan Na Markuaso madung mandok songon i.”

DANIEL 5:28

Peres; astuanna; madung dibagi harajaan ni raja i jana dipasahat tu halak Media dohot Persia.”

DANIEL 8:4

Huida ma manombeng biri-biri jantan i adop Hasundutan, Utara dohot Selatan. Sada binatang pe nada adong na tahan mangadopi ia sanga na malua sian kuasonia. Roha-rohania sajo ma dibaen ia jana gabe ginjang rohania.

NAHUM 3:13

Gale-gale do angka paranganmu songon dadaboru jana harajaonmu saotik pe nada adong geldokna mangadopi musu. Panganon ni api ma sude angka goruk-goruk ni pintu ni horbanganmu.

LUKAS 3:5

Angkon nibuta ma sude holbung, sudena dolok dohot tor nipahornop. Angkon nipatigor ma dalan na so tigor, jana nipahornop ma dalan na manangkok-manuat.

BAENON NI ANGKA RASUL 1:15

Disada hatiha marlagut ma halahi, – hira-hira saratus dua pulu halak ma na ro i – jongjong ma si Petrus mandok hata. Ning ia ma,