JESAYA 45:1 - BIBEL JAMITA NA DENGGAN

¹ Songon on do hata ni Tuhan, “On ma hatangKu tu halak na Hupasupasu i, si Kores na dung Hutiop tangan siamunna. Anso Hutaluhon angka bangso na di jolona, dohot mamupusi angka raja; anso Hubuka angka pintu na di jolona, jana angka horbangan pe nada tartutup be mangulahi.”

JESAYA 45:1 ပူးပေါင်းရင်းမြစ်များ

1 RAJA-RAJA 19:15

Didok Tuhan ma, “Mulak ma ho tu parhorsihan na di lambung ni Damaskus, usehon ma miak tu si Hasael songon tanda na niangkat ia gabe raja ni Siria.

ESRA 1:1

Di taon parjolo mamarenta si Kores, raja ni Persia, dipatulus Tuhan ma sanga aha na nijanjihonNia marhite Panurirang Jeremia. Disosoi Tuhan ma roha ni si Kores anso diharuarkon ia sada parenta sisisehononkon di sude harajaannia. Songon on ma hatana:

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

JOB 12:21

Dipaila Ia angka pangarajai, jana dipaujung Ia daulat ni halahi.

MASMUR 73:23

Hape laing donok do au di lambungMu, ditiop Ho do tangan siamunku.

JESAYA 13:2

Pajongjong ma mandera porang di puncu ni dolok na gundul! Marsurak ma tu angka parajurit, jana patoltol ma tanganmu tanda ni na giot mangaroro halahi mamorangi kota na gakgak i jana mangonjar angka horbanganna.

JESAYA 13:3

Madung dipiohon Tuhan angka ulubalang na nipilianNia na garang, na marpos ni roha di dirina jana na papos roha laho mamorangi dohot manguhumi angka jolma na hona murukNia.

JESAYA 41:13

Au Tuhan, Debatamu, maniop tangan siamunmu; ningKu do, ‘Ulang ho mabiar, urupanKu do ho.’ ”

JESAYA 41:2

Ise dehe na marsuru ia ro sian Habincaran i, na marsuru ia na mandapot hamonangan di sude langkana, na pataluhon angka bangso dohot raja-raja? Podangnia mambaen halahi songon abu, jana panania mambaen halahi songon durame na nipurpuran.

JESAYA 41:25

Madung Hupabangkit sahalak sian Habincaran, sian Utara do ia ro manyerang. Lonca-loncaonnia ma parkuaso songon bustak songon sitopa hudon mangalonca-lonca tano liat.

JESAYA 42:6

“Au ma da Tuhan, na mamiohon ho, markite-hite hasintongan, na maniop tanganmu; madung Hubaen jana Hulehen ho gabe janji tu sude jolma gabe sinondang tu angka bangso;

JESAYA 44:28

Au do na mandokkon taringot tu si Kores: ‘Ia do siparmahanKu, sandok hagiotKu giot patulusonnia, na mandok taringot tu Jerusalem: Padiar ma ia dipajongjong, jana taringot tu Bagas Na Badia: Padiar ma dipayakkon batu ojahanna!’ ”

JESAYA 45:5

Au do Tuhan, nada adong na asing, sasada Au do Debata. Madung Huparsinjatai ho, haru pe goarKu laing so diboto ho.

JESAYA 48:15

Au do na mandok jana na mamiohon ia, Au do na parohon ia, jana sude parkarejoannia marsuha.

JEREMIA 27:6

Au ma da na pasahatkon bangso on sudena tu bagasan kuaso ni naposongKu si Nebukadnesar raja ni Babel i. Salang dohot binatang pe Hupasahat do tusia sirajaanna.

JEREMIA 43:10

Lalu dokkon ma tu halahi, bahaso Au Tuhan Na Markuaso, Debata ni Israel, giot paroonKu naposongKu si Nebukadnesar raja ni Babel tu inganan on. Jana di ginjang ni angka batu na nitanommu di bagasan tano i, giot pajongjongonnia ma habangsania lalu pahirbangonnia bandar ni harajaannia.

JEREMIA 50:3

Na giot ro ma sada bangso sian Utara mamorangi Babel jana mambaen luat i gabe padang na harsang. Marlojongi ma jolma dohot pahan-pahanan jana nada adong be na ra maringanan disi.”

JEREMIA 50:35

Didok Tuhan ma, “Angkon dipatimpas Babel rap dohot rayat dohot parkuaso maradu barisan na malo marroha.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEREMIA 51:30

Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

JEREMIA 51:58

Giot pahornoponKu tu tano tembok ni Babel na togu i. Angka pintu ni horbanganna na timbo-timbo i surbuonKu noma i. Nada adong gunana usaho ni angka bangso, angke panganon ni api do karejo ni halahi i. Au Tuhan Na Markuaso madung mandok songon i.”

JEHESKIEL 29:20

Hulehen tano Mesir tusia songon garar ni angka pambaenannia, dibaen madung karejo tentarania i tu haporluanKu. Au Tuhan Debata madung mandok songon i.

DANIEL 5:6

Gabe rata lombam ma ia jana mabiar situtu jabat humitir totnia i.

DANIEL 7:5

Binatang na paduahon tompana songon gompul. Jongjong di patna pudi i do ia, jana dioban ia tolu holi-holi ni rusuk di antara ni iponnia i. Hubege ma sora na mandok tusia, “Tole bo, papangani ma juhut sanga sadia giotmu!”

DANIEL 8:3

jana tarida ma di topi ni batang aek i sada biri-biri jantan na martanduk dua na ginjang, guminjang na sada jana tanduk na parpudi tubu i do na guminjang.

DANIEL 8:4

Huida ma manombeng biri-biri jantan i adop Hasundutan, Utara dohot Selatan. Sada binatang pe nada adong na tahan mangadopi ia sanga na malua sian kuasonia. Roha-rohania sajo ma dibaen ia jana gabe ginjang rohania.

NAHUM 2:6

Ma pola tarbuka pintu ni angka batang aek, jana sursar ma na di bagas godang sude!

NAHUM 3:13

Gale-gale do angka paranganmu songon dadaboru jana harajaonmu saotik pe nada adong geldokna mangadopi musu. Panganon ni api ma sude angka goruk-goruk ni pintu ni horbanganmu.