JESAYA 43:2 - BIBEL JAMITA NA DENGGAN

² DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

JESAYA 43:2 ပူးပေါင်းရင်းမြစ်များ

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

MASMUR 66:12

Dipadiar Ho do didege-degei musu hami, hami bolus aek magodang dohot api. Hape anggo saonnari dioban Ho do hami tu inganan na sonang so haribo-riboan.

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

IBRANI 11:29

Hara ni haporsayaan, gabe tartaripari halak Israel do Laut Rara songon na mamolus di tano na mahiang, hape anggo halak Mesir dibondut laut i do di na nicubo ni halahi manyiborang muse.

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

MASMUR 66:10

Ale Debata, madung diuji Ho do hami, songon na papitahon perak di bagasan api.

HARURUAR 14:29

Hape di na taripar halak Israel di laut i, mardalan di tano na mahiang do halahi, martembok aek di siamun siambirangna.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

JESAYA 30:27

Tarida do sian na dao kuaso dohot hagodangan ni Tuhan. Api dohot timus patuduhon rimas ni rohaNia. Mandok hata Ia, jana angka hataNia i manutung songon api.

JESAYA 29:6

paluaon ni Tuhan Na Markuaso i kota i marhite bade dohot lalo na gogo. ParoonNia halingsungsung dohot api na marjembur-jembur.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

HARURUAR 3:12

Dialusi Debata ma, “Hudongani pe ho, jana dung dioban ho bangso i haruar sian Mesir, angkon oloanmunu ma Au di dolok on. I ma buktina, paboa Au do marsuru ho.”

MASMUR 32:6

Hara ni i, patut do angkon martangiang tu Ho sude na burju marroha dompak adong dope tinggi giot marsuo dohot Ho. Jadi muda ro pe hasusaan mangalantap, nada jabat hona be halahi.

JESAYA 43:5

Ulang ho mabiar sanga enek rohamu, angke Au do pangondianmu. Sian Hasundutan dohot sian Habincaran, Husuru marlagut angka pomparanmu.

JEREMIA 42:11

Ulang be mabiar hamu tu raja ni Babel i. Di tonga-tongamunu do Au laho paluahon hamu sian kuaso ni tangannia.

JEREMIA 46:28

Jadi ulang be hamu mabiar, ale bangsongKu, ro noma Au laho paluahon hamu. Giot timpaskononKu noma angka bangso ingananmunu Huparserak, tapi anggo tu hamu nada baenonKu songon i. Tutu nian anggo hara ni hasalaan na nibaenmunu angkon manjagit uhuman do hamu, tapi nada pola uhuman na mahancittu. Au Tuhan, madung mandok songon i.”

DANIEL 3:23

Tapi anggo na tolu halak i, i ma si Sadrakh; si Mesakh; dohot si Abednego madabu do songon i tartambat tu bagasan parapian na gara-gara i.

HAGAI 1:13

Dung i dipalalu si Hagai ma tu bangso i tona ni Tuhan i, mandok, “Au do mandongani hamu, ninna Tuhan.”

JOB 5:19

Muda ro mara pangondam, sai na marpupu do ho nipalua.