JESAYA 42:5 - BIBEL JAMITA NA DENGGAN

⁵ Songon on ma didok Debata, Tuhan, na manompa langit jana na paherbangkonsa na manompa tano on dohot sude na tubu di ginjangna na mangalehen hosa tu angka jolma na manginganisa.

JESAYA 42:5 ပူးပေါင်းရင်းမြစ်များ

PAMUNGKAAN 1:1

Di mulana i ditompa Debata ma langit dohot tano.

PAMUNGKAAN 2:7

Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

JOB 12:10

Ia do na mangatak mangatur sasudena na nitompa. Jana na kuaso di hosa ni ganop jolma manusia.

JOB 27:3

husumpahon: Salolot laing markosa au baenon ni Debata, sapanjang adong hosa di bagasan pamatangniba,

JOB 33:4

Madung ditompa Tondi Ni Debata au jana dilehen do dohot ngolungku.

JOB 34:14

Sugari disintakkon Debata hosa ni jolma, jana dibuatkon mangulahi hosa ni hangoluanna,

MASMUR 136:6

Dipahembang Ia tano on di ginjang ni aek, hot do holong ni rohaNia sapanjangna.

MASMUR 33:6

Dilehen Tuhan ma parenta, gabe adong ma langit, mataniari, bulan dohot bintang dijadihon hataNia.

MASMUR 96:5

Patung sajo do anggo debata ni bangso na asing i, tapi anggo Tuhanta, Ia do na manompa alam sasudena i.

JESAYA 37:16

“O Tuhan Na Markuaso, Debata ni Israel, na maringanan di ginjang ni angka mahluk na marhabong, hum sasada Ho do Debata na mamarenta di sude harajaan na adong di sisik ni tano on. Ho do na manompa langit dohot tano.

JESAYA 40:12

Ise ma he tarbaen marsuhat laut dohot tanganna, sanga mangukur langit dohot jari-jarina? Ise ma he tarbaen papungu tano ni portibi di bagasan sambong, sanga manimbang borat ni dolok dohot kiloan?

JESAYA 40:22

Ia na marhabangan di gincat ni hatingkoan ni portibion, pangisina songon siapor. Ia na pahembang langit songon abit, jana mamasang i songon undung-undung baen inganan.

JESAYA 40:26

Tatap ma tu langit i, ise dehe na mambaen bintang? Diatur Ia do sudena i songon parangan, diboto Ia do sanga sadia sude bahat ni bilanganna, jana ganop be do i dipio Ia marguru tu goarna. Hara ni godangna kuasoNia, sada pe nada adong i na jabat mago so haidaan.

JESAYA 40:28

Na so diboto ho dope? Na so dibege ho do? Tuhan na manongtong do anggo Debata. Ditompa Ia tano on sudena, nada unjung Ia loja sanga ngolngolan. Sahalak pe nada tarbaen mangastui angka pikiranNia.

JESAYA 44:24

Songon on ma didok Tuhan, Sipalua ho; na manompa ho mamungka sian bortian. “Au ma da Tuhan, na manompa sasudena, sasada Au do pahembangkon langit, na pahembangkon tano on ise dehe na mandongani Au?

JESAYA 45:12

Au ma da Tuhan na manjadihon tano, dohot na manompa jolma anso mangingani tano. Hara ni kuasongKu langit i pe mahembang, Huatur mataniari, bulan dohot bintang.

JESAYA 45:18

Angke songon on do didok Tuhan, na manompa langit, – Ia do Debata –. Ditompa jana digana Ia tano on tohong dibaen Ia jana hot jongjong; ditompa Ia i nada anso ulang marisi, tapi baen inganan ni jolma do i; “Au do Tuhan, jana nada adong na asing.

JESAYA 48:13

TanganKu do na mamayakkon ojahan ni portibi, jana tangan siamunKu do na pahembang langit i. Muda Hupio halahi, manigor rap udur do ro halahi.

JESAYA 57:16

Angke nada salolotna Au giot mamorso, jana nada giot salolotna Au muruk, anso ulang gabe gale halahi di jolongKu, hape Au do na mambaen hosa hangoluan.

JEREMIA 10:12

Ditompa Tuhan do portibi marhite kuasoNia; marhite hamaloanNia digana Ia tanoon; dipahembang Ia langit marhite hapistaranNia.

JEREMIA 27:5

“Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

JEREMIA 32:17

“O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

JEREMIA 38:16

Marjanji ma Raja Zedekia tu au sip-sip, ning ia ma, “Mangasahon Debata Na Mangolu i, Debata na mangalehen ngolu di hita, husumpahon ma na so dabuhononku uhuman mamatehon ho sanga pasahatkon ho tu angka jolma na giot mamunu ho.”

JEHESKIEL 18:4

Satutuna, Au do nampuna tondi ni sude! Tondi ni ama bope tondi ni anak Au do nampunasa! Jana halak na mardosa, i do na angkon mate.

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

AMOS 9:6

Dibangun Tuhan do bagasNia di langit i dao, dibaen Ia ojahan ni kubah di ginjang tano. Aek na sian laut ditimba Ia tu darat, Tuhan do na mambaen i sudena.

ZAKARIA 12:1

On ma tona ni Tuhan taringot tu Israel, i ma Tuhan na pahembang langit, na manompa portibi jana na mangalehen ngolu tu jolma, didok Ia ma,

BAENON NI ANGKA RASUL 17:24

Debata na manjadihon tano on dohot sude isina, i ma Tuhan di langit dohot di tano on. Nada ra Ia maringanan di angka bagas ni debata na nipature ni tangan ni jolma.

BAENON NI ANGKA RASUL 17:25

Nada na nioloan ni tangan ni jolma Ia, songon na hurangan Ia di bagi aha, angke apala Ia do na mangalehen hangoluan dohot hosa dohot sude na asing i tu sude jolma.

IBRANI 1:2

Tapi di hatiha na parpudi on madung mangkatai Ia tu hita markite-hite AnakNia, na dung ditontuhon do Ia gabe sipanean ni sasude na adong. Marhite Ia madung ditompa Debata hasiangan on.