JESAYA 42:4 - BIBEL JAMITA NA DENGGAN

⁴ Nada mose ia sanga malapat, lopus dipajongjong ia tona di tano on; sude pulo manghalungunkon pangajaranna.”

JESAYA 42:4 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

JESAYA 40:22

Ia na marhabangan di gincat ni hatingkoan ni portibion, pangisina songon siapor. Ia na pahembang langit songon abit, jana mamasang i songon undung-undung baen inganan.

JESAYA 40:28

Na so diboto ho dope? Na so dibege ho do? Tuhan na manongtong do anggo Debata. Ditompa Ia tano on sudena, nada unjung Ia loja sanga ngolngolan. Sahalak pe nada tarbaen mangastui angka pikiranNia.

JESAYA 41:5

Angka pulo madung mangaligisa jana gabe mabiar, angka sundut ni portibi on humitir-hitir; ro ma halahi mandonok.

JESAYA 42:10

Endehon ma logu na imbaru di Tuhan, jana puji ma Ia sian sude parsuhi ni tano on. Gumadobur ma laut maradu sude isina, dohot angka pulo rap dohot sandok na manginganisa.

JESAYA 42:12

Sai dipuji halak na maringanan di na dao ma Tuhan, pagodangkon Ia marhite logu puji-pujian.

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

JESAYA 49:1

Tangihon ma au, ale angka pulo, parrohahon ma, ale angka bangso na dao! Hatiha sian bortian dope madung dipio Tuhan madung didok goarku hatiha dibortian ni dainang.

JESAYA 51:4

Parrohahon ma sorangKu, ale angka bangso, patinggil ma pinggolmu tu Au, ale angka marga ni bangso na marragam! Angke ruar ma pangajaran sian Au, jana tonangKu gabe sinondang tu sude bangso.

JESAYA 51:5

Di bagasan sangkidop mata mandonok ma haluaan na sian Au, ro ne ma haluaan na Hulehen, jana markite kuaso ni tanganKu, parentaonKu ma sude angka bangso; tu Au noma pulo-pulo paintehon. Pambaenan ni tanganKu do diarop roha ni halahi.

JESAYA 55:5

Satutuna, pioonmu ma angka bangso na so nitandamu, jana bangso na so tumanda ho marlojong mandapotkon ho, hara ni Tuhan, Debatamu, jana hara ni na Sun Badia Debata ni Israel, na pasangapkon ho.”

JESAYA 60:9

I ma da angka kapal na marlabu sian Tartis maroban bangso ni Debata mulak sian luat na dao. Sere dohot perak laing diobansa, laho mamuji Tuhan Debata; di Debata ni Israel na umbadia, na mambaen bangsoNia dapotan sangap.

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

MATEUS 12:21

jana mararop ni roha tuSia ma sude angka bangso.”

MARKUS 3:3

Didok Jesus ma tu na mate i tanganna sabariba, “Di tonga-tonga on ma ho jongjong.”

SURAT NI SI PAULUS TU PARLAGUTAN ROM 16:26

Madung dipatidahon do saonnari hasimoon i markite-hite surat ni angka panurirang i, mangihutkon parenta ni Debata na salolot ni lolotna, jana dipabotohon i di sude bangso, anso porsaya halahi sude jana mangoloi tu Debata.

1 KORINTUS 9:21

Tu angka halak na so marTona, songon na so marTona do au Haru pe na so diluar ni Tona i au mangolu, angke tona ni Kristus do oloanku. Hubaen songon i anso dapot au do halahi di Kristus.